Isaya 1:15 - Udél Dwata: Gna Kesfasad ne Lomi Kesfasad

¹⁵ Ke sok gel hdà ye hólól ye bè yóm gel kni ye ebéléu, là kô kenmónu kuy. Balù hilu dulék ye mni ebéléu, là kô naw e hnungol kuy, yakà hónô litô tau deng bnonok ye lem yóm hólól hdà ye.

Isaya 1:15 Referans Kwoze

Mika 3:4

Angat kól yóm kdaw ye hkodu mkik ebè Dwata, okóm là kô nan e bnalà kuy. Mom henbnosen yu lemwót bè yó kem sidek deng gel nmò ye.

Kem Udél Hlalak Tehe Selumun 1:28

Mom yó he ktaba ye do okóm là kô tnimulu kuy. Balù kihu gónó ye hol mebel do là kô ne ye e ton dou.

Sikaraya 7:13

Yó udél yóm Dwata laen dù là gbeken du, monen, “Lemwót bè yóm là kóyô le hmungol du yóm ktabahu kul, là se kô hnungolu kul ke tmaba le ebéléu.

Jirimaya 14:12

Baluen ke fasting le, là kô naw e kenmón kul. Ne baluen ke dsù le ebéléu yóm dsù gel hkekeb le ne ke wen blay le dou bè yóm halay le, là kô naw e henmóyô kul. Mom yó nmou bélê le, matay le bè gida ne matay le lemnus ne matay le bè des.”

Kem Lingón 66:18

Ke là deng benkasu du yóm salà deng nmou, là kô hnungol Dwata dou.

1 Bok Kem Tau Hol Geta 8:22

Bè yó bè solu yóm kdê tau Israél, mógów ebè yóm gónó gel demsù Selumun ne mdà bè yó, hdaen eta sigelen,

Isaya 58:7

Gel henken ye yó kem tau bitil ne hnódó ye bè gónô ye yó kem tau élél laen dù gónó le nô. Benlay ye nes yó kem tau laen dù bang nes lesek le. Hol bê ye kenbê tmóbóng yó kem kuy dumu.

Kem Lingón 55:1

Ó Dwata, hol hnungolem dou yóm hnihu. Hol béem là kenmón yóm kehtóbóngu béléem.

1 Bok Kem Tau Hol Geta 8:54

Timbow deng kni Selumun bè Dwata, ominen mdà bè solu yóm gónó le gel demsù ebè Dwata, bè yóm deng gónón mtud bukolen bè yóm knihen ebè Dwata yó koni igoen hdà du eta bè longit sigelen.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

Matyu 6:7

Bè yóm kni ye, omin he ke alì sensulit ye udél ye lómón yóm kul gel nmò yó kem tau hemtahu bè yóm dwata kéng. Ofo kul ke yó gónón hmungol kul yóm kul dwata ke bè yóm ktahà kni le.

1 Timuti 2:8

Sok ye gel stifun bè simbahan, kóyóu ke logi yóm fen mni, syan ke logi deng hogoten ke Dwata klowilen, ne laen dù tlek lenbuten, ne laen dù gónón seglius bè kem dumuhen.

Isaya 8:17

Deng henbnos Dwata yó kem tauhen, okóm dou sana ksaligu du ne són du ken-gel nawahu.

Kem Lingón 134:2

Hol hdà ye eta hólól ye etu bè Gónô Dwata, ne hol dóyón ye Dwata.

Kun Snulat Jan 9:31

Hónô tngón tekuy là kô hnungol Dwata du yóm tau gemsalà. Són olo hnungolen, són yóm tau madat du ne mimón du yóm kun kóyô.

Kehewà 9:29

Mon Musis se mò du, “Bè yóm kehewau bè nim syudad ni, hdau eta sigelu ne mnihe bè yóm sana kum Dwata hol gónó mogot. Tódô hotok yóm leték ne laen se dù bud bulók kulón anì yó, tngón ye yóm kum Dwata yó, du se funen yóm klamangen benwu.

Isaya 45:15

Yóm Dwata yó kem tau Israél yóm lemwà kul, du se yóm Dwata là ton du.

Isaya 58:4

Yó mò kuy bè yóm kfasting ye, deng ye sunget. Sónmò ye segled ne sfatay. Bè kuy kehedem du bè yóm kfasting lómón ni, bè ni kô gónóhu hmungol du yóm kni ye ebéléu? Là kô yó du.

Isaya 64:7

Laen dù tau tmaba ebéléem ne laen se dù tau htóbóng béléem. Dengi mom hebnos bélê me, deng tódô bayaem mi abay se lemwót bè salà me.

Husiya 5:6

Nwit le kem ubiha ne kem safì mò dsù le ebè Dwata, okóm deng mom gtufì. Là bud ton le ke Dwata ne, deng tnagaken lu.

Kem Udél Hlalak Tehe Selumun 6:17

Tanayen kehegmón. Glewuhen tmulón kéng ne getluhen yóm monok là duón.