Isaya 1:13 - Udél Dwata: Gna Kesfasad ne Lomi Kesfasad

¹³ Laen kô dù ofol ye du yó kem gel nwit ye ebéléu yó. Tey keklitu du yóm insinsu gel ntem ye gel hboo ye ebéléu. Ne tey kekbéu du snéen yóm gel kestifun ye tmaba ebéléu bè ksut yóm Lomi Bulón ne bè yó kem Kdaw Kehegnô ne bè yó kem dumu kdaw ye gel stifun tmaba ebéléu. Yó gónóhu kembê du yóm kdéen ni abay se là kô tenflok ye du yóm kmò ye sidek.

Isaya 1:13 Referans Kwoze

Malakay 1:10

Yó bud udélen, “Hyu béléu ke wen sotu bélê ye mlos tmikeb du yóm bak dól yóm dou Gónô anì laen dù tau bud hbong ofi bè yó mò hkekeb yóm dsù laen dù muhen. Balù udì ke wen gónóhu hligal bélê ye. Là kô naw e henmóyô du yó kem gel blay ye ebéléu,” udél yóm Dwata laen dù là gbeken du.

Matyu 15:9

Laen kô dù muhen yóm gel ktaba le ebéléu, abay se són hlau lenbù nmò tau yóm gel tolok le, okóm bè ktolok le du, hol lómón ke hlau lemwót béléu.’ ”

Kun Snulat Luk 11:42

Angat tey tafak ye yu kem Farisi. Balù yó kem som lemnaw ye, sana keblay ye ke Dwata yóm gesfoloen. Okóm deng mom knogol ye yóm ktedeng kmò bè kem dumu ye, ne yóm kbong nawa ye ke Dwata. Tey hyu se yóm gel keblay ye yóm gesfoloen, okóm bê ye abay mom knogol yó dum hol bong muhen.

Juwél 2:15

Huni ye yóm féw bong taba tau bè Bulul Sayun. Heglalag ye bélê le yóm sotu kdaw htólóng ye mò kdaw ye fasting mni ebè Dwata. Htaba ye yóm kdéen tau na ye gotu stifun tmaba ebè Dwata.

Ifisus 4:30

Bê tekuy nmò gónón blat nawa yóm Tulus Dwata. Yó gónó Dwata hemnô du bélê tekuy yóm Tulusen mò ilô yóm kfunen tekuy, ne yóm kdohò yóm kehewaen tekuy elem hulin kdaw.

1 Kurin 11:17

Okóm wen sotu gónóhu là dmóyón kuy, ne yó but yóm hlolou kuy ni. Bè yóm gel ksimba ye, laen dog gónón temnù yóm kehtahu ye bè yóm kmò ye du, deng mom wen gónón hemsidek kuy.

Juwél 1:14

Eles heglalag ye yóm sotu kdaw htólóng ye mò kdaw ye fasting mni bè Dwata. Hol htaba ye yó kem tau anì na ye gotu stifun tmaba ebè Dwata. Nwit ye yó kem tuha gel malak dalang se yóm kdéen tau bè Juda, nwit ye lu elem Gónô Dwata, omin ye hol hkodu mni tóbóng bè yóm sana kuy Dwata hol gónó mogot.

Kem Udél Hlalak Tehe Selumun 21:27

Tey kenlit Dwata yóm dsuen ebéléen yóm tau gel mò sidek, hol néen ke yó gónón tô demsù anì mkó tahen yóm salaen.

Kem Lingón 78:40

Deng hilu dulék le ne là mimón ke Dwata bè yóm benwu laen hol wen tauhen, ne tendo heblat le nawahen bè yóm benwu laen hol wen tauhen.

Kehewà 12:16

Bè yóm tanay kdaw ne bè yóm ghituhen kdaw hol ye stifun tmaba ebéléu. Hol bê ye abay mò nmò bè yó kem kdaw yó, okóm là sideken ke tmógó ye ken.

Flipay 1:15

Bè ktahuhen, wen se bélê le hból du yóm boluy Krays lemwót bè kélés nawa le mò gónó le tô gemgatù do. Okóm wen se hból du lemwót bè kehyu kehedem le ebéléu.

Husiya 2:11

Angat nmou sónen yóm kdê kestifun gel nmoen, yóm gel kehligalen ket halay, yóm gel kehligalen ket bulón bè yóm ksut yóm lomi bulón ne yóm gel kehligalen ket fedyan bè Kdaw Kehegnô kkólen bè yó kem dumu kdawen gel hligal, angat lensónu.

2 Bok Kem Tau Hol Geta 4:23

Yó monen mò du yóm tuha logihen, “Moen du ke hol kemdaw ni kógówem igoen sundu ni du yóm kdaw kehegnô, duhen ke kdaw kehligal bè yóm lomi bulón?” Okóm yó balaen ke tuha logihen, monen, “Kihu se.”

Kem Udél Hlalak Tehe Selumun 7:14

“Kemdaw eginu yóm kedsuu bè yóm fasadu ke Dwata ne deng wen ken nmou bè gónô.