Isaya 1:12 - Udél Dwata: Gna Kesfasad ne Lomi Kesfasad

¹² Tau du de hedsù du kuy kdê yó kem yó bè yóm gel ktaba ye ebéléu? Tau du de alì mdók kuy segewók mógów lem yóm dou Gónô?

Isaya 1:12 Referans Kwoze

Kehewà 34:23

Bè yóm sfalay, tlu dulék le mógów ebéléu yó kem logi bélê ye na le e tmaba ebéléu, yakà ou du yóm sana kul Dwata hol gónó mogot yó kem tau Israél.

Matyu 23:5

Tódô kdê yóm nmò le, són hnebel le yóm ksalù tau kul. Ngem dé kbongen yóm Udél Dwata snulat bkes bè uyó le ne bè sigel le, lel le tey htahà hlumfung bè kilil nes le.

Mika 6:8

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.

Kem Lingón 40:6

Là kóen gsengel nawahem du, Dwata, yó kem gel dsù me ebéléem, ne yó kem dumu gel blay me kóm. Là kô hnihem du bélê me yó kem ógóf mò hkekeb me ebéléem, duhen ke yó kem dumu gel dsù mò hkó salà. Okóm deng wen klingu blayem dou anì hnungolu uu.

Sikaraya 7:5

“Snólók ye yó kem dumu ye bè yó ne yó kem tau gel blóng ebéléu, mon ye mò kul, ‘Bè yóm hitu folò halay ye nô bè yóm benwu gónó le megef kuy, mò kmoen se yóm gel kfasting ye ne klangag ye bè yóm glimuhen bulón ne bud bè yóm ghituhen bulón, ou kô yóm gel hendem ye?

Jirimaya 7:11

Ilóem yó kô kehedem ye du yóm dou Gónô, yóm hol gónóhen nô yóm dou boluy mò gónó le hebnos yó kem tau mnagaw? Deng gotu tonu se yóm sidek gel nmò ye bè yó, mon Dwata.