Isaya 1:11 - Udél Dwata: Gna Kesfasad ne Lomi Kesfasad

¹¹ Yó udélen ebélê ye, monen, “Ofo kuy mon du ke móyóe du yó kem gel dsù ye ebéléu. Kaem là. Denge tmakas du ne yó kem ubiha gel hkekeb ye ebéléu ne yó kem dumu ógóf mabù gel dsù ye. Denge tey tmakas snéen bè yóm litô safì tudu ne ubiha ne kambing gel dsù ye.

Isaya 1:11 Referans Kwoze

Amus 5:21

Yó udél Dwata, monen, “Tey sidek kekbéu du yó kem gel kehligal ye tmaba ebéléu. Là bud gbeku hembala du ne yóm gel kesbung ye.

1 Samwél 15:22

Ne yó balà Samwél du, monen, “Mahi du du yóm gónó Dwata hligal, yóm dsù hkekeb te ne yóm dumu dsù te kô, duhen ke bè yóm kimón te du? Kaem kimón ke Dwata yóm bong muhen senta yóm dsù hkekeb. Kaem yóm khungol te du, bong muhen senta yóm ubiha mabù dsù te ebéléen.

Jirimaya 6:20

Tedu de muhu du yóm insinsu lemwót bè benwu Siba, yóm gel ntem ye mò hboo ye ebéléu? Ne yó kem dumu alì mebtes tilob boohen lemwót bè benwu mayuk, tedu de muhu du? Yóm dsù gel hkekeb ye ebéléu là kóe móyô du. Yó kem dumu gel dsù ye, là kóe na a hligal du.”

Mika 6:7

Hligal du Dwata kô ke mit tekuy ebéléen hilu libu ubiha mung du yóm hnolo ulib là skasen tendo molo? Hligal du kô ke dsù tekuy ebéléen yóm ngà tekuy twogu mò bayad yó kem salà tekuy?

Malakay 1:10

Yó bud udélen, “Hyu béléu ke wen sotu bélê ye mlos tmikeb du yóm bak dól yóm dou Gónô anì laen dù tau bud hbong ofi bè yó mò hkekeb yóm dsù laen dù muhen. Balù udì ke wen gónóhu hligal bélê ye. Là kô naw e henmóyô du yó kem gel blay ye ebéléu,” udél yóm Dwata laen dù là gbeken du.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Kem Lingón 50:8

Là nudélu kuy bè yóm tendo gel kedsù ye ebéléu, dalang se yóm dsù tendo gel hkekeb ye ebéléu.

Kem Udél Hlalak Tehe Selumun 21:27

Tey kenlit Dwata yóm dsuen ebéléen yóm tau gel mò sidek, hol néen ke yó gónón tô demsù anì mkó tahen yóm salaen.

Matyu 9:13

Hol hennagì ye dé lanen yóm sotu monen bè Sulat Dwata, ‘Keskodu dé yóm hol nóyóu bélê ye,’ mon Dwata, ‘là kô dsù du.’ Duhen ni se yóm nógówu edini ni,” mon Jisas, “là kô tnabahu kul yó du kem tau tedeng kmò le. Okóm yó tnabahu, yó kem tau gemsalà.”

Kem Lingón 51:16

Là kóen gsengel nawahem du ke olohu demsù ebéléem mò bayad salau. Senged se yóm dsù gel hkekeb me ebéléem, là kóen gsengel nawahem du.

Jirimaya 7:21

Ni se udél yóm Dwata laen dù là gbeken du yóm kut Dwata kem tau Israél, monen, “Bée du dou yó kem dsù gel hkekeb ye ebéléu dalang se yó kem dumu gel dsù ye. Tódô ken ye yóm kdéen là kóe móyô du.

Matyu 22:4

Ominen wen dumu tau bud hógówen etu bélê le, monen mò kul, ‘Tulón ye kul deng deng ne yóm ken nmou. Deng wen kem safì tnétéu, dalang se yó kem ngà safì mabù, deng gotu tnétéu. Deng gotu deng ne kdéen. Géhél le do edini ne bè nim ken bong nmou bè lówó yóm ngau logi.’

Kem Lingón 40:6

Là kóen gsengel nawahem du, Dwata, yó kem gel dsù me ebéléem, ne yó kem dumu gel blay me kóm. Là kô hnihem du bélê me yó kem ógóf mò hkekeb me ebéléem, duhen ke yó kem dumu gel dsù mò hkó salà. Okóm deng wen klingu blayem dou anì hnungolu uu.

Kem Udél Hlalak Tehe Selumun 21:3

Tey hyu nawa Dwata du yóm tedeng ne yóm là kkihu senta yóm gel dsù ebéléen.

Isaya 58:2

Tey tendo gel ktaba le ebéléu ket kdaw. Yó mon le móyô le temngón du kun yóm dou lan ne mimón du yóm dou hlau. Kóyô le kun ke blayu kul yóm hlau tedeng. Ne tey hyu nawa le kun tmaba ebéléu. Okóm olo beyen mon le yóm udél le yó.”

Husiya 6:6

Yó hol nóyóu bélê ye ke hol tahu lemwót lem but blutut ye yóm kbong nawa ye do. Là kô yó du kem gel dsù ye yóm hnebelu. Mom hyu nawahu ke hol tngón ye o. Tey hyu yó senta bè yó kem dsù gel hkekeb ye ebéléu.

Amus 5:22

Baluen ke mit ye ebéléu yó kem dsù gel hkekeb ye ne ke mit ye ebéléu yó kem halay ye, là kô henmóyóu kul. Là se henmóyóu du yó kem ógóf deng habù ye mò blay ye ebéléu.Blà ye ne hebnes semngal. Là bude móyô hmungol du ne yó kem gel kenbit ye.

Hagay 2:14

Yó bud udél Hagay, monen, “Hol lómón yó se kmò kehlingón Dwata kul yó kem tau bè nim benwu ni ne yóm kdê gel nuta le. ‘Lemwót bè yóm là kimón le, bud gomong là mólós kton Dwata du yóm kdê gel dsù le ebéléen.’ ”

Sikaraya 7:5

“Snólók ye yó kem dumu ye bè yó ne yó kem tau gel blóng ebéléu, mon ye mò kul, ‘Bè yóm hitu folò halay ye nô bè yóm benwu gónó le megef kuy, mò kmoen se yóm gel kfasting ye ne klangag ye bè yóm glimuhen bulón ne bud bè yóm ghituhen bulón, ou kô yóm gel hendem ye?

Amus 4:5

Nwit ye etu yóm mambang wen bulung henoken mò gónó ye dmóyón dou. Omin ye bud mit yóm basa tódô lemwót bè nawa ye mò gónó ye smalù knô ye. Tey, kem tau Israél, ni se yóm tendo nóyô nmò ye,” udél yóm Dwata hol dandónen geta.