Isaya 1:10 - Udél Dwata: Gna Kesfasad ne Lomi Kesfasad

¹⁰ Ó Jirusalim, yó kem tau mogot kóm ne yó kem tauhem deng le mkél bè kul alì ksidek nmò yó kem tau tehe menwu bè Sodom ne Gomora. Hol hnungol ye dé yóm kdê ye yóm udél Dwata ebélê ye. Hol kenmón ye dé yóm hdalangen kuy.

Isaya 1:10 Referans Kwoze

Deng Hegfan 11:8

Ne yóm lówó le, tódô tebelen bè yóm lan bong bè syudad Jirusalim. Yó se yóm syudad gónó le tehe tmutuk bè kros yóm gónó le mogot. Wen gel boluy le du yóm syudad yó, duhen Sodom ne Idyip. Yóm boluy yó, wen hnigaden.

Amus 9:7

Yó udél Dwata, monen, “Ó kem tau Israél, ofo kuy mon du kô ke hol bong mu ye béléu senta yó kem tau Ityupya? Yóm kwitu kuy hewà gu bè Idyip, ofo kuy mon du ke là deng nmou du bè dumu benwu? Yó kem tau Flistin, deng nwitu lu hewà gu bè Krit. Dalang se yó kem tau Aramiyan, deng bud nwitu lu hewà gu bè Kir.

Jirimaya 23:14

Okóm nim kmoen ni, milud he ksideken yóm kul gel nmò yó kem tugodu bè Jirusalim. Ndà le yehen le ne deng knalam le yóm kmò le kéng. Deng mom genduf le yó kem tau gel mò sidek anì là tenflok le du yóm kmò le sidek. Yóm ksidek nmò le yó mkél bè yóm tehe kul ksidek nmò yó kem tau bè Sodom ne Gmura.”

Dwata 32:32

Yó kem hohon tekuy yó, tey sidek nmò le, mkél le bè yó kem tau tehe nô bè Sodom ne Gumura. Ke hningónu lu, hol le mkél bè yóm grép alì héét gónó milu.

Sulat Pol Ebè Yó Kem Tau Hemtahu Bè Rom 9:29

Hol lómón yóm sotu tehe tulón Isaya ekni, yóm monen, “Bè yóm tehe ktafaken tekuy yóm Dwata laen dù là gbeken du, ke tehe là wen dù tebelen bè yó kem ból tekuy, deng tekuy mkél bè yóm tehe kegbaen yó kem syudad Sodom ne Gomora. Bà udì ke wen dù tebel bélê le.”

Amus 3:8

Ke mngel yóm liyun, tau du de tô là likoen? Ke mudél yóm Dwata hol dandónen geta, tau du se là tmugod du yóm udélen?

Amus 3:1

Ó kem tau Israél, yóm sotu kmuleng deng tehe nwit Dwata hewà gu bè Idyip, hol hnungol ye yóm udélen ebélê ye, yó monen,

Jirimaya 9:26

duhen yó kem tau Idyip ne tau Idom ne tau Amun ne tau Muab ne yó kem tau menwu bè yóm benwu laen hol wen tauhen. Ni kem tau ni, hono kem tau là hemtahu bè Dwata. Tahu se, balù yó kem tau Juda gomong tnafaku. Senged snéen yó kem tau Israél, skél le bè yó kem tau là hemtahu le bè Dwata. Htulì le, okóm là kô tenles le du kmò le.”

Isaya 28:14

Yu kem tau heklabak malak yó kem tau bè ni bè Jirusalim, hol hnungol ye yóm udél Dwata ebélê ye.

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Tekang Kbuten 13:13

Yó kem tau bè Sodom yó, hol kem tau gónón smala sidek, kem tau alì gemsalà bè Dwata.

Isaya 30:9

Tódô senflós le kmogol ke Dwata, tódô senflós le mò kéng, tódô senflós le kembê du yóm kun tolok.

Isaya 33:22

Ke wen bud mlan bè yó, gotu sidek yó kem htegen, baling laen dù bud muhen. Là bud gbek le mból du yó kem layalen. Yóm kdê kendengen yó kem hohon bè yóm kafal yó, gotu nwa tekuy. Ya tey kwenen, balù yóm tau tugô sana kwen kun nwa. Dwata se yóm hol geta bélê tekuy. Du se hol mogot tekuy ne mofin tekuy.

Mika 3:1

Ó kem tau malak bè Israél, ni mò hol hnungol ye. Igò sem yu du temngón du yóm kukum tedeng bè yóm là tedengen.