Isaya 1:1 - Udél Dwata: Gna Kesfasad ne Lomi Kesfasad

¹ Nim bok ni gónón nô yóm tehe udél Dwata htugoden ke Isaya ngà Amus. Yóm nô lemen hol gbak ebè yó kem tau menwu bè benwu Juda ne bè syudad Jirusalim. Dê dulék Dwata mudél ebélê le hlanen bè Isaya, nbuten bè yóm tehe kogot Usiya kul efet kól bè yóm kdaw kul kogot benwu le Jutam ne Ahas ne Hisikaya. Hono kem tau hol geta tehe stufì mogot yóm benwu Juda.

Isaya 1:1 Referans Kwoze

2 Tutul Israél 26:1

Ominen lemwót yóm kdéen tau bè Juda, nmò le Usiya yóm ngà Amasaya logi hanà sfolò nem halayen mò tau hol geta bélê le mò tles maen.

2 Bok Kem Tau Hol Geta 18:1

Bè yóm getluhen halay kmamal bè Israél Husiya ngà Ila, yó bud tles kmamal bè Juda duhen Hisikaya ngà Ahas.

Isaya 7:1

Wen sotu tau hol geta bè benwu Juda boluyen Ahas. Yóm Ahas ni ngà yóm tehe Jutam ne témê yóm tehe Usiya. Bè yóm kdaw kogoten benwu, wen lewu benwu slomong mit sgida bélê le. Yó boluy yóm sotu tau hol geta mit sgida bélê le, Risin yóm tau hol geta mogot benwu Sirya ne yóm sotuhen, Pika ngà Rimalya yóm tau hol geta mogot benwu Israél. Yó nmò le na le e nundug Jirusalim bede là kô le gemmò.

Isaya 6:1

Bè yóm halay katay yóm tau hol geta bélê me boluyen Usiya, tódô tonu Dwata myón bè yóm gónón myón kmamal, tey kegetahen. Yóm nes tahà gedyol huli du klóón yóm alì kegetahen, botong gefet bè doli yóm Gónô gónóhen nô yóm ktahaen.

Isaya 2:1

Yó se udél Dwata ebè Isaya ngà Amus gbak ebè yó kem tau bè benwu Juda ne bè syudad Jirusalim, yó monen,

Kem Lingón 89:19

Ó Dwata, wen tehe hegfanem ekni bè yó kem tau tóbóng lówóhem alì teneb. Yó tehe monem mò kul, “Deng tnóbóngu yóm sotu sendalù alì tótól bè kwiten sfatay. Deng néléku lem blóng yó kem dumuhen mò henbalingu tau hol geta mogot benwu,

Lista 24:16

ne mdengen klinguhen mungol du yóm mon Dwata ne hulung temnef du yóm hetngónen du yóm Dwata hol dandónen geta bè kdéen. Bè yóm igou tódô teneng temngel wen hton Dwata dou, yóm Dwata alì gembek.

Amus 1:1

Bè yóm tehe kogot Usiya yóm benwu Juda, yó fen mogot yóm benwu Israél duhen Jirubuam yóm ngà Jihuas logi. Bè yóm kdaw yó, wen hton Dwata ke Amus yóm tau gel semgyok ubiha bè yóm sotu benwu boluyen Tikwa. Yóm hton Dwata du gbak ebè yó kem tau Israél. Yóm kwen htonen du ni, lewu halay he duen gu laanen là deng mbel linol bong bè benwu le.

Jirimaya 23:16

Yó udél yóm Dwata laen dù là gbeken du ebè yó kem tauhen bè Jirusalim, monen, “Wen eles hetgamahu yó kem dou tau. Hol bê ye abay hnungol yóm kul tulón yó kem tau tmugod yó, abay se yóm tulón le kuy yó laen kô dù nefet nawa ye du, tulón là tahuhen. Tulón le kuy yóm nô lem hendem le, là kóen lemwót béléu.

Isaya 40:9

Ó kem tau bè Jirusalim, mneged ye eta yó kem bulul, heglalag ye bè yó yóm tulón hyu. Yu kem tau bè Sayun, hol hgel ye dé yóm udél ye, heglalag ye yóm tulón hyu. Hol tulón ye, bê ye abay hlikò. Tulón ye bè tu kem benwu lemnek bè Juda, móyónen kól ne yóm Dwata le.

Kul Nmò 26:19

Bud mon Pol, “Yóm deng hegfan Dwata béléu ni, Datù Agripa, hol là gbeku du ke là nimónu du.

Kul Nmò 10:17

Bè yóm igò Pitér tolo hemdem du lanen yóm deng tonen yó koni, gdofì le se bè bak tikeb yó kem tau dók Kurnilyus, abay se deng wen gónó le temngón du yóm gónô Simun yó.

Matyu 17:9

Bud kewót le bè yó, mulék le mosol. Tey kget kmon Jisas du mò kul, “Hol bê ye tagad tulón yóm deng ton ye yó koni ke là nan na mowil yóm Ngà Tau.”

Hbakuk 2:2

Ominen malà do Dwata, monen, “Snulatem bè botu kufil yóm htonu kóm ni, bede hbongem ksulatem du ne htatawem anì mahil kesfalahen du yóm tau mlóy mit tulón anì tulónen bè kihu tau.

Nahum 1:1

Ni se yóm udél Dwata gbak bè yóm benwu Ninibi, htonen ke Nahum yóm tau menwu bè Élkus.

Mika 1:1

Bè yóm tehe kesetles le kmamal bè Juda le Jutam ne Ahas ne Hisikaya, wen udél Dwata ebè Mika, yóm tau lemwót bè yóm benwu udì boluyen Murisit. Hton Dwata du yóm angat gefet bè yóm lewu kem syudad Samarya ne Jirusalim.

Husiya 1:1

Bè yóm tehe kesetles le mogot yóm benwu Juda le Usaya ne Jutam ne Ahas ne Hisikaya, yó fen mogot yóm benwu Israél duhen Jirubuam ngà Jihuas logi. Bè yó kem halay yó wen htugod Dwata ke Husiya yóm ngà Biri logi.

Lista 24:4

ne mdengen klinguhen mungol du yóm udél Dwata. Bè yóm igou teneng temngel tódô wen hton Dwata do, yóm Dwata alì gembek. Tódóe mugod bè yóm igou tolo temngel.

2 Pitér 1:21

Abay se yóm tehe eles gel tulón le yó, là kóen lemwót bè kehedem tau, okóm bè Dwata gónóhen hol lemwót, yóm Tulusen fen hemlan du bélê le bè yóm kehtugod Dwata du kul.

2 Kurin 12:1

Ni mò sfu yóm tô kudélu heklabak, balù yóm klaen dù hol muhen. Tulónu kuy yóm deng tódô hegfanen béléu yóm gónó tekuy mogot.

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

2 Bok Kem Tau Hol Geta 19:2

Ominen hógów kul le Ilyakim yóm tau mogot yóm gónô bongen, ne Sibna yóm fen gel smulat bélê le bè kukum, ne yó kem tmuha gel malak yó kem tau gel blóng ebè Dwata, bede hono le mnes sakù, hógówen lu ebè Isaya yóm tugod Dwata ngà Amus.

2 Tutul Israél 26:22

Yó kem dumu nmò Usiya, nbuten bè kbuten efet kól bè sónen, deng gotu snulat Isaya ngà Amus logi.

2 Tutul Israél 27:1

Yóm kbut Jutam mogot benwu, deng lewu folò limu ne halayen, ne yó kegenen mogot benwu sfolò nem halay ne bè Jirusalim gónóhen nô. Yó boluy yéen, Jirusa ngà Sadok.

2 Tutul Israél 29:33

Ominen yó kwen yó kem dumu dsù nwit le mò ken le, botong nem latu safì tudu ne tlu libu ubiha.

Isaya 37:2

Wen kem tau dóken ebè yóm sotu tugod Dwata boluyen Isaya ngà Amus. Yó boluy yó kem tau dóken, Ilyakim yóm mogot gónô bongen ne Sibna yóm fen gel smulat yóm gel nmò le ne wen bè yó kem tuha gel demsù ebè Dwata mung kul. Gotu le lemsek nes sakù snéen kul.

Isikél 1:1

Bè yóm deng tlu folò ne halayu wen hton Dwata do. Htonen do bè yóm glimuhen kdaw bè yóm gfaten bulón bè yóm halay yó bè yóm knóu lem blóng yó kem dumuhu negef lemwót bè Juda nô bè kilil Él Kibar bè Babilun. Bè yóm kdaw yó tódô tonu hnas longit ne hton Dwata do yóm kun kmò.

Amus 4:5

Nwit ye etu yóm mambang wen bulung henoken mò gónó ye dmóyón dou. Omin ye bud mit yóm basa tódô lemwót bè nawa ye mò gónó ye smalù knô ye. Tey, kem tau Israél, ni se yóm tendo nóyô nmò ye,” udél yóm Dwata hol dandónen geta.