Ifisus 6:5 - Udél Dwata: Gna Kesfasad ne Lomi Kesfasad

⁵ Ne yu kem tau klifen, hol gel nimón ye yó kem tau mfun kuy lemwót bè yóm kadat ye kul. Hewót ye lem but blutut ye yóm kimón ye kul, hol lómón se ke Krays yóm nimón ye.

Ifisus 6:5 Referans Kwoze

Ifisus 5:22

Yu kem libun deng myehen, hol ye gel heglaan bè yó kem tuha logi ye, lómón se yóm keheglaan ye bè yóm gónó tekuy mogot.

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”

1 Pitér 3:2

Abay se ton le yóm klaen dù belenen yóm kuy kmò ne yóm tey kadat ye kul.

Filimun 1:16

Bè yóm kuléken ebéléem ni, là kóen na a olo bud tô klifen béléem, bede deng baling hol dumum setwoli sogot nawa bè Krays. Lómón yó snéen yóm dou kehedem du yóm knóen dini béléu. Milud he yó dum kóm nawa du lemwót bè yóm kfunem du, ne lemwót bè yóm kessotu nawa ye hemtahu bè yóm gónó tekuy mogot.

Flipay 2:12

Duhen yó, kem dumuhu sogot nawa, deng hónô tonu yóm kimón ye do yóm tehe knóu lem blóng ye. Yake milud he kimón ye do ni kmoen ni yóm là bud knóu bélê ye. Lemwót bè yóm klikò ye ke Dwata, tódô hol henlel ye mò du yóm nmò tehe nbut Dwata bélê ye bè yóm kehewaen kuy,

Kem Lingón 86:11

Tolokem dou, Dwata, yóm nóyô hmoem dou, anì galake bè yóm hol ktahuhen lemwót béléem. Tnóbóngem ou mimón kóm anì wen klikou kóm.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

1 Kurin 7:22

Ke deng tnaba yóm gónó tekuy mogot yóm tau klifen, là kóen bud klifen ne bè yóm ktonen du yóm gónón mogot. Senged snéen yóm tau là klifenen, ke deng tnaba Krays deng klifen béléen ne.

Matyu 8:9

Henknahu béléu se ke ou,” mon yóm kfitan. “Wen se kem tau geta sentahu gónóhu kmulu, ne gel nimónu. Ne wen se kem sendalù dou nalak, ne sal gel nimón le o. Sok monu mò yóm sotu, ‘Tu ne,’ tahu se, tódô kendel lemwót. Dalang se ke monu, ‘Géhéli,’ tódô kendel sut. Sok monu bè yóm heseku, ‘Nmoem nii,’ yó se tódô nmoen.”

Matyu 6:24

“Laen dù tau,” mon Jisas, “ke lewu tau gónón mamo segeng gónón mò nmò. Déke mtukul knutó nawahen, ne mtukul se kenbong nawahen. Déke mtukul fen nimónen, ne mtukul se fen sen-gilen. Dalang se kuy,” mon Jisas, “ke són filak ktes ye, là kô gbek ye mimón ke Dwata.

Tekang Kbuten 16:9

Monen mò du yóm hógów Dwata, “Budi mulék ebè yóm libun amohem Saray ne holi heglaan béléen.”

Ifisus 6:24

Dwata he hol tmóbóng yóm kdéen tau là monol nawa le ebè yóm gónó tekuy mogot Jisas Krays.

Kem Lingón 123:2

Yóm klengalau ni, hol lómón ke yóm ngà logi gel tóbóng lówó, sónmoen lengalà ebè yóm gónóhen mogot, duhen ke yóm ngà libun gel tóbóng lówó, sónmoen lengalà ebè yóm gónóhen mogot se kun. Lómón yó se kum klengalà ebéléem, Dwata yóm hol kum gónô mogot, nangat me yóm kkoduhem kum.

1 Tutul Israél 29:17

Tngónu se, Dwata, gel henklolem yóm nô lem but blutut me, ne teyi hligal ke tonem yóm kgulit me. Nim kdê blayu ni, hol lemwót lem but blututu, ne deng hol tonu bè yó kem tauhem nô bè ni yóm hol kewóten lem but blutut le se kul yó kem blay le kóm, mung du yóm tey kehligal le.

Juswa 24:14

“Ne ni,” mon Juswa, “hol knikò ye Dwata, yóm sana Dwata hol gónó tekuy mogot ne hol hotu ye nawa ye lemolò du. Gotu kó ye yó kem dwata lennged tehe kul gel tnaba yó kem tehe fù ye bè yóm knô le sentu Él Yufratis ne bè Idyip. Olon yóm sana kuy Dwata dé lolò ye.

2 Kurin 7:15

Tey tendo ketnù yóm kbong nawahen kuy bè yóm kegbelen bè nawahen yóm tey kimón ye du yóm hloloen kuy, ne yóm tey khódó ye du, igoen tolo wen yóm tnafa nawa ye.

1 Kurin 2:3

Duhen yó, bè yóm tehe ktoloku lem blóng ye lemwót bè yóm alì klikou hol lómón ke laen dù kgisu, botonge kenkel.

Kul Nmò 2:46

Ket kdaw le gel stifun ebè Gónô Dwata yó kem tau hemtahu bè Jisas ni. Gel le slawa, ne lel le gel segbót mken. Tey tendo gel kehyu nawa le ne tilob kessadat le.

Matyu 6:22

“Yóm mata ye,” mon Jisas, “hol henged solok lówó ye. Ke hyu mata ye, hol lómón ke lemayag lem lówó ye.

Sulat Pol Ebè Yó Kem Tau Hemtahu Bè Rom 9:3

bè yó kem dou dumu Ju, yó kem tau hol dou litô. Sidek kegnómu du abay se là kô le hemtahu bè Krays. Ke yó dum gmò, mom hyu dé ke ou fen tnafak Dwata mò tles lówó le, ne ke ou fen glayuk bè Krays anì lu yóm gewà gu lem tafak.