Ifisus 6:4 - Udél Dwata: Gna Kesfasad ne Lomi Kesfasad

⁴ Ne yu kem tuha, bê ye abay nmò yóm gónó le lembut yó kem ngà ye. Okóm lemwót bè yóm deng kehtahu ye, hninggel ye hmau kul ne tmolok kul.

Ifisus 6:4 Referans Kwoze

Kulasi 3:21

Ne yu kem tuha, bê ye abay nmò gónó le meklit kem ngà ye, kô hlós sidek nawa le.

Kem Udél Hlalak Tehe Selumun 22:6

Eles hdalang yóm ngà yóm kmò kwiten du hyu yóm kun kmò ne sok deng malay knawahen là kô gkóhen du.

Kem Udél Hlalak Tehe Selumun 29:15

Lemwót bè kfes du ne kbólów du mit du hulung hedem yóm ngà, okóm ke tódô lugun du kun kóyô henyaken yéen.

Kem Udél Hlalak Tehe Selumun 19:18

Eles tnedengem yóm ngaem gu laanen là deng gtufì hol béem tódô lugun du là sentódô, déke matay bè yóm sidek nmoen.

Dwata 6:7

Hol bud tolok ye bè yó kem ngà ye. Tendo bud gel sensulit ye bélê le balù kihu gónó ye nô, ke nô ye bè gónô ye duhen ke mógów ye, ke hegnô ye duhen ke mò ye nmò, hol tendo sensulit ye bélê le.

Kem Udél Hlalak Tehe Selumun 29:17

Sentódóem yóm ngaem logi anì temnù nawahem béléen ne tey wen he gónón hefligal kóm.

2 Timuti 3:15

Hentulónem nawa yóm deng dnalangem bè Sulat Dwata lemwót bè yóm hanà kudiem. Yó se gónóm temngón du yóm kehewà Krays Jisas kóm gu lem hatay mlan bè yóm kehtahuhem béléen.

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

2 Timuti 1:5

Gel gbel lem nawahu yóm kóm kehtahu, là olon nô te kulit. Lómón yó se yóm tonu bè kun kehtahu yóm béhem Luwis, ne bè kun kehtahu yóm yéem Yunis. Ne ni se yóm bud tonu béléem ni.

Kem Udél Hlalak Tehe Selumun 22:15

Sana kmoen se yóm ngà sal gel wen là kguliten, okóm bè kfes du mkó du béléen.

1 Tutul Israél 28:20

Yó bud udél Dabid ebè yóm ngaen Selumun, monen, “Hol hotuhem gelem, ne hfólem nawam, hol nmoem yóm hmò Dwata kóm. Béi abay hlikò, ne béi se abay htakas balù yóm tey kbong yóm hmò Dwata kóm. Abay se yóm Dwata yóm sana Dwata hol dou gónó mogot, tendo nô béléem. Là kô bayaen kóm, ne là se kô tnagaken kóm efet gotu gdengem yóm kdê wen muhen bè yóm ktaba ye ebè Dwata lem yóm Gónô Dwata hefdaem.

Juswa 24:15

Ke là móyô ye lemolò du, hol eles nélék ye kemdaw ni ke dwata du de yóm lolò ye, yó kem kul dwata kéng tehe gel tnaba yó kem tehe fù ye nô sentu Él Yufratis, duhen ke yó kem dwata kul gel tnaba yó kem tau Amurayt yóm tehe fun yóm tonok gónó ye nô ni. Bong béléu dou ne yó kem fes lówóhu, tódô henlós me lemolò ke Dwata yóm sana Dwata hol gónó mogot.”

1 Tutul Israél 29:19

Blayem ke Selumun yóm ngau yóm óyô mimón du kdê yó kem hlauhem dalang se yó kem dumu hloloem kum. Hol blayem du yóm óyô hemdà yóm kóm Gónô, yakà deng gotu sentifunu du yóm kdéen.”

Kmukum 13:12

Ne yó mon Manu mò du, “Ke deng tahu se yóm monem, tedu se hlolò me du yóm ngà logi sut yó? Tedu se angat nmoen?”