Ifisus 6:23 - Udél Dwata: Gna Kesfasad ne Lomi Kesfasad

²³ Yó hem Dwata, yóm Mà tekuy, ne yóm gónó tekuy mogot Jisas Krays hol bemlay kuy yóm kenek nawa ne yóm kesbong nawa, ne hol hembegel du yóm kehtahu ye.

Ifisus 6:23 Referans Kwoze

Glasya 6:16

Yó kem tau lemolò du yóm monu yó koni, Dwata he hol tendo henek nawa le ne hol kmodu kul. Là olon lu du, yake gotu le gomong lemen snéen kul kdê yó kem kun tau Dwata.

1 Pitér 5:14

Yó ne kóó. Hol gel hton ye bè yó kem dumu ye hemtahu yóm hol tahu kesbong nawa. Dwata he hol henek nawa ye yóm kdê ye deng hemtahu bè Krays.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

1 Timuti 1:14

Okóm tey któbóngen dou yóm gónó tekuy mogot, tódô henbalingen ou tau hemtahu, ne blayen do yóm kbong nawahu kem dumuhu. Yó se nefeten yóm deng kessotu tekuy bè Krays Jisas.

Deng Hegfan 1:4

Ou se Jan gónón lemwót nim sulat ni. Hwitu ebè yó kem tau hemtahu bè yó kem hitu simbahan bè prubinsya Asya. Yó hem Dwata ne yóm Tulusen ne Jisas Krays hol tendo tmóbóng kuy, ne tendo henek nawa ye. Ni se yóm sana Dwata tenbut bè kbuten efet nim kmoen ni, ne du se yóm móyón bud sut ni. Yóm Tulus Dwata, wen hitu kay kfasangen ne eles tendo nô bè solu Dwata, bè yóm gónón myón kmamal.

1 Timuti 1:3

Yó hol nóyóu béléem ke nam na tódô henek nô bè Ifisus, hol lómón yóm tehe tulónu kóm ekni bè yóm tehe kewótu ebè Masdunya. Yakà wen yó kem dumu tau tmolok sekban bè yó. Hol bnólówem lu anì bê le abay henfu yóm ktolok le yó.

2 Tisalunika 3:16

Yó hem gónó tekuy mogot hol tendo henek nawa ye balù kihu sut bélê ye. Du se gónón lemwót yóm kenek nawa. Yó hem gónó tekuy mogot tendo nô bélê ye.

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

1 Tisalunika 5:8

Okóm tekuy du, deng te tau lem layag, yake hol tekuy hfulung hedem. Eles te tendo kmulóng klung. Ne yó henged klung tekuy, duhen yóm kehtahu te, ne yóm kesbong nawa. Ne yó henged sloung tók sudù tekuy, duhen yóm kgel nawa te yóm angat kegewà tekuy gu lem hatay.

1 Kurin 1:3

Yó hem Dwata yóm Mà tekuy, ne yóm gónó tekuy mogot Jisas Krays hol tendo tmóbóng kuy ne tendo henek nawa ye.

Sulat Pol Ebè Yó Kem Tau Hemtahu Bè Rom 1:7

Ne duhen yó, smulate ebélê ye, yu kem kun kenbong nawa Dwata bè Rom. Deng tnabahen yu mò hol kun tau. Yó hem Dwata, yóm Mà tekuy, ne Jisas Krays yóm gónó tekuy mogot, hol tendo tmóbóng kuy ne tendo henek nawa ye.

Kun Snulat Jan 14:27

Wen kenek nawa tebelu bélê ye. Hol lómón yóm dou kenek nawa nim tebelu bélê ye ni. Là kóen mkél bè yóm kul kenek nawa yó kem tau là hemtahuhen. Hol bê ye hesbeweg kehedem ye, ne bê ye se abay hlikò.

1 Samwél 25:6

Mon ye mò du, ‘Dwata he henek nawahem dalang se yó kem fes lówóhem ne heneken snéen yóm kdê nfunem.

Tekang Kbuten 43:23

Yó monen mò kul yóm tau snalig Jusif, “Béen tafa nawa ye. Bê ye abay hlikò. Kaem kuy Dwata yóm Dwata mà ye bud dô hemsù du lem sakù ye yóm filak yó. Igoen deng kól béléu yóm filak tehe bli ye.” Kogolen bè yó, ominen mit ke Simyun ebélê le.

1 Timuti 5:8

Okóm yóm tau deng hemtahu, ke là tendofen du yó kem kun dumu setwoli, hol néen yó kem fes lówóhen, deng knogolen ne yóm kehtahuhen. Mom sidek he kun nmò yóm tau yó senta yóm tau là dengen hemtahu.

Sulat Pol Ebè Yó Kem Tau Hemtahu Bè Rom 15:33

Yó hem Dwata hol nô lem blóng ye. Tek sónen du gónóhen lemwót yóm kenek nawa tekuy.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

Ifisus 6:24

Dwata he hol tmóbóng yóm kdéen tau là monol nawa le ebè yóm gónó tekuy mogot Jisas Krays.

3 Jan 1:14

Kóyóu ke géhél wen lan te bud ston anì tódô te stulón.