Ifisus 6:21 - Udél Dwata: Gna Kesfasad ne Lomi Kesfasad

²¹ Hógówu Tikikus edyó bélê ye anì tulónen kuy he yóm dou kmò dini. Du se sotu dumu tekuy sogot nawa, ne là kóen monol nawahen mò du yóm kun nmò yóm gónó tekuy mogot. Gotu tulónen kuy he yóm kdéen.

Ifisus 6:21 Referans Kwoze

Kul Nmò 20:4

Bè yóm ktonok Pol mulék yó, ni sii yó kem dumuhen: Supatér ngà Pirus lemwót bè Beriya, ne Aristarkus ne Sikundus lemwót bè Tisalunika, ne Gayus lemwót bè Dérbi, ne Tikikus ne Trufimus lemwót bè prubinsya Asya, ne Timuti.

2 Timuti 4:12

Lemwót ke Tikikus, deng hógówu ebè Ifisus.

Taytus 3:12

Sok hógówu Artimas duhen ke Tikikus edyó béléem, hol senlongem ou bè Nikapulis, abay se bè yó gónóhu nô bè yóm bulónen sidek kdaw.

2 Pitér 3:15

Yó gónón ganggà bè yóm kesfuléken edini yóm gónó tekuy mogot, hol kóyóen ke wen lan ye gewà gu lem hatay. Lómón ni se yóm gel snulat Pol ebélê ye, yóm sotu dumu tekuy setwoli, hlanen bè yóm ketngón deng blay Dwata du.

1 Pitér 5:12

Yó fen hsulatu du nim sulat ukol nii Silas. Du se sotu dumu kuy hemtahu gel genléd nawahu. Yó gónóhu smulat ebélê ye mò gónóhu gemduf kuy bè kehtahu ye, ne mò gónóhu hetngón du kuy yóm hol tahu nawa Dwata ebélê ye. Bê ye abay klifót yóm nawahen yó.

Filimun 1:16

Bè yóm kuléken ebéléem ni, là kóen na a olo bud tô klifen béléem, bede deng baling hol dumum setwoli sogot nawa bè Krays. Lómón yó snéen yóm dou kehedem du yóm knóen dini béléu. Milud he yó dum kóm nawa du lemwót bè yóm kfunem du, ne lemwót bè yóm kessotu nawa ye hemtahu bè yóm gónó tekuy mogot.

1 Timuti 4:6

Ke hol heglalagem bè kem dumuhem hemtahu ni kem hlolou kóm ni, bong hyu kwitem du yóm deng sigang Krays Jisas tahem. Ne temnù kbegelen yóm kehtahuhem lanem hemnagì du yóm Udél Dwata deng hentahuhem, ne yóm tahu tolok deng loloem.

Kulasi 1:7

Nim tóbóng Dwata ni, deng tehe dnalang ye bè Ipafras yóm sotu tóbóng lówó Krays, kum dumu sogot nawa. Tey gulit bè yóm kmoen nmò bè Krays mò gónón tmóbóng kum bè yóm ktolok me bélê ye.

1 Kurin 4:17

Yó se gónóhu hógów ke Timuti edyó bélê ye anì hegtulónen bè nawa ye yóm kmò kekdolu bè nim lomi klowilu lemwót bè yóm deng kessotu nawahu bè Krays Jisas. Duhen ni se yóm alì gel toloku bè yó kem tau hemtahu bè ket benwu gel lanu. Nim Timuti monu ni, lómón ke du yóm hol ngau dumuhu sogot nawa lemwót bè kehtahu me, ne tey teneb nawahen.

Flipay 1:12

Ó kem dumuhu setwoli, kóyóu ke tngón ye laen kô gónón gseng yóm Tulón Hyu gel nwitu balù nim kwen gfau ni. Deng mom temnù tau temngón du.