Ifisus 6:20 - Udél Dwata: Gna Kesfasad ne Lomi Kesfasad

²⁰ Yakà ni du gónó Dwata hógów dou, ne ni se yóm lewót gónóhu geblanggù. Hol hni ye ou anì là likoe mit du yóm Tulón Hyu deng sigang Dwata tahu.

Ifisus 6:20 Referans Kwoze

2 Kurin 5:20

Ne duhen yó, mi se gel hógów Krays mò mit yóm kun tulón. Hol lómón ke Dwata fen mudél ebélê ye, okóm hlanen bélê me. Yó udél hwit Krays kum, monen, “Géhél ye mit sefyu ebè Dwata ne.”

Kulasi 4:4

Hol gel hni ye do bè Dwata dé anì hulunge hegtukul du bè kem tau yóm toloku.

2 Timuti 2:9

Ne yó se lewóten nim gfau ni. Lómón kfét le dou tau monok. Ya mo kegfét le dou du, okóm là kô gfét le du kun yóm Udél Dwata.

Flipay 1:7

Là kóen mkó bè nawahu yóm gel kehedemu kuy. Tey knóón ke lómón ni yóm kehedemu ebélê ye, yakà deng tendo gel tnóbóng ye o bè yóm tey kehyu deng hmò Dwata do. Balù nim knóu lem blanggù ni, ne bè yóm tehe gel kógówu mò mfi du yóm Tulón Hyu, ne mò tmolok du snéen, sana kem yó ne yóm gel któbóng ye dou.

Kul Nmò 26:29

Bud mon Pol se, “Kihu ke kendeli hemtahu ni, duhen ke nan legen he, hol hnihu uu bè Dwata, Sér, senged se ni kem dumu tau hmungol do ni, anì mkél ye béléu bè yóm dou kehtahu bè Jisas, syan ke là gbunù ye du ni dum kfét le dou kdina ni.”

1 Jan 3:16

Ni se gónó ye temngón du yóm tahu kbong nawa: Ngem yóm botong kun nawa Krays bè yóm tehe khamaen klowilen bélê tekuy. Yó gónóm mon, bè yóm gel któbóng ye yó kem dumu ye, hyu snéen ke glef ye matay bélê le.

2 Timuti 1:16

Dwata he fen tmóbóng kul yó kem kun fes lówó Unisifurus. Deng hilu duléken ne yóm fen na a gel hemyu nawahu. Là kóen na a gseng du yóm kegkukubu,

1 Tisalunika 2:2

Ne tngón ye se yóm tehe kehsidek le kum ne kesedekà le kum yó kem tau bè Flipay gu laan me là deng kól bélê ye bè yó bè Tisalunika. Okóm baluen se yóm alì kwen fen tô hemseng kum, tey ketgel Dwata nawa me anì tulón me kuy yóm Tulón Hyu lemwót béléen.

Flipay 1:20

Yó hol nô lem nawahu, ne hol sen-galuhu ke senflósu mò du yóm deng sigang Dwata tahu. Kóyóu ke laen dù tul klikou tmulón ke Krays, sélét ne nim kmoen ni, anì hol megdóyón béléu Krays, kihu ke mlan bè dou klowil duhen ke mlan bè katayu.

Ifisus 6:19

Ne hol gel utóm ye ou snéen bè yóm gel kni ye anì benlay Dwata ou khulung tmolok, ne anì laen dù klikou heglileb du bè kem tau yóm Tulón Hyu tehe gbuni bélê le.

Ifisus 4:1

Duhen ni, wen hlolou kuy, ou se yóm tau deng geblanggù lanu mò du yóm hmoen dou yóm gónó tekuy mogot. Bê kwit ye ktau ye, hol nmò ye sen yóm nmò seklóón ebè yó kem tau deng tnaba Dwata.

Ifisus 3:1

Yó gónóm mon, tey gel knihu bélê ye bè Dwata. Ou se Pol, yóm tau geblanggù lanu gel lemolò ke Krays Jisas, ne lanu gel tmolok lem blóng ye yu kem tau là Ju le.

Kul Nmò 28:31

Sal gel tulónen kul yóm kmò kogot Dwata tau, ne gel tulónen yóm gbak ebè Jisas Krays yóm gónó tekuy mogot. Bè yóm gel ktulónen du, laen kô dù klikoen, ne laen se dù tau tô hemseng du.

Kul Nmò 28:20

Ni se gónóhu tminok kuy ni,” mon Pol, “anì hol tulónu kuy yóm ni. Bè ktahuhen, yó gónó le kemdina do lanu alì kemgel nawa yóm tau hendón nefet nawa yó kem tau Israél.”

Kul Nmò 5:29

Yó balà le Pitér du, mon le, “Mom hyu nawa me mimón ke Dwata, olo ke tô nimón me udél tau.

Kem Udél Hlalak Tehe Selumun 13:17

Hnayamen kem dumu tau ke dókem mit tulón yóm tau gel mò sidek, okóm yóm tau gsalig ke dókem mit tulón, heneken nawa tau.

Sulat Jud 1:3

Ó kem weu do dumu sogot nawa, deng tey kehedemu du ne yóm tô ksulatu ebélê ye gbak bè yóm deng kegewà tekuy gu lem hatay. Okóm là. Tódô gnómu yóm bong muhen bélê ye ke géhél gendufu yu hol mfi du yóm tahu tolok deng tehe blay Dwata bè yó kem tauhen, yóm tolok là hyu temles du.

Filimun 1:10

Ni se hol henkoduhu béléem, Wè, hol hnifótem Unisimus. Lemwót bè yóm deng kehtahuhen bè Krays, lómón ke hol ngau, yakà mlanen béléu yóm kehtahuhen bè yóm igou nô lem blanggù.

Kul Nmò 21:33

Tódô hekteng ebè Pol yóm kmandér ne kenfóen, ne hféten, botong lewu kdina fét le du. Mudél yóm kmandér, monen, “Tau du de ni? Tedu salaen?”

Isaya 58:1

Yó udél Dwata, monen, “Hol hgelem udélem. Hol tulónem yó kem dou tau Israél yó kem salà le.

Jirimaya 1:17

Yó ne, Jirimaya, elesi htifes. Géhéli lemwót nam e tulón kul yóm kdê htulónu kóm. Béi abay hlikò bélê le. Ke likoi bélê le, bud tennuu he yóm klikoem yó ke mdai bè solu le, ne tey kebà nawahem.

Isaya 33:7

Okóm yóm kmoen ni, balù yó kem tau lóbô bélê me, botong dawat le kem dumu le. Balù yó kem tau hógów yóm tau hol geta bélê me mò na a mit sefyu bè yó kem hohon me, ya tey sidek kkik le.

Jirimaya 40:1

Wen udél Dwata ebè Jirimaya kogol yóm deng kegewaen gu lem blanggù bè benwu Rama. Yóm kmandér bè yó kem sendalù Babilun boluyen Nibusaradan fen hewà du. Tonen Jirimaya mung nfét le kedina bè yó kem dumu tau negef le bè Jirusalim ne bè Juda ne nwit le lu ebè Babilun.

2 Kurin 3:12

Lemwót bè nim ken-gel nawa me ni, yó gónó me là lengayà bemkas du bélê ye yóm tulón nwit me.

Kulasi 4:3

Ne hol gel utóm ye mi snéen bè yóm gel kni ye anì wen lan nmò Dwata mò gónó me hetngón du bè yó kem dumu tau yóm tehe bunihen bélê le, duhen Krays. Yakà ni du buten yóm gónó le bmanggù do.

Filimun 1:9

Okóm lemwót bè yóm kbong nawahu kóm, là kô dóku kóm, olohen wen hnihu béléem dé. Baluen se ke ou Pol, yóm deng hógów Krays Jisas, ne ni kmoen ni, tauhe geblanggù lemwót bè yóm klolou du.