Ifisus 6:18 - Udél Dwata: Gna Kesfasad ne Lomi Kesfasad

¹⁸ Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Ifisus 6:18 Referans Kwoze

1 Tisalunika 5:17

Bê ye senkas mni bè Dwata.

Kulasi 4:2

Bê ye htakas mni bè Dwata, ne bê ye se abay tódô gel hlingay. Hol hmung ye yóm gel kdóyón ye du.

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.

1 Timuti 2:1

Duhen yó, ni hol tanay hlolou kóm. Ke gel ye stifun bè simbahan, hol gel hni ye bè Dwata yó kem dumu ye tau, hol hmung ye du yóm kdóyón ye ke Dwata.

Sulat Jud 1:20

Okóm yó dum kuy, kem dou dumu swè, hol sentóbóng ye mò du yóm gónón mbegel kehtahu ye bè Dwata. Ke gel ye mni bè Dwata, hol ye halak bè kun kfasang yóm Tulusen.

Mark 14:38

Bud monen mò kul, “Bê ye tagad tungô dé. Hol ye mni bè Dwata anì là wen gónó ye gsindil bè Seitan. Tngónu wen se óyô ye mò du yóm monu mò kuy ni, okóm là gbek lówó ye du.”

Kun Snulat Luk 21:36

Yó gónó ye eles hol temgama, ne bê ye senkó yóm tendo gel mni bè Dwata anì gbek ye hembala du yóm kdê tulónu kuy ni, ne angat laen kô dù gónó ye myak sok ye mdà bè solu yóm Ngà Tau.”

Matyu 26:41

Bê ye tagad tungô dé. Hol ye mni bè Dwata anì là wen gónó ye gsindil bè Seitan. Tngónu wen se óyô ye mò du yóm monu mò kuy ni, okóm là gbek lówó ye du.”

Danyél 9:20

Tódô henlelu mni bè Dwata yóm sana kum Dwata hol gónó mogot ne benkasu ebéléen yó kem salà me mi kem tau Israél ne henkoduhu béléen yóm bud ketloben Jirusalim yóm kun bulul gónó nô bè yó.

Ifisus 1:16

tey bong se yóm dou kdóyón ke Dwata lemwót bélê ye, ne sónmou gel mutóm kuy bè yóm gel knihu béléen.

Kem Lingón 6:9

Deng gungol Dwata yóm kehkoduhu béléen. Angat bnalaen yóm hnihu yó.

Sulat Pol Ebè Yó Kem Tau Hemtahu Bè Rom 12:12

Hol tendo hlaan ye nawa ye abay se wen yóm hendón nefet nawa ye. Bê ye tnalaw ke wen gónó ye gel glayam. Tódô senflós ye mni bè Dwata.

Mark 13:33

Yó gónóm mon, eles ye temgama, ne bê ye hlingay, abay se là kô tngón ye du yóm kdaw angat kkólu.

1 Pitér 4:7

Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.

Kul Nmò 1:14

Ket kiwól le gel sbung bè yó na a mni bè Dwata. Wen se kem libun gel mung bélê le, dalang se ke Midi, Yê Jisas. Ne yó kem twoli Jisas, gel le mung snéen kul.

Kun Snulat Luk 22:46

Gotu bentik Jisas lu, monen mò kul, “Bê ye tlek tungô dé. Btik ye, mni ye bè Dwata anì là wen gónó ye gsindil bè Seitan.”

Kem Lingón 4:1

Ó Dwata yóm gel mfi dou. Hol bnalaem ou bè yóm ktabahu ebéléem. Kóhem dou yóm gónón sidek kegnómu du. Hol knoduhem ou, ne hnungolem dou yóm hnihu.

Hibru 5:7

Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.

2 Timuti 1:3

Béléu do, tey kdóyónu ke Dwata, ne laen kô dù bang blóngu ebéléen yóm klawihu mò du nim hmoen dou ni. Hol lómón ni se yóm tehe kul nmò yó kem tehe fuu ekni. Tey kdóyónu ke Dwata bè yóm gel kutómu kóm béléen, tódô ketu kifu ne ketu kdaw.

Flipay 1:4

Ne tey gel klaan nawahu bè yóm gel knihu bélê ye bè Dwata

1 Bok Kem Tau Hol Geta 8:52

Ó Dwata hol dandónen geta, hol kenmónem yóm hnihu béléem ni dalang se kul hni béléem yó kem tauhem Israél. Hol hnungolem lu ne bnalaem lu bè yóm ket kehtóbóng le ebéléem.

1 Bok Kem Tau Hol Geta 9:3

Yó mon Dwata mò du, “Deng gotu gungolu yóm knihem béléu. Deng hetfingu yóm Gónóu deng hdaem ni ne laen dù sónen yóm kwiten du yóm dou boluy. Tendo tnanudu ne knudungu etahen.

1 Bok Kem Tau Hol Geta 8:54

Timbow deng kni Selumun bè Dwata, ominen mdà bè solu yóm gónó le gel demsù ebè Dwata, bè yóm deng gónón mtud bukolen bè yóm knihen ebè Dwata yó koni igoen hdà du eta bè longit sigelen.

Ifisus 6:19

Ne hol gel utóm ye ou snéen bè yóm gel kni ye anì benlay Dwata ou khulung tmolok, ne anì laen dù klikou heglileb du bè kem tau yóm Tulón Hyu tehe gbuni bélê le.

Kul Nmò 12:5

Yóm igò Pitér nô lem blanggù, tódô hotu le nawa le mni béléen bè Dwata yó kem dumuhen hemtahu.

Danyél 6:10

Timbow tngón Danyél yóm deng kefema Daryus du yóm udin yó, tódô mulék ebè gónóen ne husek elem yóm sotu dfélen nô ta, uma kóm smolu ebè Jirusalim yóm tembó bengen ne tódô mtud bukol bè yó mni ebè Dwata. Ni se yóm sana kun gel nmò na tlu duléken sendaw mni bè Dwata, mung du yóm tey kdóyónen du.

Isaya 26:16

Deng tehe tnafakem mi, Dwata, mi kem tauhem. Lemwót bè yóm alì sidek kebà nawa me gónó me mni tóbóng béléem.

1 Bok Kem Tau Hol Geta 8:59

Yó hem sana kut Dwata hol gónó mogot tendo hemtulón nawa du ket kdaw ne ket kifu ni kem hnihu béléen ni, anì hol tnóbóngen o dalang se yó kem tauhen Israél bè keblayen du kul yóm wen mu le du ket kdaw,

Filimun 1:5

abay se deng gefet béléu yóm kbong nawahem kdê yó kem kun tau Dwata, ne yóm tey kehtahuhem bè yóm gónó tekuy mogot Jisas.

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

Istér 4:8

Ne oguhen ke Hatak yóm udin lomi nmò le bè yó bè Susa, duhen yóm gotu khatay le yóm kdéen Ju. Ne yó mon Murdikay mò ke Hatak, “Hol nwitem ebè Istér nim sulat ni ne hol tulónem du yóm angat glumfak me ni. Yake hol mógów ebè tum tau hol geta ne hol henkoduhen béléen anì hol hlowilen lu yó kem kun dumu Ju.”

Kul Nmò 10:2

Hemtahu bè Dwata nim kfitan ni, dalang se yó kem fes lówóhen. Tey bong tódô gel blayen yó kem Ju wen gónó le élél, ne sónmoen gel mni ebè Dwata snéen.

Kul Nmò 6:4

anì yó laen dù tlek gónó me meglala bè yóm gel kni me bè Dwata, ne bè yóm gel ktulón me yóm kun udél.”

Ifisus 3:18

anì hol glileb ye snéen yóm kbong nawa Krays tekuy yóm kdê tekuy kem kun tau Dwata. Yóm nawahen tekuy yó, udì tonok ne longit.

Ifisus 3:8

Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.

Sulat Pol Ebè Yó Kem Tau Hemtahu Bè Rom 8:15

Abay se yóm Tulus Dwata deng nô bélê ye là kô nmoen kuy tau ghesek bè klikò. Ne mlan bè yóm Tulus Dwata yó, deng ye baling kun ngà, ne gbek ye ne tmaba ke Dwata, “Ó Mà.”

Ifisus 2:22

Lemwót bè yóm deng kessotu ye béléen, yó se gónó ye baling ngom bè nim gónô monu ni. Tódô ye gomong bè yó kem dumu ngomen efet tekuy baling gónô gónóhen nô Dwata, hlanen bè yóm kun Tulus deng nô bélê tekuy.

Kun Snulat Luk 3:37

Yóm Lamik, ngà Mitusila. Yóm Mitusila, ngà Inuk. Yóm Inuk, ngà Jaréd. Yóm Jaréd, ngà Mahalalil. Yóm Mahalalil, ngà Kinan.

Kulasi 1:4

Yakà deng gungol me yóm kehtahu ye bè Krays Jisas ne yóm kbong nawa ye yó kem kun tau Dwata.

Glasya 4:6

Wen lan Dwata hdilô du bélê tekuy yóm kngaen tekuy, duhen yóm ksuen du bélê tekuy yóm Tulus yóm Ngaen. Lemwót bè yóm knóen bélê tekuy yóm Tulusen yó, yó se gónó tekuy là bud lengayà tmaba du, “Mà.”

Kun Snulat Luk 3:26

Yóm Nagay, ngà Mat. Yóm Mat, ngà yóm sotu Matatiyas. Yóm Matatiyas, ngà Simin. Yóm Simin, ngà Jusik. Yóm Jusik, ngà Jóda.

Kulasi 1:3

Bè ket yóm gel kni me bélê ye, tey gel kdóyón me ke Dwata yóm Mà yóm gónó tekuy mogot Jisas Krays.

1 Samwél 1:12

Yóm igò Hana mni bè Dwata, tenngel Ili sumóngen.

Matyu 17:21

Okóm yóm tulus seitan malak yóm ngà yó koni, tek sotu hdó du, tek són yóm kni ye bè Dwata, mung du yóm kfasting ye.”