Ifisus 6:17 - Udél Dwata: Gna Kesfasad ne Lomi Kesfasad

¹⁷ Yó henged sloung tók eles tendo gel sudù tekuy, duhen yóm deng kegewà tekuy. Ne yó kfilan blayen tekuy yóm Tulus Dwata, duhen yóm Udél Dwata.

Ifisus 6:17 Referans Kwoze

Hibru 4:12

Yóm Udél Dwata, tey mlan, ne tey gembek. Ke hningón tekuy yóm udél Dwata, hol lómón ke sudeng, tey gembon ke wen tenbeken. Milud he kegbonen yóm udél Dwata, abay se tódô gotu tngón Dwata yóm kmò tekuy ne yóm knawa tekuy. Ne gotu henklolen yóm nô lem nawa tekuy ne yóm nô lem hendem tekuy.

Isaya 59:17

Bè yóm kehewaen kul yó, yó henged oniten, duhen yóm kukum tedeng nwiten. Yó henged sloung tóken, duhen yóm kfasangen lemwà kul. Yó henged nesen, duhen yóm hol óyóen tmóbóng kul ne yóm óyóen meles kul.

Deng Hegfan 19:15

Yóm smakay tukô gna kul yó, wen hsut gu lem baken lómón ke sudeng alì telem mò atuen yó kem tau hol geta bè klamangen benwu. Yóm kkamalen kul tey mefges lómón ktétélen bala tók. Lómón ketken le yóm bungu grép anì molo élen, lómón yó se ketkenen mdà kul elaan yó kem hmohon du. Ni se kehegfan Dwata du yóm alì sidek kebuten kul, yóm Dwata laen kô dù là gbeken du.

1 Tisalunika 5:8

Okóm tekuy du, deng te tau lem layag, yake hol tekuy hfulung hedem. Eles te tendo kmulóng klung. Ne yó henged klung tekuy, duhen yóm kehtahu te, ne yóm kesbong nawa. Ne yó henged sloung tók sudù tekuy, duhen yóm kgel nawa te yóm angat kegewà tekuy gu lem hatay.

Isaya 49:2

Tey kehegseben udélu, lómón kegseb yóm sudeng telem. Kun sigel tendo kemlung dou. Lómó kmoen dou lómón ke ou yóm hanak telem deng hentifesen mò gtien.

Deng Hegfan 2:16

Yó gónóm mon, hol knogol ye ne yó kem salà gel nmò ye. Ke là hdon ye du nim monu mò kuy ni, ngem tódóe sut bélê ye naw e genlà yu bè nim sudeng hesut gu lem baku.

Deng Hegfan 12:11

Okóm deng le matù béléen yó kem kut dumu setwoli deng hemtahu mlan bè kun litô yóm Ngà Ubiha deng gamà bélê le, ne bud mlan bè yóm ktahuhen deng gel hból le. Là kô knamà le du klowil le efet katay le.

Husiya 6:5

Deng hógówu kem tugodu mò na a tmulón du kuy yóm deng ukumu kuy ne yóm keglau kuy. Hol tahu dohò yóm angat ktafaku kuy, hol lómón kdohò yóm kwasen ket hlafus.

Deng Hegfan 1:16

Ne wen hitu blotik nogoten bè sigel kwananen. Ne wen hesut gu lem baken lómón ke sudeng. Ne lem uyóhen, hol lómón knóngen mata kdaw deng gtungó.

Matyu 4:4

Okóm yó balà Jisas du, monen, “Là kô yó du! Igoen deng mon du bè Sulat Dwata, ‘Là són du ken gónón mowil tau, okóm bè kdê yóm Udél Dwata se tahu hlowil du.’ ”

Matyu 4:7

Bnalà Jisas se, monen, “Tahu se yóm monem yó, okóm wen sotu bud monen bè Sulat Dwata, monen, ‘Béem tnilów Dwata, yóm gónóhem mogot.’ ”

1 Samwél 17:5

Yóm sloungen, nmò le gu bè tembaga futì ne bud tembaga futì se onit bè lówóhen, yó keblat le botong limu folò hitu kilu keblaten.

1 Samwél 17:58

Ne yó snólók Sol béléen, “Tau du de maem, Tò?” Bnalà Dabid se, monen, “Yó mau, Jisi, sotu tóbóng lówóhem lemwót bè Bitlihim.”

2 Samwél 22:36

Yóm deng kehewaem do, lómón ke yó se klungu, ne yóm któbóngem do gónóhu alì gboluy.

Sikaraya 4:6

Ominen mon du mò dou, “Ni se udél Dwata ebè Sirubabél. Yóm nmoem là lemwóten bè kegbek tau duhen ke bè kgis tau, okóm lemwót bè dou Tulus, udél yóm Dwata laen dù là gbeken du.

Ifisus 5:26

Yó gónón matay anì wen lanen hembaling tekuy tau Dwata. Hólósen tekuy hlanen bè udélen ne bè yóm kehbabtays tekuy,

Hibru 6:5

Ne deng tehe gnómen snéen yóm tey kehyuhen yóm kun Udél Dwata, ne yóm tey kfasang Dwata, yóm kfasang angat hol hegfanen elem hulin kdaw.