Ifisus 6:16 - Udél Dwata: Gna Kesfasad ne Lomi Kesfasad

¹⁶ Ne yó henged klung eles tendo gel kitin tekuy, duhen yóm kehtahu tekuy bè Dwata. Lemwót bè nim klung tekuy ni, là kóen tódô bélê tekuy yóm kdê hanak mofi gel gtì Seitan tekuy.

Ifisus 6:16 Referans Kwoze

Kem Udél Hlalak Tehe Selumun 18:10

Yóm Dwata mò gónó le heklung ne gónó le e mlo yó kem tau tedeng kmoen ne gónón hyu knóen.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

2 Kurin 1:24

Là kô nubug me kuy bè yóm kuy kehtahu. Kaem deng sana tngón me deng mbegel ne kehtahu ye. Okóm yó dé kóyô me ke wen lan me tmóbóng kuy anì hol temnù yóm kligal ye.

1 Tisalunika 5:19

Hol ye gel temgama anì laen dù gónón gseng ebélê ye yóm Tulus Dwata.

Kem Lingón 120:4

Yó angat tafaken kuy, duhen yóm hanak sendalù alì telem, ne yóm bala ofi kemyóngón.

2 Samwél 22:36

Yóm deng kehewaem do, lómón ke yó se klungu, ne yóm któbóngem do gónóhu alì gboluy.

Kem Lingón 7:13

Deng eles hentifesen yó kem suk hatayen tau, ne yóm hanak mofi deng eles hetomen.

Matyu 5:37

Tódô hen-el ye ke tahu, ne tódô mon ye ‘là’ ke là se tahuhen. Abay se ke mò ye safà, Seitan gónón gu lemwót yóm yó.”

1 Tisalunika 5:8

Okóm tekuy du, deng te tau lem layag, yake hol tekuy hfulung hedem. Eles te tendo kmulóng klung. Ne yó henged klung tekuy, duhen yóm kehtahu te, ne yóm kesbong nawa. Ne yó henged sloung tók sudù tekuy, duhen yóm kgel nawa te yóm angat kegewà tekuy gu lem hatay.