Ifisus 6:15 - Udél Dwata: Gna Kesfasad ne Lomi Kesfasad

¹⁵ Yó henged tlumfà tekuy, duhen yóm tendo gel ktulón tekuy yóm Tulón Hyu gónó tau mit sefyu ebè Dwata.

Ifisus 6:15 Referans Kwoze

Isaya 52:7

Tey minggel mton du yóm tau hógów le hulé bulul niten yóm tulón hyu. Yó lemen, duhen yóm tulón mit kenek nawa. Gotu heglalagen yóm deng kegmò le bè kem hohon le. Ne yó udélen ebè yó kem tau bè benwu Sayun, monen, “Yóm kuy Dwata, du se hol dandónen geta mogot klamangen.”

Sulat Pol Ebè Yó Kem Tau Hemtahu Bè Rom 10:15

Ne tedu kmò kógów le na a tmulón du ke là wen hógów kul? Lómón yóm monen bè Sulat Dwata, yó monen, “Tey bong hyu gemnóm du yóm ksut yó kem tau mit yóm Tulón Hyu.”

Hbakuk 3:19

Tendo hekgisen o yóm Dwata hol dandónen geta. Là bude tlokob, lómón yóm là ketlokob yó kem uhu ke mlóy le. Là kóe tlokob baluen ke mlane gu lem bulul. (Yóm tau gel malak sngal, yake hmung le bè yóm gel kenbit le yóm klingón le du nim ni.)

Kun Snulat Luk 15:22

Okóm yóm maen, tódô kendel tnabahen yó kem tau mò nmò béléen, ne monen mò kul, ‘Hetlasik géhél nit ye dou edini yóm nes alì tilob mò lesek nim ngau. Ma ye do tising mò suu bè tdoken, ne tlumfaen.

Dwata 33:25

Yó kem benwu le, hol hono bala tók he yóm bak tikeb le anì laen dù gembek husek elemen. Ne tendo menek he yóm kbenwu le.

Mark 6:9

Olo ye lemsek snilas ye, ne olon sotu kgal lesek ye, bê ye abay mit mò gewuhen.