Ifisus 6:1 - Udél Dwata: Gna Kesfasad ne Lomi Kesfasad

¹ Ó kem ngà, lemwót bè yóm deng kehtahu ye, hol gel nimón ye kem tuha ye, yakà ni du se yóm hol hyu bélê ye.

Ifisus 6:1 Referans Kwoze

Kem Udél Hlalak Tehe Selumun 23:22

Hnungolem udél maem yóm mngà kóm ne ke deng tuha yéem béem nit gnê.

Kem Udél Hlalak Tehe Selumun 6:20

Ó Man, hol hendemem yóm gel hlolò maem kóm ne hol kenmónem yóm gel tolok yéem.

Kem Udél Hlalak Tehe Selumun 1:8

Ó Man, hol hnungolem yóm hlau maem ne hol kenmónem yóm tolok yéem.

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

1 Timuti 5:4

Bede ke wen ngà le duhen ke bé le, yó se mò temdof kul, mò towok liteg yê le kul ne bé le. Ni se sotu hol hlolò Dwata yó kem tau deng hemtahu béléen. Ke ni se gel nmò le, tey bong hyu kegnóm Dwata du.

Sulat Pol Ebè Yó Kem Tau Hemtahu Bè Rom 12:2

Bê ye abay lolò kul kmò yó kem tau là hemtahu le lem nim benwu ni. Hesfili ye ke Dwata yóm kehedem ye anì gtukul ye ke tedu yóm kun kóyô bélê ye, ne ke tedu yóm hyu ne yóm tedeng ne yóm mò gónón hligal.

Kem Udél Hlalak Tehe Selumun 30:17

Yóm tau sendekaen maen ne là nimónen du yóm yéen tuha yake tódô hlagas lówóhen sok matay anì bè yó gónó wak ne kofi semsesék du.

Sulat Pol Ebè Yó Kem Tau Hemtahu Bè Rom 7:12

Duhen yó, yóm hlau tehe snulat Musis yó laen dù kô belenen. Tey ktedengen, lelen alì hyu.

Kun Snulat Luk 2:51

Omin Jisas mung kul mulék ebè Nasarit, ne sal gel nimónen lu. Ne tódô kem hnô yéen bè nawahen ni kem ni.

Job 33:27

Yó angat udélen bè yó kem dumu tau yóm tau nsok Dwata yó, monen, ‘Denge gemsalà bè Dwata, là hyuhen yóm deng nmou okóm là kô tafak Dwata du do yóm tafak bang bayad yóm salà nmou.

1 Pitér 2:13

Lemwót bè yóm deng klolò ye yóm gónó tekuy mogot, bê ye nulé yó kem udin lem benwu ye. Hol nimón ye yóm tau hol geta bélê ye.

Husiya 14:9

Yó kem tau hulung hedem, gotu tngón le kul yó kem snulat ni. Yó kem tau hulung temnef, tngón le se kul. Tey tedeng yóm kun lan yóm Dwata ne yó kem tau tedeng kmoen yóm gel lemolò du. Okóm yó kem tau gemsalà tlokob le kul, hlós le masà.

Kem Udél Hlalak Tehe Selumun 30:11

Wen se kem tau tnuled le kem mà le ne là se dóyón le kem yê le.

Tekang Kbuten 28:7

Ne bud tngónen yóm deng kimón Jakub ke maen ne yéen ne yóm kógówen ebè Misuputamya.

Kem Lingón 19:8

Yóm hlau Dwata, hol tahu duhen. Hligal le kul yó kem tau mimón du. Ne yó kem hlolò Dwata, tey tedeng. Yó se gónón lemwót yóm khulung hedem.

Istér 2:20

Okóm ke Istér kun efet bè yóm kdaw yó, là kô deng tulónen du he yóm kedyuhen lómón yóm deng mon Murdikay mò du. Tódô loloen yóm hlau Murdikay du, lómón yó sem gel nmoen bè yóm hanà kudien tehe knóen béléen bè kun gónô.

1 Kurin 15:58

Yó gónóm mon, kem dumuhu sogot nawa, hol hbegel ye dé kehtahu ye, bê ye abay hili nawa ye. Bê ye abay senkó mò du yóm hmoen kuy yóm gónó tekuy mogot, abay se deng hónô tngón ye, kdéen nmò tekuy bè yóm gónó tekuy mogot tey wen uléken.

Sulat Pol Ebè Yó Kem Tau Hemtahu Bè Rom 16:2

Hol hnódó ye hlan ye bè boluy yóm gónó tekuy mogot, yakà ni du yóm nmò hol knóón bè yó kem tau Dwata. Hol tnóbóng ye ke wen gónón élél, abay se tey deng dê tau tnóbóngen se kun. Balù sem ou sana któbóngen do.

Kem Lingón 119:75

Tngónu, Dwata, tedeng yóm kkukumem. Yó gónóm semtódô do abay se wen muhen béléu.

Tekang Kbuten 37:13

Yó mon Jakub mò ke Jusif, “Ó Jusif, mógówi etu bè Sékém bè yóm gónó le hótób ógóf yó kem twoguhem.” Mon Jusif se, “Yó sen.”

Jirimaya 35:14

Yó kem sfu Rikab là kô le minum tifas grép, abay se deng monen mò kul yóm fù le Jihunadab hol bê le abay minum. Okóm dou, tendo sensulit tulónu kuy ne là kô hnungol ye dou.

Nihimaya 9:13

Ditu bè Bulul Sinay gónóm tehe mnaul ebélê le lemwót gu bè longit ne bè yó gónóm mudél ebélê le. Wen tey hlau tedeng blayem kul ne wen tey hyu hloloem kul.

1 Samwél 17:20

Tahu se, timbow hol hlafus hayahen bè yó tódô btik Dabid, tebelen bè yóm sotu tau mentey ubiha yó kem ubihahen ominen lemwót, nwiten yóm ken hwit maen du. Yóm kkólen bè kamfù, deng le lemwót ebè yóm gónó le sfatay yó kem sendalù ne gotu le mensag.

Kem Lingón 119:128

Lemwót bè yóm ktedeng yóm ket hlauhem, yó gónóhu meklit du yó kem sidek nmò tau.

Rut 3:5

Omin Rut mon du, “Tódô lolou, Wê Libun, yóm deng hlauhem do.”

Jirimaya 35:8

Tahu se, tódô lolò me yóm kdê hloloen kum. Lemwót bè kbuten là kô me minum tifas grép. Balù yehen me ne kem ngà me logi ne kem ngà me libun, là kô le na a minum tifas grép.

Jirimaya 35:18

Ominen wen tulón Jirimaya bè yó kem sfu Rikab, monen, “Ni se udél yóm Dwata laen dù là gbeken du yóm Dwata yó kem tau Israél, monen, Deng tey tilob kimón ye du yóm fù ye Jihunadab, gotu lolò ye yóm kdê hloloen kuy.

Tekang Kbuten 48:12

Omin Jusif ma yó kem ngaen nô klohok bukol témê le ne tódô hegdufok ebè tonok bè solu maen.

Tekang Kbuten 50:12

Tódô gotu nmò yó kem ngà Jakub yóm tehe mon mà le mò kul.