Ifisus 5:8 - Udél Dwata: Gna Kesfasad ne Lomi Kesfasad

⁸ Tehe yu ekni, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag.

Ifisus 5:8 Referans Kwoze

Kun Snulat Jan 8:12

Ne yó bud udél Jisas ebè yó kem Farisi, monen, “Ou se yóm layag kól lem benwu. Yó se tau lemolò do, là kóen bud gógów elem kifu ne, okóm wen layag mò htonen lanen gmuta yóm klowil laen dù tul sónen.”

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Kulasi 1:13

Deng lenwà Dwata tu gu lem yóm deng nogot Seitan, ne deng nilihen tu elem yóm kun nogot yóm Ngaen hol gónóhen nô nawahen.

Kun Snulat Jan 12:46

Yóm kógówu elem benwu,” mon Jisas, “hol lómón ke layag sut bélê ye. Yó se tau hemtahu béléu, là kóen hlós knóen lem kifu.

Ifisus 4:18

Tódô kmifu lem hendem le. Laen kô dù kul du yóm lomi klowil deng blay Dwata. Là kô tngón le du yóm ktahuhen, abay se deng hgel le kulu le.

Kun Snulat Jan 12:36

Tnana ye hol hemtahu du dé yóm layag anì baling ye tau nô lem layag.” Timbow deng kudél Jisas, ominen lemwót ne là kô tngón kem tau du gónón e nô.

Isaya 9:2

Yó kem tau tehe nô bè yóm gónón kmifu, wen tey layag deng ton le. Tehe le nô bè yóm benwu eles gnolung hatay, okóm ni deng wen layag mnóng ebélê le.

Ifisus 2:2

Bè yóm kdaw yó, tódô lolò ye yóm sidek kul gel nmò yó kem tau là hemtahuhen bè Dwata. Tódô nimón ye Seitan, yóm gónó le kmulu yóm kdéen mtulus gu talak kmawang. Bud du se yóm gel malak yó kem tau là mimón ke Dwata.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Kun Snulat Luk 16:8

Tikóng tngón yóm tau fun kendengen yóm kmò kehlanen du yóm atulen yóm tau là gulit yó koni, botong monen, ‘Tey hulung hemlan yóm klowilen elem haya yóm tau là gulit yó.’ ” Bud mon Jisas, “Yó kem tau són ktes le klowil le te tonok, tey le hulung eles temgama du yóm klowil le elem haya. Yake bud lómón se yó yóm kul eles ketgama du yóm klowil laen dù sónen yó kem tau deng nô lem layag.

Isaya 2:5

Duhen yó kem tau semfu gu bè tehe Jakub, hol lolò tekuy ne yóm kun layag yóm kut Dwata.

Ifisus 6:12

Abay se là kô tau du yóm nit tekuy sfatay, okóm yóm dê mtulus gel dók Seitan gu te kmawang. Ne wen se kfasang le mkem yóm tey kkifuhen.

2 Kurin 3:18

Duhen yó, kdê tekuy deng hemtahu, deng gfan lem uyó tekuy ne yóm kun keslinang yóm gónó tekuy mogot, ne laen kô dù bud sengen ne. Yóm gfan bélê tekuy yó, hol lemwót gu bè yóm gónó tekuy mogot. Bè yóm igò tekuy temngel ebéléen, igoen hembaling tekuy mò mkél béléen, ngangen mò du efet tekuy hol mkél du. Yóm gónó tekuy mogot yó, du se yóm hol Tulus Dwata.

Kun Snulat Luk 1:79

Angat heknasen yóm kifu lem blóng tekuy anì là hlós yóm kgolu tekuy elem hatay. Du semgalak tekuy bè yóm lan mò gónón hlós menek nawa kuy.”

2 Kurin 6:14

Hol bê ye abay mit sbilà bè yó kem tau là hemtahuhen, là kóen na a hyu. Abay se là kô le segmung yóm tedeng ne yóm sigol. Dalang se yóm layag ne yóm kifu, là kô le setnù.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Sulat Pol Ebè Yó Kem Tau Hemtahu Bè Rom 2:19

Bè kuy kehedem du, yu fen malak yó kem tau butô ne yu henged layag yó kem tau tolo nô lem gónón kmifu,

Kun Snulat Jan 1:9

Yóm layag tulónen yó, yó se yóm hol tahu layag gdek lem benwu mò hlayag kdéen tau te tonok.

Matyu 4:16

Hol lómón ke tau le nô lem gónón kmifu, okóm angat wen tey layag ton le. Deng le golu elem hatay, okóm angat hlayagen ebélê le yóm layag yó.”

Isaya 49:9

Yó udélu ebè yó kem tau geblanggù, monu mò kul, ‘Hewà ye ne.’ Ne yó kem tau nô bè gónón kmifu, yó bud monu mò kul, ‘Hewà ye ebè layag ne.’ Kehlingónu kul bè yóm deng kegewà le, lómón ke ubiha mótób bè talak bilil.

Glasya 5:25

Deng wen ne yóm lomi klowil blayen tekuy yóm Tulus Dwata. Yake du dé yóm hol malak tekuy.

Sulat Pol Ebè Yó Kem Tau Hemtahu Bè Rom 1:21

Deng tngón le se yóm kwen Dwata, okóm là nadat le du ne là kô dog dóyón le du bè yóm gel któbóngen kul. Yó bunguhen yóm nmò le yó, tódô kmifu lem hendem le laen kô dù nefeten.

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Isaya 42:16

Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Ifisus 5:2

Yóm gel kmò ye bè kem dumu ye, hol hewót ye bè yóm kesbong nawa. Henkna ye bè Krays dé bè yóm kbong nawahen tekuy. Gloken tódô hamà yóm kun klowil bélê tekuy mò dsuen ebè Dwata. Yóm dsuen yó, hol lómón ke yóm boo alì minggel mbel ebè Dwata, ne tey gsengel nawahen du.

Kul Nmò 17:30

Tehe yu ekni,” mon Pol, “là snolò Dwata du yó kem sidek nmò tau bè yóm klawi le là setngón ebéléen. Okóm nim kmoen ni, deng hnauhen yóm kdéen tau bè klamangen benwu anì hol knogol le yó kem sidek gel nmò le.

Kem Lingón 74:20

Hol hentulónem nawa yóm kóm fasad kum bè yóm tehe kesfasad ye yó kem fù me, yakà dengen tey dê yó kem tau mò sidek bè yó kem gónón kmifu bè klamangen benwu.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Matyu 3:8

Ke deng knogol ye yó kem sidek gel nmò ye, hol hdilô ye bè kmò ye dé.

Kun Snulat Jan 12:35

Bnalà Jisas lu, bede hningónen, monen, “Là buden legen ne knóen lem blóng ye yóm layag. Tnana ye hloni edu, kô gafiten yu kifu. Yóm tau mógów lem kifu, là kô tonen du gónón e solu.

Sulat Pol Ebè Yó Kem Tau Hemtahu Bè Rom 13:12

Ke hlingónu du, hol lómón ke móyónen mwas ne. Yó gónóm mon, hol kó tekuy ne yó kem sidek gel nmò tau lem gónón kmifu, tles nmò tekuy yóm hyu. Yóm hyu, hol lómón ke ngom sfatay eles nwit tekuy lem gónón lemayag.