Ifisus 5:4 - Udél Dwata: Gna Kesfasad ne Lomi Kesfasad

⁴ Ne là kóen knóón bè kun tau Dwata ke là mólós ksumóngen. Bê tekuy nmò yóm kudél là madat, ne yóm hlowon sidek. Yake yóm udél gónón megdóyón Dwata yóm gel btang bè sumóng tekuy.

Ifisus 5:4 Referans Kwoze

Kulasi 3:8

Okóm ni, gotu kó tekuy kdéen sidek. Kó tekuy ne yóm kesefebut ne yóm ksunget ne yóm ksutó nawa. Hol bê tekuy abay hebtang bè sumóng te yóm udél semdekà, ne yóm udél là mólósen.

Ifisus 4:29

Béen sidek kbak tekuy. Són yó dé olo mon tekuy yóm hyu, són yóm udél wen gónón gemtóbóng kem dumu tekuy, yóm udél hol gemduf kul, mò gónó le dmalang. Yó dé olo benkó tekuy yóm udél wen muhen bè yó kem tau hmungol tekuy.

1 Tisalunika 5:18

Kihu mefet bélê ye, hyu duhen ke là hyuhen, senged nóm kdóyón ye ke Dwata. Yó se yóm hol kun kóyô bélê ye Dwata bè yóm deng kessotu ye bè Krays Jisas.

Kem Udél Hlalak Tehe Selumun 15:2

Lemwót bè yóm kun kudél yóm tau hulung hedem gónón lemwót mahil dmalang du yóm ketngón, okóm yóm tau book laen kô muhen yóm kun udél legas.

2 Pitér 2:18

Tey le hulung mudél, okóm laen dù lemen. Gel hegbóy le yó kem tau hanà lomi kmogol du yó kem knóyô lówó. Yóm kehegbóy le kul, hlan le bè yó kem sidek knóyô lówó le.

Hibru 13:15

Duhen yó, bê tekuy nmò sónen yóm kdóyón tekuy ke Dwata hlan tekuy bè Jisas, ne hol tulón tekuy bè kem dumu tau Jisas se yóm gónó tekuy mogot. Ni se mò henged dsù tekuy ebè Dwata.

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.

Sulat Jud 1:10

Okóm kul yó kem tau sekban ktolok le yó, balù yóm là deng tngón le du, senged alì kehnê le du. Lómón tô le ógóf, ket ksuten bè nawa le yóm knóyô lówó le, ket kmò le du. Duhen yó se angat mit kul lem hatay laen sónen.

2 Kurin 9:15

Yó ne, hol dóyón tekuy dé Dwata bè yóm keblayen du tekuy yóm Ngaen, yóm blay là gbek tekuy hmingón du btesen.

Mark 7:22

ne mdà yehen, ne kesbì, ne yó kem dumu nmò sidek, ne smukat, ne yóm kekdol wen nô lemen, ne yó gel sélés nawa, ne yóm gel semtulón dumu tau, ne hegmón, ne yóm mò ungel.

Kem Lingón 92:1

Tey hyu ke gel me slamat bè Dwata. Tey hyu semngal du yó kem sngal dmóyón ke Dwata yóm Dwata Hol Dandónen Geta.

Sulat Jud 1:13

Ne bud le mkél bè lewók mohin ke lemnos. Sal gel wen bulok gedway ebè kililen. Hol lómón se yó ne kmò yó kem tau yó, sal gel gfan yóm ksidek gel nmò le, yóm gónó le hemyak knô le. Mkél le snéen bè yó kem blotik tabag, laen mdengen lan lolò le. Deng eles wen yóm tey benwu kmifu deng hentifes Dwata bélê le, ne laen kô dù sónen yóm knô le du.

2 Kurin 1:11

Tey mgel nawa me, abay se deng eles tngón me angat bud lenwaen mi he lemwót bè yóm gel kutóm ye kum bè yóm gel kni ye bè Dwata. Duhen yó, angat bnalà Dwata yóm tey kni ye bélê me yó, ne angat tey któbóngen kum. Ke ni se nmò Dwata, tey wen bélê ye gbót dmóyón du bè yóm któbóngen kum yó.

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Kem Udél Hlalak Tehe Selumun 12:23

Yóm tau hulung milô là kô saluen du ketngónen, okóm yóm tau book mom gfan bè kudélen yóm kbooken.

2 Pitér 2:7

Bè yóm keglà Dwata kul yó, gna lensoen Lat, sotu tau hyu kmoen. Nim Lat ni, sidek keblat nawahen bè yóm gel kmò le samuk yó kem tau gel mò sidek bè yóm kul benwu yó.

Kem Lingón 33:1

Yó kem tau tedeng kmò ye, hol ye hligal mensag bè Dwata, yakà teyen knóón bélê ye dmóyón du. Yu kem tau gel mimón ke Dwata, hol dóyón ye se kuy.

Filimun 1:8

Yó gónóm mon, wen hol henkoduhu béléem. Bè nim henkoduhu béléem ni, gbeku tódô mdók kóm mò du lemwót bè yóm kesdumu te bè Krays.

1 Tisalunika 3:9

Ne nim kmoen ni, tey kdóyón me ke Dwata lemwót bè yóm kuy kmò. Laen selen yóm klaan nawa me bè yóm gel kni me bélê ye bè Dwata.

Ifisus 1:16

tey bong se yóm dou kdóyón ke Dwata lemwót bélê ye, ne sónmou gel mutóm kuy bè yóm gel knihu béléen.

Kun Snulat Jan 6:23

Ne wen kem dumu ówóng lemwót gu bè Tibiryas dmuung moni bè yóm gónó Jisas mni bè Dwata ne hemken yó kem tau.

Danyél 6:10

Timbow tngón Danyél yóm deng kefema Daryus du yóm udin yó, tódô mulék ebè gónóen ne husek elem yóm sotu dfélen nô ta, uma kóm smolu ebè Jirusalim yóm tembó bengen ne tódô mtud bukol bè yó mni ebè Dwata. Ni se yóm sana kun gel nmò na tlu duléken sendaw mni bè Dwata, mung du yóm tey kdóyónen du.

Kem Udél Hlalak Tehe Selumun 26:19

hol lómón ksideken yóm tau snukaten kdumun ominen mon du olohu hmowon du.