Ifisus 5:30 - Udél Dwata: Gna Kesfasad ne Lomi Kesfasad

³⁰ yakà deng tekuy baling hol kun lówó.

Ifisus 5:30 Referans Kwoze

1 Kurin 6:15

Deng hónô tngón ye se, yóm kuy lówó deng ssotu bè kun lówó Krays. Yó kô nmò ye, tnù ye bè kun lówó Krays yóm kun lówó yóm libun hdóyón? Hol bê tekuy abay nmò yóm yó.

Sulat Pol Ebè Yó Kem Tau Hemtahu Bè Rom 12:5

Senged snéen bélê tekuy. Deng tekuy ssotu bè kun lówó Krays, ne tódô ket sotu bélê tekuy sal tólóng kun nmò. Ne lemwót bè yóm deng kessotu tekuy bè kun lówó Krays gónóhen wen hentngón tekuy bè yó kem dumu tekuy. Ne ket sotu bélê tekuy wen mu tekuy du kem dumu tekuy.

Tekang Kbuten 2:23

Ne yó mon yóm logi yó, monen, “Ni dii hol dou dumu seklóón. Dou tiol yóm kun tiol ne dou unged se yóm kun unged. Boluyu du libun abay se bè logi gónón lemwót.”

Ifisus 1:23

Ne yó kem tau hemtahu, hono kem kun lówó Krays, ne Krays se hket du yóm kdéen.

Kulasi 2:19

Là kô le mogot bè Krays, igoen du yóm hol kulu yóm kdê tekuy deng mò henged lówóhen. Lemwót bè yóm kalaken tekuy, gónóhen tilob kesgayun te, ne baling tekuy gulit, lan te lemolò yóm kun kóyô Dwata.

Ifisus 5:29

Laen kô dù tau se ke knutó nawahen yóm kun lówó, kaem sónmoen hemken du ne semgifà du. Lómón yó se gel kmò kesgifà Krays yó kem hemtahu béléen,