Ifisus 5:29 - Udél Dwata: Gna Kesfasad ne Lomi Kesfasad

²⁹ Laen kô dù tau se ke knutó nawahen yóm kun lówó, kaem sónmoen hemken du ne semgifà du. Lómón yó se gel kmò kesgifà Krays yó kem hemtahu béléen,

Ifisus 5:29 Referans Kwoze

Ifisus 5:31

Hol lómón yóm deng monen bè Sulat Dwata bè yóm tau syehen, yóm monen, “Yó gónóm mon, tódô tnagak yóm logi yóm maen ne yéen, ne setnù le yóm kun tuha libun ne tódô le baling ssotu yóm lewu le.”Yóm kessotu lówó le yó, laen kô dù tau gembek tmulón du yóm hol lanen, bede tngón tekuy yóm ktahuhen lemwót bè Sulat Dwata. Bè dou kehedem du, henléden yóm deng kbaling le ssotu bè Krays yó kem tau hemtahu béléen.

Kem Udél Hlalak Tehe Selumun 11:17

Mulék hyu knóen yóm tau hyu kmoen bè kem dumun, okóm yóm tau sidek baluhen hensideken knóen.

Isaya 40:11

Tey hyu yóm angat kesegyoken kul, lómón yóm tau hyu kesegyoken yó kem ubihahen. Gel sentifunen yó kem ngà ubihahen ne gel sniwihen lu. Ne hen-ganagen malak yó kem yê le.

Matyu 23:37

“Yu kem tau menwu bè syudad Jirusalim, sal gel hnatay ye yó kem tau tugod Dwata, ne hnatay sentudà ye botu yó kem tau hógów Dwata ebélê ye. Deng hilu duléku ne tô móyô sembung kuy, lómó tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Sulat Pol Ebè Yó Kem Tau Hemtahu Bè Rom 1:31

Laen dù afas nawa le. Là gsaligem kul. Laen dù keslayuk nawa le bè kem dumu le tau, ne laen se dù keskodu le.

Isikél 34:27

Yó kem koyu mungu le, angat tey kbungu le ne tey tembas yóm tonok le ne tey menek kbenwu le yóm kdê le. Ke deng hentohu yóm kdina fét le kul yó kem hohon le ne ke deng lenwau lu bè yó kem tau gónó le ghesek, bè yó he gónó le temngón du ou se yóm sana kul Dwata hol gónó mogot.

Tekang Kbuten 2:23

Ne yó mon yóm logi yó, monen, “Ni dii hol dou dumu seklóón. Dou tiol yóm kun tiol ne dou unged se yóm kun unged. Boluyu du libun abay se bè logi gónón lemwót.”

Matyu 6:26

Tenngel ye dé yó kem onuk koyu. Laen kô hulu le, ne laen se kô dù bang nuta le, ne laen se kô dù fol le. Bede tódô wen gel htukóen kul yóm Mà tekuy bè longit. Milud he yó dum kuy, igoen bong kuy mu senta yó kem onuk koyu.

Ifisus 5:28

Ne yó kem logi, hol kenbong le nawa yó kem kul tuha libun, lómón se yóm kbong nawa le yóm kul knô. Yóm tau ke kenbong nawahen yóm kun tuha libun, hol lómón ke kun knô yóm kenbong nawahen.

Ifisus 5:30

yakà deng tekuy baling hol kun lówó.