Ifisus 5:28 - Udél Dwata: Gna Kesfasad ne Lomi Kesfasad

²⁸ Ne yó kem logi, hol kenbong le nawa yó kem kul tuha libun, lómón se yóm kbong nawa le yóm kul knô. Yóm tau ke kenbong nawahen yóm kun tuha libun, hol lómón ke kun knô yóm kenbong nawahen.

Ifisus 5:28 Referans Kwoze

Ifisus 5:25

Ne yu kem logi deng myehen, hol kenbong ye nawa yó kem kuy tuha libun, lómón yóm kbong nawa Krays yó kem hemtahu béléen. Gloken tódô hamà yóm kun klowil bélê le.

Matyu 19:5

Yó mon Dwata, ‘Yó gónóm mon, gtagaken maen ne yéen yóm logi ne setnù le yóm tuha libunen, ne baling le ssotu yóm lewu le yó.’

Ifisus 5:33

Okóm gbak ebè yó kem tau syehen snéen. Ket logi, yake hol kenbong nawahen yóm kun tuha libun, lómón se yó nem kbong nawahen yóm kun knô. Ne yu kem libun, hol nadat ye yóm kuy tuha logi.

Ifisus 5:31

Hol lómón yóm deng monen bè Sulat Dwata bè yóm tau syehen, yóm monen, “Yó gónóm mon, tódô tnagak yóm logi yóm maen ne yéen, ne setnù le yóm kun tuha libun ne tódô le baling ssotu yóm lewu le.”Yóm kessotu lówó le yó, laen kô dù tau gembek tmulón du yóm hol lanen, bede tngón tekuy yóm ktahuhen lemwót bè Sulat Dwata. Bè dou kehedem du, henléden yóm deng kbaling le ssotu bè Krays yó kem tau hemtahu béléen.

Ifisus 5:29

Laen kô dù tau se ke knutó nawahen yóm kun lówó, kaem sónmoen hemken du ne semgifà du. Lómón yó se gel kmò kesgifà Krays yó kem hemtahu béléen,

1 Pitér 3:7

Senged se kuy kem logi deng myehen, hol gel hendem ye yóm kuy tuha libun, abay se là gsenged le du yóm kuy kgis. Hol gel nadat ye lu, abay se senged kguta le du se kul yóm klowil laen dù sónen lómón se yóm kuy. Hol nmò ye nim ni, anì laen dù gónón gseng yóm kni ye bè Dwata.