Ifisus 5:27 - Udél Dwata: Gna Kesfasad ne Lomi Kesfasad

²⁷ anì hol tahu minggel ktonen tekuy kem tau deng hemtahu béléen. Bè ktonen tekuy, deng tekuy baling mólós, ne laen dù belen tekuy, bà udì ke wen gónó tekuy là ket.

Ifisus 5:27 Referans Kwoze

Kulasi 1:22

Okóm nim kmoen ni, hlan Dwata bè tum tehe katay Ngaen bè yóm tehe kehbalingen du tau, yó gónón mit kuy sefyu anì hol mólós ktonen kuy bè yóm kdaw kehdaen kuy bè soluhen, ne laen dù belen ye, balù udì ke wen tngelen kuy.

Hibru 9:14

Ke tehe wen ktueden yóm kul litô yó kem ógóf, milud he ktueden yóm kun litô Krays. Mlan bè kun tóbóng yóm Tulus Dwata laen dù tul katayen, yó gónó Krays tódô hamà du yóm kun klowil mò dsuen ebè Dwata, yóm dsù tódô ket du. Yóm litô dsuen yó, gbeken mkó du bélê tekuy yóm sidek gel hemblat tekuy lemwót bè yóm là kegtóbóngen tekuy yó kem dê tehe gel lolò tekuy. Ne ni kmoen ni, gbek tekuy mò du yóm hmò Dwata tekuy, yóm Dwata laen dù tul katayen.

1 Pitér 1:19

Okóm yó soken tekuy, duhen yóm litô Krays, yóm litô laen dù gembek mayad du. Yóm Krays, hol lómón yóm ubiha gel hnatay le mò dsù le ebè Dwata, yóm ubiha alì hyu, bà udì ke wen gónón sidek.

Ifisus 1:4

Gu laan Dwata là deng dmimun du he yóm benwu, deng kem gegna ne yóm kéléken tekuy mò kun tau, hlanen bè yóm deng kessotu tekuy bè Krays. Yó gónón mélék tekuy anì henbalingen tekuy kem tau mólós, kem tau laen dù belenen bè ktonen tekuy.

2 Kurin 11:2

Yó gónóhu tmulón du kuy nim ni, abay se sidek kélés nawahu kuy, hol lómón yóm kun kélés nawa kuy Dwata. Yó gónóhu e hmingón kuy, lómón ke sawang ye libun deng fen lenintihu ebè yóm sotu tau, duhen Krays.

Kulasi 1:28

Duhen ni, laen dù dumu tulón me bè kdéen tau, són Krays. Gel hlan me bè khulung hedem yóm kehetgama me kul, ne yóm ktolok me kul. Yó gónó me mò du anì hol le gulit yóm ket kul na sotu bè yóm kdaw kwit me kul bè solu Dwata yó kem tau deng ssotu bè Krays.

2 Kurin 4:14

Deng tngón me Dwata se tehe hlowil yóm gónó tekuy mogot Jisas, ne du se angat bud hlowil tekuy lómón yóm tehe nmoen bè Jisas. Ne angat gotu sentifunen tekuy bè soluhen.

Sulat Jud 1:24

Yó ne kóó. Hol dóyón tekuy dé Dwata. Tek són du yóm gembek tmóbóng tekuy anì là bud tekuy btang. Tek són du gembek mkó du bélê tekuy yó kem salà tekuy anì laen dù sidek tonen bélê tekuy bè yóm kdaw kwiten tekuy bè soluhen. Ngem he tey kligal tekuy bè yóm angat knô tekuy béléen yó.

2 Pitér 3:14

Ke ni se yóm sensangat tekuy yu kem weu, hol tilów ye són gel ye mkó du ke wen belenen yóm gel nmò ye anì laen dù duón Dwata kuy sok kól, ne anì wen kenek nawa ye.

Sulat Jud 1:21

Tódô henlel ye mimón ke Dwata anì hol ye menek bè yóm kbong nawahen kuy igò ye mangat du yóm klowil laen dù sónen guta tekuy mlan bè yóm tey kkoduhen tekuy yóm gónó tekuy mogot Jisas Krays.

1 Tisalunika 5:23

Yó hem Dwata gónón lemwót yóm kenek nawa tekuy. Du se hol hólós kuy anì laen dù belenen sidek yóm knawa ye ne yóm kehedem ye ne yóm klówó ye bè yóm kdaw kkól Jisas Krays yóm gónó tekuy mogot.

Kem Lingón 45:13

Ya tey ktiloben yóm ngà libun boi mangat lem dfélen, lemsek yóm nes knóón hnolu blówón.

Jirimaya 33:9

Ne duhen yó, bè nim syudad ni gónón wen kligalu ne któtólu ne yóm kadat le dou bè klamangen benwu te tonok. Angat ton yó kem tau bè klamangen benwu yóm kehyu nmou bè yó kem dou tau ne botong le kenkel bè yóm tey klikò le.’

Kem Lingón 87:3

Ó syudad Dwata, hol hnungolem yóm tey tilob udél Dwata etahem.

Deng Hegfan 14:4

Ni kem tau semngal ni, hono le kem tau laen dù belenen yóm gel nmò le, ne là kô le deng gemnóm lówó libun. Hono kem tau gel lemolò yóm Ngà Ubiha balù nô gónón e mógów. Deng nsoken lu lem blóng kem dumu tau, hol lómón ke lu tanay yóm bungu hulu gefet mò blay ke Dwata lewu le yóm Ngà Ubiha.