Ifisus 5:22 - Udél Dwata: Gna Kesfasad ne Lomi Kesfasad

²² Yu kem libun deng myehen, hol ye gel heglaan bè yó kem tuha logi ye, lómón se yóm keheglaan ye bè yóm gónó tekuy mogot.

Ifisus 5:22 Referans Kwoze

Kulasi 3:18

Yu kem libun deng myehen, hol ye gel heglaan bè kem kuy tuha logi, yakà yó du yóm hol knóón bè yóm libun deng hemtahu.

Taytus 2:5

Bud dnalang le bélê le se yóm khulung mafas nawa, ne yóm klaen dù belenen yóm gel nmò le, ne yóm khulung hgifat gu lem gónó le, ne yóm khulung le heglaan bè kem tuha logi le. Ke ni se gel nmò yó kem libun, laen kô bang gónó le gemsanil du yóm tulón lemwót bè Dwata yó kem dumu tau hmilol kul.

Tekang Kbuten 3:16

Ne yó bud mon Dwata ebè yóm libun, “Angat tennuu yóm ksidek kegnómem du bè yóm keblututem, ne hol hdesu yóm ksut blututem. Baluen se ke lómón yó kmoen, là kóen mkó óyóem du yóm tuha logihem, ne du se gónóhem kmulu.”

Ifisus 5:22

Yu kem libun deng myehen, hol ye gel heglaan bè yó kem tuha logi ye, lómón se yóm keheglaan ye bè yóm gónó tekuy mogot.

Istér 1:20

Ke gungol le bè klamang yóm benwu nogotem nim udin ni, ngem tódô kdéen libun gotu madat yóm kul tuha logi, tau wen boluyen duhen ke tau hkawang.”

1 Kurin 14:34

Bè yóm gel ksimba ye, là hyuhen ke lu fen gel mudél. Deng tulónen bè hlau yó kem Ju là hyuhen ke libun fen malak kem logi.

Istér 1:22

Bè ket prubinsya knamal Sérksis gónón e hemwit sulat, bede hsulaten bè kul udél ne bè kul kmò ksulat bè ket prubinsya. Yó udélen lem yóm sulaten, monen, “Ket logi, du se hol kulu bè kun gónô.”

Ifisus 6:5

Ne yu kem tau klifen, hol gel nimón ye yó kem tau mfun kuy lemwót bè yóm kadat ye kul. Hewót ye lem but blutut ye yóm kimón ye kul, hol lómón se ke Krays yóm nimón ye.

Kulasi 3:1

Deng homong Dwata tekuy ne bè yóm tehe kehlowilen ke Krays gu lem hatay. Yó gónóm mon, yake hol hendem tekuy dé yó kem gel nô bè longit. Bè yó se hol gónóhen nô Krays, deng myón fi bè kwanan Dwata.