Ifisus 5:21 - Udél Dwata: Gna Kesfasad ne Lomi Kesfasad

²¹ Hol tekuy hfulung heglaan bè kem dumu tekuy lemwót bè kadat tekuy ke Krays.

Ifisus 5:21 Referans Kwoze

Flipay 2:3

Béen abay wen nmò ye ke mlan bè kehegeta knô, duhen ke mlan bè kehton dóyón. Okóm yó dé hyu ke heglaan ye bè kem dumu ye. Yó dé kmò kehedem ye kul, lu geta senta ye.

Ifisus 5:24

Duhen yó, yake hol le heglaan bè tuha logi le yó kem libun, lómón yóm keheglaan le bè Krays yó kem tau hemtahu béléen.

Ifisus 5:22

Yu kem libun deng myehen, hol ye gel heglaan bè yó kem tuha logi ye, lómón se yóm keheglaan ye bè yóm gónó tekuy mogot.

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”

Hibru 13:17

Hol gel nimón ye yó kem tau gónó ye galak bè kehtahu ye, ne hol lolò ye yóm hlolò le kuy. Yakà lu du yóm tendo semflós tmanud kuy, abay se yóm ktanud le kuy yó angat snólók Dwata bélê le. Ke nimón ye lu, yó se gónón lingas nawa le mò nmò lem blóng ye. Okóm ke là, mom dalil gónón blat nawa le, ne laen se kô dù uléken yóm nmò le lem blóng ye.

1 Pitér 2:17

Hol nadat ye kdéen tau. Hol kenbong ye nawa yó kem dumu ye deng hemtahu. Hol knikò ye Dwata. Hol nadat ye yóm tau hol geta bélê ye.

1 Timuti 3:4

Hyu ke hulung mit yó kem fes lówóhen, ne ke himón yó kem ngaen, mung du yóm kadat le du.

Glasya 5:13

Bélê ye kuy, kem dumuhu setwoli, deng tnaba Dwata yu ebéléen anì là bud ye ghesek du ne yó kem hlau Musis. Okóm baluen ke là bud ye ghesek du, hol bê ye abay tódô nmung yóm sidek knóyô lówó ye. Yó dé tles nmò ye, tnóbóng ye kem dumu ye lemwót bè kesbong ye nawa.

1 Timuti 2:11

Yóm libun ke wen gel dnalangen, yake tódô htinof hmungol, mung du yóm keheglaanen.

1 Kurin 16:16

Hol kóyóu bélê ye, kem dumuhu setwoli, ke tendo ye galak bè yó kem tau lómón le Stifanas mò kmò le, dalang se yó kem dumu tau gel tmóbóng kul.

Kem Udél Hlalak Tehe Selumun 24:21

Ó Man, hol knikoem Dwata ne yóm tau hol geta béléem ne béi segbót bè yó kem tau hguluk bélê le.

2 Tutul Israél 19:7

Dwata dé hol knikò ye, ne hol ten-gama ye yóm nmò ye, abay se bè Dwata kun yóm Dwata hol gónó tekuy mogot, là kóen móyô du yóm kukum là tedengen, ne ke wen nfi ye, ne ke wen gel nwa ye mò wa nawa ye.”

1 Pitér 2:13

Lemwót bè yóm deng klolò ye yóm gónó tekuy mogot, bê ye nulé yó kem udin lem benwu ye. Hol nimón ye yóm tau hol geta bélê ye.

2 Kurin 7:1

Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

1 Tutul Israél 29:24

Tódô kdê yó kem genlal ne yó kem kmandér, ne yó kem ngà Dabid logi, gotu le hogot bè Selumun.

Tekang Kbuten 16:9

Monen mò du yóm hógów Dwata, “Budi mulék ebè yóm libun amohem Saray ne holi heglaan béléen.”

2 Kurin 5:11

Ne lemwót bè yóm deng ketngón me du yóm angat kdà tekuy bè solu yóm gónó tekuy mogot, yó gónón wen klikò me du. Yó gónó me hotu du gel me mit kem tau anì baling le hemtahu. Gotu tngón Dwata yóm kum kmò, ne kóyóu ke gotu tngón ye snéen kuy.