Ifisus 5:17 - Udél Dwata: Gna Kesfasad ne Lomi Kesfasad

¹⁷ Bê ye hungel dé. Hol hnebel ye yóm kóyóen bélê ye yóm gónó ye mogot.

Ifisus 5:17 Referans Kwoze

Sulat Pol Ebè Yó Kem Tau Hemtahu Bè Rom 12:2

Bê ye abay lolò kul kmò yó kem tau là hemtahu le lem nim benwu ni. Hesfili ye ke Dwata yóm kehedem ye anì gtukul ye ke tedu yóm kun kóyô bélê ye, ne ke tedu yóm hyu ne yóm tedeng ne yóm mò gónón hligal.

1 Tisalunika 5:18

Kihu mefet bélê ye, hyu duhen ke là hyuhen, senged nóm kdóyón ye ke Dwata. Yó se yóm hol kun kóyô bélê ye Dwata bè yóm deng kessotu ye bè Krays Jisas.

Kulasi 1:9

Yó gónóm mon, lemwót bè yóm kungol me du yóm kehtahu ye, là kóen skó yóm tendo gel kni me bélê ye bè Dwata. Yó gel hni me béléen anì hol hetngónen kuy yóm kun kóyô, hlanen bè yóm khulung hedem ne yóm khulung milô gel blayen tekuy yóm kun Tulus.

Ifisus 5:15

Duhen yó, hol gel tenngel ye kmò ye. Hol dnalang ye kmò yóm tau hulung hedem. Bê ye lolò kul kmò yó kem tau là hulungen hedem.

1 Pitér 4:2

Yó gónóm mon, lenwóten ni ne efet kukol towok ye, yake hol nô bè nawa ye mò du yóm kun kóyô bélê ye Dwata. Bê ye abay bud nmung yó kem sidek knóyô lówó tau.

Kulasi 4:5

Hol ye hfulung mò du yóm hyu bè yó kem tau là dengen hemtahu. Eles tnana ye ke wen lan ye mò du.

Kun Snulat Jan 7:17

Yó se tau móyô mimón yóm kun kóyô Dwata,” monen, “dilóen ke lemwót bè Dwata nim toloku ni duhen ke tódô lenbuu.

Kem Lingón 111:10

Yóm klikò le ke Dwata, yó se hol buten yóm khulung le hedem. Yóm kdê tau mimón du, wen ofol le du yóm kimón le yó. Bê tekuy nmò sónen yóm kdóyón tekuy du.

Kem Udél Hlalak Tehe Selumun 14:8

Yóm khulung tau milô hetngón du du yóm kun kmò kekdol, okóm yóm tau book, gsukat bè ksalà kehedemen.

Kem Udél Hlalak Tehe Selumun 2:5

Ke ni se yóm kmoem du, yó he kegetnefem du yóm klikò ke Dwata ne ktonem du yóm kesetngón ke Dwata.

Dwata 4:6

Hol ye hteneb mimón du yó kem kun hlau yó. Ke ni se nmò ye, angat gfan bè yó kem tólóng tau bè dumu benwu yóm tey khulung ye hedem ne khulung ye temnef. Ke gungol le yó kem hlau Dwata ni yó angat mon le, ‘Tey le hulung hedem yó kem tey tau wen yó ne hulung le temnef.’

Kem Udél Hlalak Tehe Selumun 23:23

Hol nwahem bè nawahem yóm tahu ne béem glus, senged se yóm khulung hedem ne ketngón ne khulung temnef.

Kem Lingón 119:27

Tnóbóngem o anì hol tngónu lanen yó kem hlauhem, senflósu hemdem du yó kem hentaw ton gel nmoem.