Ifisus 5:16 - Udél Dwata: Gna Kesfasad ne Lomi Kesfasad

¹⁶ Tnana ye hemlel mò du yóm hyu nim igoen tolo wen kdaw ye mò du, abay se tey dê tau mò sidek ni kmoen ni.

Ifisus 5:16 Referans Kwoze

Kulasi 4:5

Hol ye hfulung mò du yóm hyu bè yó kem tau là dengen hemtahu. Eles tnana ye ke wen lan ye mò du.

Amus 5:13

Yó gónóm mon là bud le gudél yó kem tau hulung hedem, yakà ni du yóm kdawen alì sidek.

Kun Snulat Jan 12:35

Bnalà Jisas lu, bede hningónen, monen, “Là buden legen ne knóen lem blóng ye yóm layag. Tnana ye hloni edu, kô gafiten yu kifu. Yóm tau mógów lem kifu, là kô tonen du gónón e solu.

Ifisus 6:13

Yó gónóm mon, géhél dikót ye ne yó kem ngom sfatay deng blay Dwata kuy anì laen dù gmò Seitan bélê ye ke bangen muluk kuy. Bà nô kegen Seitan tô ma kuy, là kô ye na a ghudul.

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

Kehedem Tau Tmolok 12:1

Duhen yó, hol hentulónem nawa yóm Dwata tehe mifil kóm yóm igoem tolo lomi tau. Hol nadatem gu laanem là deng tuha. Abay se ke dengi tuha laen kô dù bud kligalem bè klowilem.

Sulat Pol Ebè Yó Kem Tau Hemtahu Bè Rom 13:11

Hol dnalang tekuy yóm kesbong nawa, abay se deng duhen ni ne yóm bang kebtik tekuy. Bè kbut yóm kehtahu tekuy, tolo mima he yóm kkól Jisas. Okóm ni, deng tey moni ne.

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Glasya 1:4

Yóm Krays, deng tódô hamaen yóm kun klowil bè salà tekuy anì wen lan tekuy gewà gu lem yó kem sidek gel nmò yó kem tau là hemtahuhen ni kmoen ni. Bè yóm katayen yó, tódô nmungen yóm kun kóyô Dwata, yóm Mà tekuy.

1 Kurin 7:26

Bè dou kehedem du, bè nim tey dê gónó tekuy meflayam ni, hyu se yóm tau ke là dogen myehen.

Kem Lingón 37:19

Laen kô gónó le glayam bè klowil le anien ke sidek benwu. Ne anien ke mbel tey bitil bong, sal gel wen gónó le ma.

Ifisus 6:15

Yó henged tlumfà tekuy, duhen yóm tendo gel ktulón tekuy yóm Tulón Hyu gónó tau mit sefyu ebè Dwata.

Kehedem Tau Tmolok 11:2

Hdéem gónóm e mólól du yóm blayem, abay se là kô tngónem du ke wen sidek sut elem benwu hulin kdaw.

Tekang Kbuten 29:7

Yó mon Jakub mò kul, “Tolo tahà he kdaw, là deng uras ye mit kul mulék he yó kem ubiha ye, mò ye là géhél hinum kul du anì bud hótób ye lu?”

Danyél 2:8

Yó bud balà yóm tau hol geta kul, monen, “Tngónu se tô hnelen ye, abay se tngón ye hol tahu dohò yóm deng monu yó koni.

Matyu 25:17

Ne bud lemwót se kun yóm mogot lewu libu. Ngangen hból yóm kun efet bud lewu libu se uléken.