Ifisus 5:12 - Udél Dwata: Gna Kesfasad ne Lomi Kesfasad

¹² Yóm nmò gel lenimun le yó kem tau yó, tey bong kenyak semtulón du.

Ifisus 5:12 Referans Kwoze

Ifisus 5:3

Lemwót bè yóm deng kbaling ye kun tau Dwata, là kóen hyu ke mò ye samuk, duhen ke nmò ye yó kem dumu nmò gónó hemyak knô, duhen ke seglom ye. Balù olo bè kestulón du yó kem yó, bê tekuy abay gbót du.

Sulat Pol Ebè Yó Kem Tau Hemtahu Bè Rom 2:16

Duhen yó, ni se kmoen bè yóm kdaw angat kehkukum Dwata ke Jisas Krays yóm kdéen tau. Angat knukumen yó kem deng tehe nmò le, balù yó kem gebnos. Ni se hol nô lem yóm Tulón Hyu gel nwitu.

Jirimaya 23:24

Laen kô dù tau gbek hembnos dou,” mon Dwata. “Tódô tfengu longit gónóhu nô ne tódô tfengu tonok.

Kehedem Tau Tmolok 12:14

Gotu knukum Dwata kdê yó kem gel nmò tekuy, hyu duhen sidek. Balù yó he kem nmò gebnos, gotu knukumen.

2 Samwél 12:12

Yakà deng lifut nmoem du yóm kóm salà, okóm yóm ktafaku kóm, tódô nmou kemdaw anì gotu ton yó kem kdê tau Israél.’ ”

Deng Hegfan 20:12

Ne tonu se yóm kdéen tau deng tehe matay, yó kem tau hol geta kólen bè yó kem olo leneken, gotu le mdà bè solu yóm bangkù sminang bukay yó. Ne omin le lemungkà yó kem bok. Ominen bud wen sotu bok lenungkà le, duhen yóm bok lowil. Ne yó kem tau deng tehe matay, gotu knukum Dwata lu lemwót bè yóm tehe gel nmò le, yóm deng snulat le bè yó kem bok lenungkà le yó.

1 Pitér 4:3

Geblaen ne yóm kmò ye du yó kem sidek gel nóyô yó kem tau là temngón ke Dwata. Tehe gel nmò ye yóm gel hemyak knô. Tehe nmung ye yó kem sidek knóyô lówó. Ne lel ye tehe gel hlengel, ne dê sidek nmò ye lemwót bè klengel ye. Ne dê sidek tehe nmò ye bè yóm klolò ye yó kem dwata kéng.

Kem Udél Hlalak Tehe Selumun 9:17

“Tey mnóm minum du yóm él hennagaw ne tey mnóm se yóm gel kenem bè gónón gebnos.” Ni se koni yó kem udélen mgoy yóm kbook.

Ifisus 5:11

Bê ye abay genbóy kul kmò yó kem tau tolo nô bè gónón kmifu, yakem wen se gónón e kól yóm nmò le yó. Hyu dé ke nwit tekuy lu elem yóm gónón lemayag.

Ifisus 5:13

Okóm ke deng le kól lem layag, yó he kegfanen bélê le ksideken yóm gel nmò le.