Ifisus 5:11 - Udél Dwata: Gna Kesfasad ne Lomi Kesfasad

¹¹ Bê ye abay genbóy kul kmò yó kem tau tolo nô bè gónón kmifu, yakem wen se gónón e kól yóm nmò le yó. Hyu dé ke nwit tekuy lu elem yóm gónón lemayag.

Ifisus 5:11 Referans Kwoze

Sulat Pol Ebè Yó Kem Tau Hemtahu Bè Rom 13:12

Ke hlingónu du, hol lómón ke móyónen mwas ne. Yó gónóm mon, hol kó tekuy ne yó kem sidek gel nmò tau lem gónón kmifu, tles nmò tekuy yóm hyu. Yóm hyu, hol lómón ke ngom sfatay eles nwit tekuy lem gónón lemayag.

1 Timuti 5:20

Olo kóm ke tahu wen se gónón teklé yóm tau yó, tódô benkas bnólówem lem blóng yó kem dumuhen hemtahu anì eles wen klikò yó kem dumun hemtahu.

2 Tisalunika 3:6

Yu kem dumu me setwoli, nim hlolò me kuy ni, hlan me bè boluy yóm gónó tekuy mogot Jisas Krays. Hol bê ye abay mung bè yó kem dumu ye hemtahu ke mduk le, ne ke kenbê le yóm tehe hlolò me kuy.

Sulat Pol Ebè Yó Kem Tau Hemtahu Bè Rom 16:17

Ni hol monu mò kuy, kem dumuhu setwoli, hol ten-gama ye yó kem tau tô senkla le yóm kessotu nawa ye, ne gel senbeweg le yóm kehtahu ye, lel le gel semkuya yóm tahu tolok deng gel gungol ye. Yó kmò ye kul, tódô ye hlayuk bélê le.

Deng Hegfan 18:4

Ominu mungol yóm sotu mudél gu bè longit, monen, “Ó kem dou tau, mdó ye du ne yóm benwu yó. Hol bê ye abay gbót bè yó kem sidek nmoen anì là gomong ye bè yó kem glumfaken.

Taytus 2:15

Hol tolokem kul ni kem ni. Hol gendufem lu mimón, ne bnólówem lu ke wen gónó le teklé, yakà wen kóm kwalis mò du. Ne béem nmò yóm gónó le kemfê kóm.

2 Tisalunika 3:14

Ke wen tau bè yó là mimón du yóm deng mon me lem nim sulat ni, hol tenngel ye ke tau du, ne bê ye bud slomong béléen anì dilóen là hyuhen yóm kun nmò.

Sulat Pol Ebè Yó Kem Tau Hemtahu Bè Rom 6:21

Tulón ye do kun, wen kô ofol ye du yó kem sidek tehe nmò ye gónó ye myak? Yó nefeten yóm nmò ye yó, duhen hatay.

2 Timuti 4:2

Hol béem tenflok tmulón du yóm Udél Dwata. Tnanahem hból du nim kmoen ni, kihu ke hnungol le duhen ke là. Hol heglilebem kul yóm là tedengen. Bnólówem ke wen gónó le tlas, ne hol gendufem lu bè kehtahu le. Hol hanayem nawahem tmolok kul.

2 Timuti 3:5

Ya mo kmung le sbung bè simbahan du, okóm là kô le himón. Béi hegbool bélê le kóm.

Glasya 6:8

Bud lómón yó se yóm nmò tekuy. Ke tódô loloen kun knóyô yóm tau, angat gutahen hatay laen dù sónen. Okóm ke loloen yóm kun kóyô yóm Tulus Dwata, angat gutahen klowil laen dù sónen.

Kem Udél Hlalak Tehe Selumun 29:1

Yóm tau là kenmónen du yóm kbólów du ne mom temnù kgel kuluhen wen glumfak mekto sut béléen ne là kô bud lowilen du.

Kem Udél Hlalak Tehe Selumun 13:18

Baling élél ne henyaken knóen yóm tau là kenmónen yóm kehlau le du, okóm yóm tau kenmónen yóm kbólów le du, megdóyón.

Hlolò 19:17

Bê ye senmò knutó nawa kem dumu ye. Ke uu yóm sotu tau knutó nawahen gu lem kem dumun, yó nmoem miti sefyu béléen bè yóm gónó ye seglius anì là gemsalai bè Dwata lemwót béléen.

1 Tisalunika 5:7

Abay se ke sok kifu, gel le henga yó kem tau, ne gel le hlengel snéen.

Kun Snulat Luk 3:19

Balù Gubérnor Hirod, sana kbólów Jan du yóm lanen malaw ke Hirudiyas, yóm yehen twolihen. Ne tey dê he yó kem dumu sidek nmò Hirod eddoli.

Ifisus 5:7

Hol bê ye abay mung bélê le yó kem tau gel mò sidek yó.

Ifisus 4:22

Yó gónóm mon, hol kó ye dé yóm gna nmò ye tganay, yóm gel mit kuy mò sidek. Yóm nmò ye yó, megtondo ye du, mom hensideken knô ye.

Kem Udél Hlalak Tehe Selumun 25:12

Yóm kbólów yóm tau deng hulung hedem tey bong muhen bè yóm tau mimón senta yóm tising blówón megélék.

Kem Lingón 141:5

Mom hyu he ke yó dmofì do yóm tau tedeng kmoen. Wen gónón hyu béléu se yó. Ke wen bnólów le béléu, hol lómón ke henged bulung bè lówóhu. Hol tnóbóngem o anì là gekbéu du. Okóm sónmou gel mni du bè Dwata anì hensengen yóm sidek gel nmò le, ne anì hensengen se yó kem tau mò du.

Tekang Kbuten 20:16

Omin Abimélék beklil ebè Sara, monen mò du, “Ngem, ni wen lemibu botù blówón bukay blayu ke logihem mò gónó le hemtahu du yóm kdê tau mung kóm yóm klaen dù sidek deng nmou béléem ke mò gónóm myak, ne anì là hendem le du béléem snéen yóm sidek.”

Kem Udél Hlalak Tehe Selumun 19:25

Lemwót bè yóm ktafak le du yóm tau heklabak gónón baling hulung milô se kun yóm tau là dengen ngelem kehedemen. Ne ke bnólówem yóm tau hulung temnef temnù ketngónen.

Kem Udél Hlalak Tehe Selumun 15:12

Yóm tau gel semdekà là kóen móyô bnólów ne là se kóen halak bè yóm tau hulung hedem.

Matyu 18:15

“Ke wen gónón gemsalà béléem yóm dumuhem hemtahu, tódói mógów ebéléen, ne sentulón ye són yu lewu ye yóm salaen béléem. Ke hnungolen uu, bud mulék hyu yóm keswè ye.

Jirimaya 15:17

Là kô deng namau du udasu bè yó kem dumu tau bè yóm gel kehligal le. Lemwót bè kimónu yóm hmoem dou, laen kô dù dumuhu balù sotu. Ne gele lembut bè yó kem sidek gel nmò le.

Kem Udél Hlalak Tehe Selumun 1:31

Yó gónóm mon, guta ye bunguhen yóm ungel ye ne glayam ye du.

1 Timuti 6:5

Tendo mit skaf stulón bè yó kem tau là buden btol kehedem le, là bud lolò le du ne kul yóm ktahuhen. Bè kul kehlan du, yóm kul kehtahu mò lan baling kwasa.

Kem Udél Hlalak Tehe Selumun 1:10

Ó Man, béem nmung ke tô n-goy le uu yó kem tau gemsalà.

Kem Udél Hlalak Tehe Selumun 28:4

Yó kem tau là nimón le du yóm hlau Dwata mom dóyón le yó kem tau gel mò sidek, okóm ke nimón le yóm hlau Dwata kenbê le yóm tau gel mò sidek.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Ifisus 5:12

Yóm nmò gel lenimun le yó kem tau yó, tey bong kenyak semtulón du.

1 Timuti 5:22

Béem lenangaf mélék tau mò malak bè simbahan. Déke wen gónón teklé, gomongi myak béléen. Hol nmoem yóm nmò laen dù belenen.