Ifisus 4:9 - Udél Dwata: Gna Kesfasad ne Lomi Kesfasad

⁹ Na, tedu se koni hol lanen yóm monen “haway etta” yó? Yó lanen, deng tehe lemwót gu tta ne mógów edini talak tonok.

Ifisus 4:9 Referans Kwoze

Kun Snulat Jan 3:13

Laen kô dù tau ke deng mógów ebè longit, tek són yóm Ngà Tau, ne ditu se kun gónó gu lemwót.

Matyu 12:40

Bè yóm tlu buteng Juna nô lem blutut yóm tey utón bong lem mohin, yó hnigaden yóm tlu butengen angat nô lem lebeng yóm Ngà Tau.

Kun Snulat Jan 6:33

Yóm ken blay Dwata, duhen yóm tau hógówen lemwót gu bè longit mò gónó le mowil kem tau lem benwu.”

Kem Udél Hlalak Tehe Selumun 30:4

Tau du de deng gu bè longit bè yóm gónó Dwata nô? Tau du de deng semtifun yóm lenos lem hólólen? Tau du de deng hmunges nes yóm él? Tau du de deng mò gónón gkilil yóm benwu? Tedu de boluyen ne boluy yóm ngaen logi? Tulón ye do ke tngón ye?

Kem Lingón 63:9

Yó kem tau tendo malu hmatay dou, angat le mógów ebè yóm benwu yó kem tau deng matay.

Hibru 2:9

Okóm deng ton tekuy Jisas. Bè yóm tehe knóen te tonok, hlun heglaan Dwata bè yó kem gel hógówen gu bè longit anì fen na a matay bè kdéen tau. Yó se mò lan Dwata tmóbóng kul. Okóm ni kmoen ni, deng ton tekuy yóm tey kehegeta Dwata du, ne yóm tey kadat le du lemwót bè yóm keglayamen bè yóm katayen bélê tekuy.

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Kem Lingón 8:5

Bè yóm tehe kifilem tau, tek udì yóm gónóm là hsenged du béléem. Deng tey kehegetahem du, ne tey kadatem du.

Tekang Kbuten 11:5

Omin Dwata yó mnaul elaan nan e hnénég yóm syudad ne yóm gónô geta nbut hdà yó kem tau.

Hibru 2:7

Deng hlun heglaanem lu bè yó kem gel hógówem gu bè longit. Tehe oluhem kul yóm kegeta le, ne yóm kadat le kul,

Kun Snulat Jan 8:14

Bnalà Jisas lu, monen, “Balù yóm ktulónu du yóm dou knô, laen kô dù kéng du, hono tahu. Abay se tngónu gónóhu gu lemwót ne tngónu snéen yóm gónóhu e solu. Okóm kuy, là kô tngón ye du.

Kun Snulat Jan 6:62

Mò kmoen se ke ton ye khawayen ebè yóm tehe gónóhen gu lemwót yóm Ngà Tau?

Kun Snulat Jan 6:58

Duhen ni, yóm ken tulónu kuy ni, ni se yóm ken lemwót gu bè longit. Bede là mkélen bè yóm ken tehe gel ken yó kem fù tekuy ekni. Balù yóm kken le du, senged gotu katay le snéen. Okóm yó se tau mken yóm ken monu ni, angat gutahen yóm klowil laen dù sónen.”

Kun Snulat Jan 6:51

Ou se yóm ken lemwót gu bè longit mò gónó ye mowil. Ke wen tau mken du nim ken monu ni, angat gutahen yóm klowil laen dù tul sónen. Yóm ken monu ni, duhen yóm dou lówó. Angat hamau mò gónó le mowil kdéen tau bè klamangen benwu.”

Kun Snulat Jan 6:41

Lemwót yó kem tau, deng mom gotu senlón le Jisas yóm kmonen du, “Ou se yóm ken lemwót gu bè longit.”

Kun Snulat Jan 6:38

Là kô yó du lewótu gu bè longit ke naw e nmò yóm dou knóyô. Okóm yó hol dou nógów anì nmou yóm kun kóyô yóm hógów dou.

Isaya 44:23

Hol ye hligal mensag dé, yu kem longit seglafin. Ne yó kem tonok seglafin etlaan, mensag ye. Dalang se kuy kem bulul ne kdê yó kem koyu dlag, hol ye hligal mensag. Deng hegfan Dwata yóm kegetahen bè kehewaen yó kem kun tau Israél.

Kem Lingón 139:15

Bè yóm tehe kenoku lem blutut yê bè gónón kmifu tek sotuhu deng sana tonem ou.

Kehewà 19:20

Mnaul elaan Dwata eta yóm Bulul Sinay ne tnabahen eta yóm bulul yó Musis. Tahu se, bud mneged Musis.