Biblia Todo Logo
Bib sou entènèt

- Piblisite -




Ifisus 4:8 - Udél Dwata: Gna Kesfasad ne Lomi Kesfasad

8 Lómón yóm tehe monen bè Sulat Dwata, yóm monen, “Bè yóm tehe khawayen etta bè yóm gónón hol geta, gotu nwiten yó kem tey tau wen negefen. Ne bè yó kem kun tau, wen kenhulung blayen kul.”

Gade chapit la Kopi




Ifisus 4:8
7 Referans Kwoze  

Bè yóm kegdekem ta bè yóm bulul geta yó, Dwata, tey kem tau negef nalakem mung kóm. Wen tey basa slong le kóm yó kem tau, balù yó kem tau deng matù kóm, sana kwen kul basa kóm. Duhen ni, deng nô lem blóng tekuy bè ni yóm sana kut Dwata hol gónó mogot.


Ne bud bè tum tehe katay Krays bè kros, yó se gónón mkó du bè Seitan yóm kun kfasang, ne yóm kul kfasang yó kem dumu mtulus deng genlal Seitan. Gotu hegfanen bè gónón wen yóm deng katuen bélê le.


Timbow le kól bè Siklag le Dabid, lemwót yó kem dumu deng negef le hwiten ebè yó kem ween malak bè Juda. Yó udél hmungen du, monen, “Ni se basahu kóm lemwót bè yó kem deng negef me bè yó kem tau hohon Dwata.”


Yó gónóm mon, wen tey ken bong nmò Sérksis bè Istér, gotu tinoken kdê yó kem tau genlalen ne kdê yó kem tau wen hogoten kul. Gotu heglalagen bè yó kem prubinsya nogoten anì gbót le hligal béléen bè yóm kdaw yó ne wen tey kem basa blayen snéen.


Hebtiki kut, Dibura, feni tukô kut gna. Hebtiki kut, tukói kut gna mung du lingónem. Yó ne, Barak ngà Abinuam logi, hebtiki se kóm. Nitem hlayuk yó kem tau deng negefem.


Tau du de deng gu bè longit bè yóm gónó Dwata nô? Tau du de deng semtifun yóm lenos lem hólólen? Tau du de deng hmunges nes yóm él? Tau du de deng mò gónón gkilil yóm benwu? Tedu de boluyen ne boluy yóm ngaen logi? Tulón ye do ke tngón ye?


Bud du se koni gónón e gbak yóm tulón le yóm “kwen kenhulung blayen bè yó kem tauhen.” Wen se kem tau néléken mò aposol. Ne tólóng se tau néléken mò tugoden. Tólóng se gel hógówen mò tmolok bè yó kem tau là dengen hemtahu he. Bud tólóng se tau néléken mò malak yó kem tau hemtahu ne mò fen gel tmolok kul.


Swiv nou:

Piblisite


Piblisite