Ifisus 4:7 - Udél Dwata: Gna Kesfasad ne Lomi Kesfasad

⁷ Yóm kdê tekuy, sal wen kenhulung blay Krays tekuy yóm ket tekuy na sotu. Yóm blayen tekuy yó, tódô lemwót bè yóm kun kóyô bélê tekuy.

Ifisus 4:7 Referans Kwoze

Sulat Pol Ebè Yó Kem Tau Hemtahu Bè Rom 12:3

Yóm deng kélék Dwata do gónón wen kwalisu mon du mò kuy yóm kdê ye, bê ye abay nmò uléhen yóm kwit ye du yóm kenhulung ye abay se Dwata yóm bemlay du kuy.

1 Pitér 4:10

Wen kenhulung deng blay Dwata kuy, yóm ket kuy ne sotu, ne tey dê kayen yóm kenhulung blayen yó. Yó muhen yóm deng blayen kuy yó mò lan ye tmóbóng kem dumu ye tau. Yó gónóm mon, hol hninggel ye mit du yóm kenhulung deng blayen kuy.

Ifisus 3:2

Déke deng gungol ye ne yóm deng ksigang Dwata du tahu nim nmò ni mò gónóhen tmóbóng kuy.

Ifisus 3:8

Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.

Matyu 25:15

Tódô hogoten kul yóm bang kul gbek. Yó hogoten yóm tanayen, limu libu filak tahu blówón. Ne yó hogoten yóm tmodol, lewu libu. Yó hogoten yóm getluhen, lemibu. Ominen yó lemwót.

Kun Snulat Jan 3:34

Yóm tau hógów Dwata yó, udél Dwata tulónen, abay se tódô sù Dwata béléen yóm kun Tulus.

2 Kurin 6:1

Duhen yó, lemwót bè yóm deng keseglomong me mò nmò bè Dwata se kum, yó gónó me mon du mò kuy, hol bê ye abay hningay yóm któbóng Dwata kuy.

Hibru 2:4

Ne ke Dwata kun, bud du se gemtanud du yóm ktahuhen yóm gel tulón le hlanen bè yó kem tey dê hentaw ton hmoen kul, lelen wen yóm kenhulung lemwót bè Tulusen tódô blayen bè yó kem tau deng néléken.