Ifisus 4:32 - Udél Dwata: Gna Kesfasad ne Lomi Kesfasad

³² Yó tles nmò ye dé yóm kehyu kmò ye ebè kem dumu ye, ne yóm keskodu ye. Hol ye gel mahil seflifót, lómón yóm tehe kehlifót Dwata yóm kuy salà hlanen bè Krays.

Ifisus 4:32 Referans Kwoze

Mark 11:25

Bè yóm gel kni ye bè Dwata, ke tolo mokol nawa ye yóm salaen bélê ye yóm sotu tau, yake tódô hol hnifót ye. Ke yó se nmò ye, angat hnifót yóm Mà tekuy bè longit se yóm kuy salà.

2 Kurin 2:10

Ke deng hnifót ye salà yóm tau yó, hnifótu snéen do. Bè yóm kehlifótu du, ke wen tô hnifótu se dou, tódô nmou bè solu Krays anì bud baling hyu lem blóng ye.

Ifisus 5:1

Lemwót bè yóm deng kbaling ye kem ngà hol gónóhen nô nawa Dwata, hol dnalang ye dé yóm kun kmò.

Kun Snulat Luk 6:35

Okóm kuy du,” mon Jisas. “hol kenbong ye nawa yó kem hohon ye, hol henyu ye kmò ye ebélê le. Ke hutóng ye, bê ye bud snolò. Ke lómón se ni gel nmò ye, tey angat ofol ye, ne angat ngaen yu yóm Dwata alì geta bè kdéen. Abay se yóm Dwata, balù yó he kem tau laen dù nawa skodu bélê le ne yó kem tau sidek nmò le, ewenem sana tey kkoduhen kul.

Kun Snulat Luk 6:37

“Bê ye abay tódô hendeng kul kmò kem dumu ye tau,” mon Jisas, “anì là tódô hendeng Dwata du se yóm kuy kmò. Bê ye abay tódô tnuled kem dumu ye ke wen salà le anì là tódô tnuled Dwata kuy. Hol hnifót ye kem dumu ye ke gemsalà le bélê ye anì hnifót Dwata se yu ke wen kuy salà.

1 Kurin 13:4

Ke wen kesbong tekuy nawa, kaem manay nawa tekuy bè kem dumu tekuy, ne hyu kmò tekuy ebélê le. Là kô nmò tekuy du yóm sélés nawa ne yóm heklabak ne yóm kehegmón.

Kun Snulat Luk 17:4

Baluen he ke hitu duléken gemsalà bélê ye yóm sendaw, ne ke hitu duléken se hegsel bélê ye, tódô hnifót ye.”

Matyu 6:12

Hol hnifótem kum kem salà me, lómón yóm gel kehlifót me yó kem tau gemsalà bélê me.

Kem Lingón 145:9

Tey hyu kmò Dwata ebè yóm kdéen tau, ne tey kkoduhen kul yóm kdê deng nmoen.

1 Jan 2:12

Yó gónóhu smulat ebélê ye ni, kem ngà, abay se là bud snolò Dwata du bélê ye ne yó kem salà ye lemwót bè yóm deng nmò Krays bélê ye.

Sulat Pol Ebè Yó Kem Tau Hemtahu Bè Rom 12:10

Kdê ye deng hemtahu, hol ye sbong nawa. Hol ye gel sadat.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.

2 Kurin 2:7

Tódô hnifót ye ne, ne ten-gel ye nawahen se kun anì là gehlós sidek kegnómen du, kô mom lana kehtahuhen.

Sulat Jim 5:11

Tódô tngón tekuy wen tey kligal le lemwót bè yóm kegbek le hbala. Deng gungol ye ne yóm tey kegbek Job hbala ekni, ne tngón ye se yóm tey któbóng Dwata du kogolen, abay se yóm gónó tekuy mogot, tey bong kkoduhen tau.

2 Kurin 6:6

Sotu bud hemblat du yóm ktau me tóbóng lówó Dwata, duhen yóm klaen dù bolen sidek yóm gel kmò me, ne yóm deng hol ketngón me du yóm gel tolok me, ne yóm kanay nawa me bè yó kem tau, ne yóm kganag nawa me ebélê le. Sotu bud hol hemblat du, duhen yóm kbeyenen bélê me yóm Tulus Dwata, ne yóm tahu kbong nawa me kuy.

Kun Snulat Luk 11:4

Hol hnifótem kum salà me, yakà gel hnifót me du yó kem tau gemsalà bélê me. Ne béem bayà mi ebè yóm tilów mgel.’ ”

Kun Snulat Luk 1:78

Tey kkoduhen tekuy Dwata. Angat heknasen yóm kifu anì ton tekuy yóm lan tekuy gewà gu lem hatay.

Kem Udél Hlalak Tehe Selumun 19:22

Yóm keseglom tau yó se yóm hemyak du ne mom hyu he yóm élél senta yóm mò kéng.

Kem Udél Hlalak Tehe Selumun 12:10

Yóm tau tedeng kmoen tilob kesegyoken yó kem ógófen, okóm yóm tau gel mò sidek sidek kógófen.

Kem Lingón 112:9

Là sgafas nawa le bemlay yó kem tau élél. Yóm kehyu nmò le laen kô dù tau kmifót du. Tey mbegel ktau le, ne tey kadat le du kem dumuhen.

Rut 2:20

Yó mon Numi, “Tey, Dwata he hol tmóbóng ke Buas, yóm Dwata sal tendo gel dnohoen yóm fasaden yó kem tolo mowil, dalang se tu kem deng matay.” Ne bud wen tulónen ke Rut, monen, “Yóm tau yó, tey moni kdumu tekuy du ne là móngóhen ke du fen semgyok kut.”

2 Pitér 1:7

Ne bè yóm kgulit ye yó, hol bud hmung ye du yóm kbong nawa ye kem dumu ye hemtahu. Ne bè yóm kbong nawa ye kem dumu ye hemtahu, hol homong ye yóm kdéen tau.

Kul Nmò 28:2

Tey khódó le kum yó kem tau menwu bè yó. Kendel le hbong bélê me ofi mò gónó me mnalang, bà mon tey tnaw, lel kulón.

2 Samwél 7:21

Lemwót bè kóm kóyô wen fasadem do, ne deng gotu nmoem ni kem tey tennga ni, ne deng gotu hetngónem do.

Kem Udél Hlalak Tehe Selumun 19:11

Yóm khulung tau hedem bemlay du kanay nawa, ke gemsalà le béléen yó kem dumu tau tódô hnifóten, yó se gónón megdóyón.

Jirimaya 38:12

Yó udél Ibid-mélék ebè Jirimaya, monen, “Suem bè imakem nim nes ni anì là desen yóm fét.” Tahu se, nmò Jirimaya.