Ifisus 4:31 - Udél Dwata: Gna Kesfasad ne Lomi Kesfasad

³¹ Gotu kó ye yóm ksidek knawa ye bè kem dumu ye, ne yóm sidek knóyô lówó, ne yóm ksukeg nawa. Hol bê ye abay bud gel sefetê ne semdekà. Kó ye lem hendem ye yóm kessutó nawa.

Ifisus 4:31 Referans Kwoze

Kulasi 3:8

Okóm ni, gotu kó tekuy kdéen sidek. Kó tekuy ne yóm kesefebut ne yóm ksunget ne yóm ksutó nawa. Hol bê tekuy abay hebtang bè sumóng te yóm udél semdekà, ne yóm udél là mólósen.

1 Pitér 2:1

Ke deng ye baling kun ngà Dwata, duhen yó hol kó ye yó kem sidek gel nmò ye. Bê ye tmulón kéng. Bê ye nmò yóm tulón wen lafinen. Bê ye gel sélés nawa. Bê ye abay henwog kem dumu ye.

Sulat Jim 1:19

Ni mò hendem ye, kem dumuhu sogot nawa. Yake hol ye hulung hmungol, yóm ket kuy na sotu. Bê ye tódô fà mudél, ne bê ye gel mahil lembut.

Kulasi 3:19

Ne yu kem logi deng myehen, hol kenbong nawa ye yó kem kuy tuha libun, ne bê ye abay hkosut knawa ye ebélê le.

Sulat Jim 3:14

Okóm yóm tau tendo wen élés nawa lem hendemen lelen seglom, béen abay hton salù bè yóm kwen ketngónen yóm tau yó.

Ifisus 4:26

Ke wen lenbut ye, ten-gama ye anì là gwiten kuy mò salà. Bê ye hkól bè kesdef kdaw yóm kebut ye,

1 Jan 3:12

Bê ye dnalang yóm tehe nmò Kain yóm kun tau Seitan, bnonoken twolihen Abél. Moen de ke bnonoken? Abay se là tedengen yóm gel nmoen, fen tedeng kun nmò yóm twolihen.

Kem Lingón 101:5

Là kô tódô bayau du kul yóm gel ktifù le kéng bè kem dumu le sebét ne yó kem tau heklabak ne kem tau hegeta knô.

Sulat Jim 4:11

Ó kem dumuhu setwoli, bê ye abay gel sentulón kem dumu ye. Ke gel sentulón ye kem dumu ye hemtahu, duhen ke tódô gel hendeng ye kul kmò, hol lómón ke senlón ye ne hen-gnok ye yóm hlau Dwata. Ke ni se nmò ye, sélét mom tô lolò ye ne yóm hlau Dwata. Kéng tô yu mom baling geta senta Dwata.

Kem Udél Hlalak Tehe Selumun 26:20

Matay yóm ofi ke laen dù snuken lómón se yó yóm keteflok yóm kesbólów ke laen dù tau lemnek ksumóngen.

Taytus 1:7

Yakà kun nmò du Dwata yóm nkemen nim tau malak bè simbahan ni, yó gónón là hyu ke wen gónó le gemsanil du. Là hyuhen ke nélékem yóm tau hton salù, yóm kosut knawahen, yóm gel hlengel, yóm tau sunget, yóm tau seglom bè filak.

1 Timuti 3:11

Kólen bè yó kem yehen le, hol sneb kul snéen ke libun hyu kmò le, ne ke là gel sentulón le kem dumu le, ne ke là hlengel le, ne ke laen dù kéng nmò le.

2 Kurin 12:20

Wen tey tnafa nawahu bélê ye. Tnafa nawahu ke kóle dyó, déke wen tonu bélê ye yóm là nóyóu du. Ke tahu se yóm yó, déke angat wen se ton ye béléu yóm là nóyô ye du se kuy. Yó tnafa nawahu, kô tonu bélê ye yóm skuya mon, ne yóm sélés nawa, ne yóm sefebut, ne yóm seglom, ne yóm sefnê, ne yóm kenek ksumóng ye, ne yóm kehegmón ye, ne yóm kesbeweg ye.

1 Kurin 14:20

Bè ni kem tulónu kuy ni koni, kem dumuhu setwoli, bê ye abay heskél yóm kuy kehedem bè knawa ngà. Yó dé dnalang ye bélê le yóm là khulung le matul mò du yóm sidek. Okóm bè yóm kmò kehedem ye du nim toloku kuy ni, yake kehedem tau tmuha dé kehedem ye du.

Kem Udél Hlalak Tehe Selumun 29:22

Són moen mit sbólów bè kem dumu tau yóm tau sunget ne yóm tau gel mahil lembut tey dê gónón gemsalà.

Kem Udél Hlalak Tehe Selumun 14:17

Yóm tau sunget tey mahil kmoen ungel ne yóm tau hulung matul mò du yóm sidek knutó nawa kem dumun.

Kem Udél Hlalak Tehe Selumun 10:18

Mò kéng yóm tau hnalaen yóm kutó nawahen ke dumun. Ne yóm tau hensideken boluy kem dumun, book.

Kem Udél Hlalak Tehe Selumun 10:12

Yóm utó nawa tau tendo gónón lemwót yóm kesbólów, okóm yóm tau kenbong nawan kem dumun tódô hnifóten yó kem salà le.

1 Timuti 5:13

Déke knalam le sembad lem blóng gónô, hlós le lemfu. Là olon yó du, okóm hlós baling libun lemnek ksumóngen, dê snoloen, hbólen yó kem là hyu bud hból du.

Glasya 5:20

Ne lel le hemtahu bè dwata kéng, ne tey ksalig le bè imò le. Sónmò le sfohon ne sfatay. Gel le sélés nawa ne sefebut, ne tey dê sen-galu nawa le. Tey alì mahil mesgólól kehedem le.

1 Kurin 5:8

Duhen yó, bè yóm kken tekuy bè yóm Kdaw Khius, hol kó tekuy ke wen ken bali, duhen yóm dê gónó kuy gemsalà. Yake tles tekuy du yóm ken lomi, duhen yóm nawa laen dù belenen ne yóm kestulón laen dù kéngen.

Sulat Pol Ebè Yó Kem Tau Hemtahu Bè Rom 3:14

Tey gel kehlagi le kem dumu le.

Kem Udél Hlalak Tehe Selumun 25:23

Yóm kdohò yóm lenos nbol kulón lemwót fi gu bwak lómón se yó kdohò kebut tau du yóm tau lemnek ksumóngen.

Kem Udél Hlalak Tehe Selumun 18:8

Yóm udél yóm tau lemnek ksumóngen lómón ke ken alì mnóm, tey le beyen mungol du yó kem tau.

Kem Udél Hlalak Tehe Selumun 6:19

Gnemen yóm tmifù kéng ne ghituhen yóm tau hesfatayen kem dumu tau.

Kem Lingón 140:11

Hol béem abay hdengen lu yó kem tau mò kéng bè nim benwu me. Hol wen he hlayam hgefetem bélê le yó kem tau alì lóbô.

Kem Lingón 64:3

Tey telem dilak le, hol lómón ktelem yóm sudeng sbalà bak. Yóm kdes yóm udél le, hol lómón kdes yóm bak hanak gónó matay.

Kem Lingón 50:20

Tendo ye seyón sentulón ye yó kem kuy dumu. Tendo tnifù ye kéng yóm dumu ye sulil-lem.

Kem Lingón 15:3

ne là sidek kbaken ebè kem dumuhen. Laen kô dù sidek nmoen bè yó kem ween, ne là gel sentulónen kem dumuhen sebét.

2 Samwél 19:27

Tódô hnulu Siba yóm tulónen kóm. Okóm, tngónu hol lómón ke uu yóm hógów Dwata. Yó gónóm mon, tódô nmoem béléu yóm hyu béléem.

Tekang Kbuten 37:4

Timbow ton yó kem twoguhen yóm alì kbong nawa mà le ke Jusif senta yóm kbong nawahen kul, deng mom knutó nawa le Jusif, sónmò le hemskong du.

Tekang Kbuten 27:41

Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

Tekang Kbuten 4:8

Sotu kdaw bè yó, mon Kain mò ke Abél yóm twolihen, “Na te slomong ebè tniba dé kemdaw ni.” Tahu se. Tikóng le deng kól ditu bè tniba, tódô kento Kain demlu yóm twolihen ne hnatayen.

Deng Hegfan 12:10

Ne tódô gungolu se yóm tey mudél gu bè longit, monen, “Deng duhen ni se kehtohen yóm kdaw kehewà Dwata yó kem kun tau. Deng hegfan Dwata ne yóm kun kfasang mogot yóm klamangen. Deng gfan snéen yóm kun kwalis yóm kun Misaya, yóm deng tehe néléken. Yakà deng tudà le ke Seitan etlaan. Du se tendo tehe gel dmelem bè solu Dwata yó kem tau hemtahu. Tódô seflós kdaw ne kifu tendo gel kdelemen kul.

1 Jan 3:15

Yóm tau ke tendo mutó nawahen kem dumuhen, lómón ke deng monok. Ne tódô tngón ye là kô gutahen du klowil laen dù sónen yóm tau monok.

Taytus 2:3

Dalang se yó kem libun deng malay knawa le, hol nmò le se kul yóm gónó le madat kul yó kem dumu le. Bê le abay tódô sentulón kem dumu le. Bê le abay hlengel. Yakà bélê le du gónó le dmalang du yóm hyu yó kem libun lomi myehen.

2 Timuti 2:23

Okóm béi abay mung du kóm yó kem skuya mon, yakem wen se muhen. Yó olo nefeten, són mit sgés bè kem dumu.

1 Timuti 3:3

là hlengelen, là kosut nawan, okóm tau ganag nawahen ne menek nawahen, là són bè kgutahen filak gónón nô nawahen.

Kul Nmò 21:30

Bè yóm kesbeweg le yó, gefet bè yó kem dumu tau bè klamangen Jirusalim, omin le gotu mlóy etu. Tódô sensogot le Pol, ne senkteng le ete klósól yóm Gónô Dwata, ne henmung tnikeb le bengen.

Jirimaya 6:28

Tódô kdê le gotu kmogol do kem tau hensidek le boluy kem dumu le. Tey mgel kulu le lómó kgelen bala tók, lelen mahil bélê le mit kem dumu le mò sidek.

Kem Udél Hlalak Tehe Selumun 29:9

Laen dù gónón e kól yóm tau hulung hedem ke nwiten skukum yóm tau book abay se són moen mudél lembut ne hemnê kun yóm tau book.

Kem Udél Hlalak Tehe Selumun 19:12

Yóm klikò tau du yóm alì ksidek kebut yóm tau hol geta hol lómón klikoen du yóm ngel yóm gel mon le liyun. Okóm yóm kun kehyu nawa ebéléen yóm tau hol geta lómón kehyuhen bè bnes yóm amù.

2 Samwél 19:43

Okóm yó balà yó kem tau Israél yó kem tau Juda, mon le, “Semfu me bè sfolò tbong Israél se kum, bong yóm kum kwalis bè yóm tau hol geta senta ye. Ne moen se ke kenhisik ye mi? Igoen mi yóm gna semtulón du yóm bud khulék yóm tau hol geta.” Okóm alì sidek yóm udél yó kem tau bè Juda bè yóm keskuya le yó senta yóm kul udél yó kem tau Israél.

2 Samwél 13:22

Laen dù udél Absalum ebè Amnon bè yóm nmoen yó, abay se tey sidek kutó nawahen du bè yóm deng nmoen bè libunen.

Tekang Kbuten 37:21

Gungol Rubén yóm sensmon le yó ne bnólówen lu, monen, “Bê. Bê tekuy hnatay.

2 Timuti 3:3

Yó alì mò kul, laen dù nawa le ebè kem dumu le, balù udì ke wen keskodu le, gel sentulón le kem dumu le, tey kosut nawa le, mahil le hlóbô, mom kenbê le yóm hyu.

Jirimaya 9:4

“Elesi temgama bè yóm dumuhem sebét. Hol béem snalig yóm hol dumum sulil-lem. Yakà tódô kdê le du hulung smukat, ne kdê le sal gel tnulón le kéng kem wè le.

Kem Lingón 37:8

Bê te hegmung bè ktafa nawa, ne bê te hegmung bè lebut. Olohen mit kut elem sidek yó kem yó.

Ifisus 4:22

Yó gónóm mon, hol kó ye dé yóm gna nmò ye tganay, yóm gel mit kuy mò sidek. Yóm nmò ye yó, megtondo ye du, mom hensideken knô ye.

Ifisus 4:25

Duhen yó, hol bê tekuy abay bud mò kéng sen. Tódô gel tulón tekuy yóm ktahuhen bè kem dumu tekuy hemtahu, abay se deng kuy ssotu bè kun lówó Krays.