Ifisus 4:30 - Udél Dwata: Gna Kesfasad ne Lomi Kesfasad

³⁰ Bê tekuy nmò gónón blat nawa yóm Tulus Dwata. Yó gónó Dwata hemnô du bélê tekuy yóm Tulusen mò ilô yóm kfunen tekuy, ne yóm kdohò yóm kehewaen tekuy elem hulin kdaw.

Ifisus 4:30 Referans Kwoze

1 Tisalunika 5:19

Hol ye gel temgama anì laen dù gónón gseng ebélê ye yóm Tulus Dwata.

Isaya 63:10

okóm deng mom natù yó kem tauhen ne tey sidek keheblat le nawa yóm Tulus Dwata. Yó gónó Dwata deng mom hmohon kul ne niten lu sfatay.

Tekang Kbuten 6:6

tey keblat nawahen bè yóm tehe kmoen kul ne yóm kehnóen kul talak tonok. Lemwót bè yóm tey kegselen,

Kul Nmò 7:51

Henlós Stéfén kudélen, monen, “Tey bong mgel kulu ye yóm yu. Là kóen nô bè nawa ye yóm kimón ye ke Dwata. Là kô dog hnungol ye du yóm udél Dwata, mo ye mom hbokong. Hol ye mkél bè yó kem tehe fù ye ekni. Ke wen tô tulónen kul yóm Tulus Dwata, deng mom nseng le klingu le.

Sulat Pol Ebè Yó Kem Tau Hemtahu Bè Rom 8:23

Là són du lu gemnóm du nim ni, okóm tekuy snéen kem tau hol gónóhen nô yóm Tulus Dwata, yóm hol tanay basa Dwata tekuy lemwót bè yóm alì kehkoso tekuy yóm kdaw kehegfan Dwata du yóm deng kngaen tekuy, ne yóm kehlomihen yóm lówó tekuy.

Sulat Pol Ebè Yó Kem Tau Hemtahu Bè Rom 8:11

Ke deng nô bélê ye yóm Tulus Dwata tehe hlowil ke Jisas gu lem hatay yó, bud du angat bud hlowil yóm tau deng matay.

Mark 3:5

Bè yóm ketngel Jisas ebélê le, tey kebuten kul. Okóm nô bè yó se klayuk nawahen kul, abay se dilóen bélê le yóm tey kgel kulu le ne yóm klaen dù keskodu bélê le. Ominen bud haking ebè yóm tau kimoy sigelen, monen mò du, “Ó Wè, bentolem sigelem.” Ne tahu se, bentolen, ne hol lómón ke laen dù tehe desen.

Isaya 43:24

Okóm kuy, laen kô insinsu benli ye ne là se hegsengel ye nawahu bè tóbô yó kem ógóf ye mò hkekeb ye ebéléu. Okóm mom henblat ye nawahu lemwót bè yó kem salà ye. Tey kehtakas ye dou lemwót bè yó kem nmò ye là tedengen.

Kem Lingón 78:40

Deng hilu dulék le ne là mimón ke Dwata bè yóm benwu laen hol wen tauhen, ne tendo heblat le nawahen bè yóm benwu laen hol wen tauhen.

Tekang Kbuten 6:3

Yó gónó Dwata mudél, monen, “Là bude móyô ne ke henlósu htahà klowil le yó kem tau, yakà olo le tau te tonok. Lenwóten ni ne, laen dù bélê le ke gulé bè 120 halayen.”

Isaya 7:13

Bè yóm kungol Isaya du yóm mon Ahas yó, yó udélen, “Yu kem tau semfu gu bè yóm tehe Dabid, hol hnungol ye dé yóm balau du yóm mon Ahas yó. Ó Ahas, deng tey sidek kehtakasem kul yó kem tauhem, okóm milud he ksideken yóm nmoem yó abay se Dwata yóm htakasem.

Kem Lingón 95:10

Botong fat folò halayen kegenu lembut kul, botong monu, ‘Hono kem tau tlas kehedem le. Là móyô le mimón du yó kem hlauhu kul.’

Hibru 3:10

Yó se gónóhu alì lembut kul, ne yó gónóhu mon du, ‘Hono kem tau tabag kehedem le yóm kdê le, mom kenbê le yóm dou hlolò kul.’

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Hibru 3:17

Tau du de yóm tau lenbut Dwata bè fat folò halayen? Yó se kem tau mò sidek, yó kem tau tódô matay lem yóm benwu là hyu menwu du.

1 Kurin 15:54

Sok deng senfili Dwata tekuy, ne deng benlayen tekuy yóm lomi lówó là buden matay, yó se gónón e dohò yóm deng monen bè Sulat Dwata, yóm monen, “Laen kô dù bud hatay ne, abay se deng nmò Dwata sónen.

Husiya 13:14

Sawang tô nsoku lu gu lem lebeng? Book. Sawang tô lenwau lu gu lem hatay? Là. Ó hatay, gotu heglumfakem kul yóm kdê hlayamem. Ó lebeng, hol hnikoem lu. Laen dù bud koduhu kul ne yó kem tau yó.

Kun Snulat Luk 21:28

Ke sok nbuten sut ni kem tulónu kuy ni hol ye hbegel ne temngel ye ebè Dwata, yakà dengen móyón moni yóm kegewà yu.”

Kun Snulat Jan 3:33

Okóm yó se tau hemmóyô du, bud du se hemblat du yóm hol ktahuhen yóm mon Dwata.

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.