Ifisus 4:29 - Udél Dwata: Gna Kesfasad ne Lomi Kesfasad

²⁹ Béen sidek kbak tekuy. Són yó dé olo mon tekuy yóm hyu, són yóm udél wen gónón gemtóbóng kem dumu tekuy, yóm udél hol gemduf kul, mò gónó le dmalang. Yó dé olo benkó tekuy yóm udél wen muhen bè yó kem tau hmungol tekuy.

Ifisus 4:29 Referans Kwoze

Kulasi 4:6

Hol gel hninggel ye kmò kestulón ye bélê le anì wen gónó le beyen hmungol kuy. Hol tekuy hfulung malà kul ke wen snólók le.

1 Tisalunika 5:11

Duhen yó, hol ye gel setgel, ne hol ye gel stóbóng, lómón yóm gel nmò ye nim kmoen ni.

Kem Udél Hlalak Tehe Selumun 15:7

Hbólen yóm ketngón yóm kun kudél yóm tau hulung hedem, okóm fen là kun yóm tau book.

Kem Udél Hlalak Tehe Selumun 12:13

Gholot lemwót bè kun ksidek kudél yóm tau gel mò sidek, okóm yóm tau tedeng kmoen gewà gu lem hlayam.

Matyu 5:16

Yake lómón yó se gel kmò ye bè yóm kuy layag. Hol nmò ye yóm hyu anì ton kem dumu tau, ne anì dóyón le yóm Mà tekuy bè longit.”

Kem Udél Hlalak Tehe Selumun 16:21

Gel mon le tau hulung milô yóm tau hulung hedem ne lemwót bè khulungen hemtilob kudélen gónón gbóy tau.

Isaya 50:4

Yóm Dwata hol dandónen geta gónóhu mogot, du se tmolok du dou yóm hyu mò udélu anì ten-gelu yó kem tau deng alì sidek kliteg le. Tódô ket hlafus gel benlayen ou óyô hmungol du yó kem nóyô toloken dou.

Kem Lingón 52:2

Knoyungem kdaw tendo matul du yóm kmò keglaem tau. Tey telem yóm udélem, lómón ktelem yóm gel ki le. Teyi hulung mò kéng.

Kem Udél Hlalak Tehe Selumun 15:23

Hyu nawan yóm tau ke knóón kbalaen udél sotu tau ne ke gmonen yóm udél segtón ebè yóm nmò.

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

Kun Snulat Luk 4:22

Tódô kdê le gotu beyen hmungol du. Tey keseftaw le du yóm klinggel yó kem udél gel btang gu bè sumóngen, mon le, “Igò sem ni du yóm ngà Jusif.”

Kem Lingón 5:9

Yó kem hohonu, laen kô dù tahu tulón le. Són hendem le kmò keglà le kem dumu tau. Tey sidek yó kem udél le, hol lómón ke boo tau matay deng bolok. Yóm kudél le tey mnóm, bede hono sukat mit hatay.

1 Pitér 3:1

Senged se kuy kem libun deng myehen. Hol gel nimón ye tuha logi ye, anì yó ke wen bélê le là hemtahu du yóm Udél Dwata, angat gwit ye lu tódô hemtahu lemwót bè yóm kton le yóm hyu kmò ye, baluen ke là bud wen udél ye ebélê le.

Ifisus 4:16

Lemwót bè yóm kalaken tekuy yóm kdê tekuy mò lówóhen, yó se gónón hol ssotu nawa tekuy mò du yóm kun nmò. Ne hlós baling setgel yóm lówóhen lemwót bè yóm kestóbóng tekuy. Ke tilob kmò tekuy du yóm hmoen tekuy yóm ket tekuy na sotu, tendo lemnok yóm lówóhen yó, ne baling mbegel lemwót bè yóm kesbong tekuy nawa.

Ifisus 4:12

Yó gónó Krays mò du nim ni anì kdê tekuy kem tau Dwata, gbek tekuy mò du yóm hmoen kut, ne anì sónmoen temnù yóm kehtahu tekuy yóm kdê tekuy deng baling kun lówó Krays.

Kem Lingón 71:24

Snilefu kdaw tendo tmulón du yóm tey ktedeng yó kem gel nmoem, yakà deng le gotu mulék myak ne slaf yó kem tau tô malu hmatay dou.

Kem Lingón 45:2

Uu se, yóm hol knóón logi bè kdéen. Yó kem udélem, hono gemtóbóng bè kem dumuhem, abay se laen kô tul sónen yóm tendo któbóng Dwata kóm.

2 Pitér 2:18

Tey le hulung mudél, okóm laen dù lemen. Gel hegbóy le yó kem tau hanà lomi kmogol du yó kem knóyô lówó. Yóm kehegbóy le kul, hlan le bè yó kem sidek knóyô lówó le.

1 Kurin 14:19

Ewenem yó, bè yóm gel ksimba tekuy, mom hyu he ke tek limu udélu ebélê ye bè yóm ktoloku kuy, syan ke tngón ye lanen. Hyu yó senta yóm hilu libu udélu bè yóm udél là tngón ye du lanen.

Sulat Pol Ebè Yó Kem Tau Hemtahu Bè Rom 14:19

Duhen yó, hol sen-galu tekuy mò yóm gónón menek nawa tekuy bè kem dumu tekuy, ne yóm mò gónó tekuy setgel bè kehtahu tekuy.

Sulat Pol Ebè Yó Kem Tau Hemtahu Bè Rom 15:2

Yake gel hegna tekuy ke wen gónó tekuy tmóbóng yó kem dumu tekuy hemtahu anì wen gónón temnù kehtahu le se kul.

Kun Snulat Jan 1:37

Bè yóm kungol le du yó kem lewu gel lemolò ke Jan yóm monen yó koni, tódô le kendel mung huli ke Jisas.