Ifisus 4:28 - Udél Dwata: Gna Kesfasad ne Lomi Kesfasad

²⁸ Yóm tau tehe gel mnagaw, hol tenfloken yóm knagawen yó, béen bud nmò. Tódô hol hteneb mò nmò dé anì wen gónón ma klowilen, ne anì wen lukasen mò blayen bè yó kem tau élél.

Ifisus 4:28 Referans Kwoze

1 Timuti 6:18

Yó dé hyu ke hol tnóbóng le yó kem dumu le tau. Yóm gel któbóng le kul yó, yó se henged kendengen le. Yake hol tnóbóng le yó kem tau élél.

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

Kehewà 20:15

Bê ye abay mnagaw.

Sikaraya 5:3

Ominen mon du mò do yóm hógów Dwata yó, “Deng snulat lem nim klatas mból ni yóm hmulà Dwata yó kem tau bè klamang benwu Juda. Snulat bè doli yóm klatas yó, angat gotu hdó Dwata lu bè yóm benwu ni yóm kdéen tau mnagaw ne bud snulat bè dolihen, angat gotu hdóhen lu snéen bè yóm benwu ni yóm kdéen tau smafà kéng.

Kun Snulat Jan 12:6

Yóm udél Judas yó, là kóen lemwót bè kkoduhen yó kem tau élél, okóm du se tau mnagaw. Du se fen gel mogot yó kem filak gel gastu le, ne wen se tódô gel tensob nwahen.

Kun Snulat Luk 19:8

Okóm ke Sakiyus kun, bè yóm tolo knô le bè gónóen, tódô mdà, monen mò ke Jisas, “Ó Sér, angat gotu hensóólu yó kem kendengenu mò blayu yó kem tau élél. Ke wen tau deng tehe lenugihu, fat duléku he angat bud hulék du béléen yóm deng nwahu béléen.”

Husiya 4:2

Gel ye hemmulà ne mò kéng ne monok, lel ye mnagaw ne mdà yehen. Tendo wen sfatay bè klamang benwu ye ne tódô sogot tau sbonok.

Jirimaya 7:9

Igò ye gel mnagaw ne monok ne mò samuk. Gel ye smafà kéng ne deng ye mom demsù ebè Baal ne deng ye mom tmaba ebè yó kem dwata là deng kuy hnikót tngón du.

Kehewà 20:17

Hol bê ye abay nófô gónô kedumu ye. Bê ye abay nófô yehenen duhen ke kem heseken duhen ke kem safien duhen ke kem kudaen duhen ke yó kem dumu nfunen.” Yó se yóm sfolò hlolò Dwata yó kem tauhen.

2 Kurin 8:12

Abay se ke lemwót bè but blutut ye yóm keblay ye, hligal du Dwata. Là kô nan e ktes du bélê ye yóm là gbek ye du, okóm yó dé kóyóen ke hol blay ye yóm són kuy gbek.

2 Kurin 8:2

Balù yóm alì ksidek yóm keglayam le, mom temnù he yóm tey kligal le. Lemwót bè yóm tey kligal le, tey bong yóm gel blay le bè yó kem dumu le hemtahu, balù yóm tey kélél le se kul.

Sulat Pol Ebè Yó Kem Tau Hemtahu Bè Rom 12:13

Hol gel tnóbóng ye kem dumu ye hemtahu ke wen gónó le élél se kul. Hol ye gel hmódó ke wen tau milo sut bélê ye.

Kun Snulat Jan 13:29

Ofo kul mon du ke wen ken na a hebli Jisas ke Judas mò kul ken bè yóm mò ken yó, duhen ke wen nan e heblay du bè yó kem élél, abay se Judas se yóm fen gel mogot filak bélê le.

Kun Snulat Luk 3:8

Ke deng knogol ye yó kem sidek gel nmò ye, hol hegdilô ye bè kmò ye. Ne bê ye abay tô ken-gel nawa yóm kesfu ye gu bè yóm tehe Abraham. Tódô tulónu kuy, balù ni he kem botu nii, botong gbek Dwata hembaling du tau mò semfu gu bè Abraham.

Kem Udél Hlalak Tehe Selumun 30:9

Déke alì wen gónóhu ma ne mom knogolu u ne monu laen dù muhu kóm. Senged se ke éléle déke gnagawe ne henyaku u Dwata.”

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Kem Udél Hlalak Tehe Selumun 14:23

Yóm tau mò nmò sal gel wen gutahen, okóm yóm tau olon beyen stulón yó se mit du élél.

Kem Udél Hlalak Tehe Selumun 13:11

Tey mahil se kgotuhen yóm kendengen là gnayam du, okóm yóm kendengen gnayam balù ket na udi kaem mból.

Kem Udél Hlalak Tehe Selumun 21:26

Yóm tau lemfu són ófô yóm tendo nô bè nawahen, okóm yóm tau tedeng kmoen là kóen segafas keblayen.

Kem Udél Hlalak Tehe Selumun 31:20

Là kóen sgafas nawahen ebè yó kem tau élél ne gel benlayen yó kem tau là deng wen gónón ma.

1 Kurin 4:12

Tey gel kmò me nmò anì wen gónó me ma klowil me. Sok wen gel hemmulà kum, mom gel hni me lu bè Dwata. Sok wen gel hemsidek kum, tódô kem henbala me.

Taytus 3:8

Hono tahu nim monu mò kóm ni. Yó hol kóyóu ke hol tulónem kul ni kem ni anì henlel le mò du yóm hyu yó kem tau deng hemtahu bè Dwata. Yóm hyu gel nmò le yó, tey bong muhen bè kdéen tau.

Taytus 3:14

Yó kem dumu te deng hemtahu bè yó, yake hol le hfulung mò du yóm hyu anì duhe kóm wen lan le gel tmóbóng yó kem dumu tau laen bang genbek le. Là hyuhen ke là wen muhen yóm klowil le.