Ifisus 4:26 - Udél Dwata: Gna Kesfasad ne Lomi Kesfasad

²⁶ Ke wen lenbut ye, ten-gama ye anì là gwiten kuy mò salà. Bê ye hkól bè kesdef kdaw yóm kebut ye,

Ifisus 4:26 Referans Kwoze

Sulat Jim 1:19

Ni mò hendem ye, kem dumuhu sogot nawa. Yake hol ye hulung hmungol, yóm ket kuy na sotu. Bê ye tódô fà mudél, ne bê ye gel mahil lembut.

Kem Lingón 4:4

Béi hegsalà mlan bè kebutem. Nahem gel hendem suloy buteng, béi tagad mudél.

Kem Lingón 37:8

Bê te hegmung bè ktafa nawa, ne bê te hegmung bè lebut. Olohen mit kut elem sidek yó kem yó.

Kem Udél Hlalak Tehe Selumun 14:29

Yóm tau là mahilen lembut tey hulung temnef, okóm yóm tau sunget mahil gemsalà.

Kem Udél Hlalak Tehe Selumun 19:11

Yóm khulung tau hedem bemlay du kanay nawa, ke gemsalà le béléen yó kem dumu tau tódô hnifóten, yó se gónón megdóyón.

Matyu 5:22

Okóm ni dou tulón kuy, yóm tau ke lenbuten kem dumuhen, angat nwit le bè kukum. Yóm tau ke monen bè yóm dumuhen, ‘Laen dù muhem tau kóm,’ angat nwit le ebè yóm tau gel hemdeng knukum yóm tau yó. Ne yóm tau ke monen bè yóm dumun, ‘Nungeli. Laen dù muhem tau,’ deng golu elem lanaw ofi ne yóm tau mudél yó.

Mark 3:5

Bè yóm ketngel Jisas ebélê le, tey kebuten kul. Okóm nô bè yó se klayuk nawahen kul, abay se dilóen bélê le yóm tey kgel kulu le ne yóm klaen dù keskodu bélê le. Ominen bud haking ebè yóm tau kimoy sigelen, monen mò du, “Ó Wè, bentolem sigelem.” Ne tahu se, bentolen, ne hol lómón ke laen dù tehe desen.

Lista 20:24

“Là kóen gefet edu kun ke Aron yóm benwu deng tehe fasadu yó kem tau Israél. Bang kukol towoken ne kun abay se yóm lewu ye, là kô dog nmò ye du yóm hlolou kuy bè yóm knô ye bè Miriba.

Mark 10:14

Timbow ton Jisas nim nmò le ni, botong lenbuten lu, monen mò kul, “Heflós ye lu edini yó kem ngà yó, bê ye abay henseng lu. Abay se yó kem tau nogot Dwata, hol le mkél bè knawa ni kem ngà lómón ni.

Kem Udél Hlalak Tehe Selumun 25:23

Yóm kdohò yóm lenos nbol kulón lemwót fi gu bwak lómón se yó kdohò kebut tau du yóm tau lemnek ksumóngen.

Kehewà 11:8

Yó hol són udél Musis bè Faro, monen, “Ni kem kdê genlalem angat le mógów ebéléu, mtud le bukol bè soluhu ne nubug le o anì gotu nitu lu hlayuk yó kem dou tau. Ne tahu se, lemwóte bè yóm kdaw yó.” Omin Musis tódô tmagak ke Faro bè yó, tey sidek kebuten.

Sulat Jim 1:20

Abay se ke deng ye lembut, là kô ne ye e gmò du ne yóm tedeng kun knóyô Dwata.

1 Samwél 20:34

Tódô hebkó mdà Junatan, tnagaken yóm lemisa botong kebuten ne sendawen là mken lemwót bè ksidek kegnómen du bè yóm sidek nmò maen bè Dabid.