Ifisus 4:25 - Udél Dwata: Gna Kesfasad ne Lomi Kesfasad

²⁵ Duhen yó, hol bê tekuy abay bud mò kéng sen. Tódô gel tulón tekuy yóm ktahuhen bè kem dumu tekuy hemtahu, abay se deng kuy ssotu bè kun lówó Krays.

Ifisus 4:25 Referans Kwoze

Kulasi 3:9

Bê tekuy abay gel mò kéng, yakà deng kó tekuy tum tehe gna klowil mahil mò sidek.

Sikaraya 8:16

Okóm ni mò hol nmò ye, ke wen gel tulón ye bè kem dumu ye, són tulón ye yóm tahu. Bè gónô skukum, hol hentedeng ye kkukum ye anì menek nawa ye.

Kem Udél Hlalak Tehe Selumun 12:22

Tey keklit Dwata du yóm tau tmulón kéng, okóm yóm tau gel tulónen yóm ktahuhen tey kligalen du.

Sulat Pol Ebè Yó Kem Tau Hemtahu Bè Rom 12:5

Senged snéen bélê tekuy. Deng tekuy ssotu bè kun lówó Krays, ne tódô ket sotu bélê tekuy sal tólóng kun nmò. Ne lemwót bè yóm deng kessotu tekuy bè kun lówó Krays gónóhen wen hentngón tekuy bè yó kem dumu tekuy. Ne ket sotu bélê tekuy wen mu tekuy du kem dumu tekuy.

Ifisus 4:15

Okóm tólóng se bélê tekuy. Lemwót bè yóm kesbong tekuy nawa, yake hol tulón tekuy yóm ktahuhen. Ngangen efet gulit tekuy yóm kun kmò knawa Krays, yóm gónó tekuy kmulu.

Kem Udél Hlalak Tehe Selumun 12:17

Yóm tau gel mutóm yóm ktahuhen sal tahu ke wen tifuen, okóm yóm tau tmifù kéng smukat nmoen.

Kem Udél Hlalak Tehe Selumun 8:7

Sok fes yóm tulónu hono ktahuhen, yakà teyen sidek keklitu du yóm kéng.

Kem Udél Hlalak Tehe Selumun 12:19

Laen kô dù tul sónen yóm udél tahu, okóm yóm udél kéng tek likóten.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

1 Timuti 4:2

Ni kem tolok ni, fen hból yó kem tau hulung mò kéng, tau hulung smukat. Bè yóm deng alì kegedlug tendo kmò le kéng, yó se mit kul là bud dmilô du yóm tahu.

Hlolò 19:11

Bê ye abay mnagaw. Bê ye abay smukat. Ne bê ye abay mò kéng.

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.

1 Timuti 1:10

ne yó kem tau smamuk, yó kem logi sefdóyón honon lu, dalang se kem libun sefdóyón honon lu, yó kem tau kemfô dumuhen tau, yó kem tau mò kéng, ne yó kem tau tmifù kéng, ne yó kem tau mò du yóm dumu nmò là segtónen ebè yóm tahu tolok.

2 Kurin 7:14

Deng tehe gel dóyónu yu béléen snéen dou ekni, ne tahu se, bud tonen bélê ye se kun. Hono tahu se yóm tehe gel tulón me kuy ekni, ne hol lómón yó se yóm deng tulónu ke Taytus, hono tahu.

Taytus 1:12

Bong tahu se yóm tehe mon yóm sotu tau lemwót bè yó bè Krit, yóm tau kul tugod bè kul hentahu, yó monen, “Mnawaw ni kem tau bè Krit. Hol gónón smala kéng, sidek balu le, tey bong kken le, lel le mduk.”

1 Kurin 10:17

Abay se tek sotu yóm mambang senkbéng tekuy yóm kdê tekuy. Bè yóm kken tekuy du yó, yó hnigaden yóm deng kessotu tekuy, balù yóm tey kwen tekuy, abay se tódô kdê tekuy gbót mken du yóm tek sotu mambang yó.

Kun Snulat Jan 8:44

Seitan yóm kuy mà ne tódô lolò ye yóm kun kóyô. Du se yóm hol sana monok lemwót bè hol kbuten. Là kóen tofi bè yóm ktahuhen. Hono kéng yóm kun, abay se yó se sana kun kmò, mò kéng. Hono kéng yóm gel tulónen. Du se hol gónón gu tembul kéng.

Sikaraya 8:19

“Yóm kfasting gel nmò ye bè gfaten bulón ne bè glimuhen bulón duhen ke bè ghituhen bulón ne bè gesfoloen bulón, là bud nmò ye du ne. Yóm gel kestifun ye bè kfasting ye yó ne bè klangag ye, angat baling kdaw kehligal ye mò kem bong kem tau bè Juda. Yó gónóm mon, henlom ye nawa yóm ktahuhen ne yóm gónón menek nawa ye.

Husiya 4:2

Gel ye hemmulà ne mò kéng ne monok, lel ye mnagaw ne mdà yehen. Tendo wen sfatay bè klamang benwu ye ne tódô sogot tau sbonok.

Isaya 63:8

Yó mon Dwata, “Lu se yó kem dou tau. Là kô na le e snukat dou.” Yó gónó Dwata lemwà kul

Kem Udél Hlalak Tehe Selumun 21:6

Yóm kendengen guta tau mlan bè ktulónen kéng tódô kmanas lómón keklanasen bulók kulón ne ni se gónón gholot e lem hatay.

Kem Udél Hlalak Tehe Selumun 6:17

Tanayen kehegmón. Glewuhen tmulón kéng ne getluhen yóm monok là duón.

Kem Lingón 119:29

Hol hlayukem o bè yóm lan là tedengen. Ne lemwót bè yóm tey kehyuhem, tolokem do yó kem hlauhem.

Kem Lingón 52:3

Alì henlom nawahem yóm sidek senta yóm hyu, ne yóm kéng senta yóm ktahuhen.

Ifisus 5:30

yakà deng tekuy baling hol kun lówó.

1 Bok Kem Tau Hol Geta 13:18

Okóm yó balaen du yóm tugod Dwata deng tuha yó, monen, “Tugode Dwata se do, lómón yóm kóm. Deng wen tulónen do yóm hógów Dwata, monen, ‘Nwitem ebè gónóem yóm tau Dwata anì henkenem ne hinumem él.’ ” Okóm kéng yóm tulónen yó.

Kem Lingón 15:2

Yó olo knóón, són yóm tau tendo mimón ke Dwata, ne laen dù belenen yóm gel nmoen, ne hono tahu yóm gel btang bè sumóngen, laen kô dù bool kestulónen,

Kem Udél Hlalak Tehe Selumun 24:28

Béem lenbù gbót tmifù yóm dumum ne béi se tódô lembù mò tulón etahen.

Ifisus 4:22

Yó gónóm mon, hol kó ye dé yóm gna nmò ye tganay, yóm gel mit kuy mò sidek. Yóm nmò ye yó, megtondo ye du, mom hensideken knô ye.

Ifisus 4:31

Gotu kó ye yóm ksidek knawa ye bè kem dumu ye, ne yóm sidek knóyô lówó, ne yóm ksukeg nawa. Hol bê ye abay bud gel sefetê ne semdekà. Kó ye lem hendem ye yóm kessutó nawa.

Kulasi 3:8

Okóm ni, gotu kó tekuy kdéen sidek. Kó tekuy ne yóm kesefebut ne yóm ksunget ne yóm ksutó nawa. Hol bê tekuy abay hebtang bè sumóng te yóm udél semdekà, ne yóm udél là mólósen.

Hibru 12:1

Yóm bélê tekuy, lómón tô deng gotu senibut le tekuy yó kem tau gnan yó ekni. Yó gónóm mon, hol kó tekuy yó kem gel hemseng yóm klolò te ke Dwata. Kó tekuy snéen yóm salà gónó tekuy gel gfét. Hol lómón yóm tau skuya mlóy, hotuhen són gelen anì gefet bè hol sónen.

Sulat Jim 1:21

Yó gónóm mon, hol kó ye yó kem kdê gel nmò ye là mólósen, ne yó kem dumu sidek gel nmò ye. Nimón ye Dwata dé, ne henmóyô ye yóm udélen deng hnóen lem hendem ye, kaem yó se gembek hegewà kuy gu lem hatay.

1 Pitér 2:1

Ke deng ye baling kun ngà Dwata, duhen yó hol kó ye yó kem sidek gel nmò ye. Bê ye tmulón kéng. Bê ye nmò yóm tulón wen lafinen. Bê ye gel sélés nawa. Bê ye abay henwog kem dumu ye.

Kmukum 16:11

Mon Samsun se, “Ke nfét le o tébéd hanà lomi, yóm là deng wen mfét du tódô monol yóm kgisu, lómón kgis yó kem dumu tau.”