Ifisus 4:23 - Udél Dwata: Gna Kesfasad ne Lomi Kesfasad

²³ Heflomi ye ke Dwata dé yóm knawa ye ne yóm kmò kehedem ye.

Ifisus 4:23 Referans Kwoze

Sulat Pol Ebè Yó Kem Tau Hemtahu Bè Rom 12:2

Bê ye abay lolò kul kmò yó kem tau là hemtahu le lem nim benwu ni. Hesfili ye ke Dwata yóm kehedem ye anì gtukul ye ke tedu yóm kun kóyô bélê ye, ne ke tedu yóm hyu ne yóm tedeng ne yóm mò gónón hligal.

Sulat Pol Ebè Yó Kem Tau Hemtahu Bè Rom 8:6

Ke són knóyô lówó gónón galak yóm tau, yó nefeten, hatay. Ke galak bè Tulus Dwata, yó nefeten, klowil laen dù sónen, ne wen kenek nawahen.

Kem Lingón 51:10

Ó Dwata, suem béléu yóm nawa laen dù belenen. Bud hnomihem dou kehedemu, ne blayem dou yóm là konol nawahu ebéléem.

Kulasi 3:10

Deng wen ne yóm lomi klowil tekuy lemwót bè Dwata. Ne yó nmò Dwata, tódô senflósen hembaling du nim lomi klowil tekuy ni efet te baling hol skél bè kun kmò, anì hol tilob kesetngón tekuy ebéléen.

1 Pitér 1:13

Duhen yó, hol sù ye bè nawa ye sen yóm kimón ye ke Dwata. Bê ye hningay. Hol ken-gel ye nawa yóm hyu angat blay Dwata kuy bè yóm kdaw kesfulék Jisas Krays edini.

Isikél 36:26

Angat wen lomi nawa blayu kuy ne suu bélê ye yóm óyô mò du yóm hyu. Kóhu bélê ye yóm nawa kembel, tlesu du yóm nawa gulit.

Taytus 3:5

Là kô bè kehyu kmò du gónón lemwà kut, okóm tódô lemwót bè yóm kkoduhen kut, hlanen bè yóm Tulus Dwata. Lómón ke denyohen tu yóm Tulusen. Yóm kedyohen kut yó, yó se yóm kehbalingen kut ngà Dwata, ne blayen kut yóm lomi klowil.

Isikél 18:31

Tenflok ye ne yóm là gel kimón ye do, hnomi ye kehedem ye ne knawa ye. Moen de ke móyô ye kendel matay, kem tau Israél?

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Sulat Pol Ebè Yó Kem Tau Hemtahu Bè Rom 6:4

Duhen yó, bè yóm kehbabtays tekuy, hol lómón ke deng tekuy gomong lebeng béléen. Yó gónó tekuy gomong bè yóm katayen anì gomong tekuy snéen bè yóm bud kehlowil Maen du gu lem hatay, ne anì homong benlay Dwata tekuy lomi klowil. Bè yóm tehe kehlowil Dwata ke Krays, yó gónó tekuy mton du yóm tey kegbek Dwata.