Ifisus 4:18 - Udél Dwata: Gna Kesfasad ne Lomi Kesfasad

¹⁸ Tódô kmifu lem hendem le. Laen kô dù kul du yóm lomi klowil deng blay Dwata. Là kô tngón le du yóm ktahuhen, abay se deng hgel le kulu le.

Ifisus 4:18 Referans Kwoze

Matyu 13:15

Abay se là móyô le dmalang ni kem tau ni, deng mom nseng le klingu le, deng le mom hidong. Ke bê le nmò yó dum yó, dilô le yóm gel ton le ne glileb le lanen yóm gel gungol le. Ngangen ne efet le mimón béléu,’ mon Dwata, ‘ne gotu hnifótu yó kem salà le.’

Ifisus 2:12

Bè yóm kdaw yó, tey ye mayuk bè Krays. Tólóng ye tau se kuy, là gomong ye bè yó kem tau tehe nélék Dwata mò hol kun tau. Ne laen kô dù kuy du yó kem tehe fasad Dwata kul. Olo ye kem beyen tau nô talak tonok yó dum kuy. Laen kô dù hendón nefet nawa ye, abay se là kô deng tngón ye ke Dwata.

Kun Snulat Jan 12:40

“Deng hbutô Dwata mata le anì là dilô le du yóm ton le. Deng hgel Dwata kulu le anì là glileb le du yóm gungol le. Là kô le móyô semfulék ebéléu,” mon Dwata, “anì hnifótu lu.”

1 Tisalunika 4:5

Bê ye abay gekteng du yóm nawa hdóyón, lómón yóm kul gel nmò yó kem tau là deng temngón ke Dwata.

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

Kulasi 1:21

Tehe yu ekni, tehe ye glayuk bè Dwata, ne tey tehe gel khohon ye du lemwót bè yó sem ksidek nmò ye ne ksidek kehedem ye.

1 Jan 2:11

Okóm ke gel knutóhen nawa kem dumuhen, tolo nô lem gónón kmifu he. Yóm tau ke mógów lem kifu, laen bang tngónen lan loloen, abay se kifu mit du là mton.

Glasya 4:8

Tehe yu ekni, yóm là deng ketngón ye ke Dwata, tey keghesek ye bè yó kem dwata kéng.

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Kul Nmò 17:30

Tehe yu ekni,” mon Pol, “là snolò Dwata du yó kem sidek nmò tau bè yóm klawi le là setngón ebéléen. Okóm nim kmoen ni, deng hnauhen yóm kdéen tau bè klamangen benwu anì hol knogol le yó kem sidek gel nmò le.

1 Kurin 1:21

Bè kun khulung hedem Dwata, là kô hlanen du bè kul ketngón kem tau tonok yóm kesetngón le ebéléen. Okóm yó gónón hlan du yóm kehewaen kul gu lem hatay, tódô lemwót bè yóm kehtahu le du yóm tulón nwit me, yóm gel mon le tulón laen dù muhen.

Sulat Pol Ebè Yó Kem Tau Hemtahu Bè Rom 2:19

Bè kuy kehedem du, yu fen malak yó kem tau butô ne yu henged layag yó kem tau tolo nô lem gónón kmifu,

Mark 3:5

Bè yóm ketngel Jisas ebélê le, tey kebuten kul. Okóm nô bè yó se klayuk nawahen kul, abay se dilóen bélê le yóm tey kgel kulu le ne yóm klaen dù keskodu bélê le. Ominen bud haking ebè yóm tau kimoy sigelen, monen mò du, “Ó Wè, bentolem sigelem.” Ne tahu se, bentolen, ne hol lómón ke laen dù tehe desen.

Danyél 5:20

Okóm lemwót bè yóm alì kehegmónen ne kehgelen kuluhen, yó gónó Dwata ma du béléen yóm kogoten benwu ne mkó du béléen yóm kegetahen.

Kem Lingón 74:20

Hol hentulónem nawa yóm kóm fasad kum bè yóm tehe kesfasad ye yó kem fù me, yakà dengen tey dê yó kem tau mò sidek bè yó kem gónón kmifu bè klamangen benwu.

2 Kurin 3:14

Ne yó kem tau Israél ekni, là kô glileb le du yóm hmò Dwata ke Musis lem blóng le, hol lómón ke wen seng bè kehedem le. Balù nim kmoen ni, sok gel senfala le yóm tehe hsulat Dwata ke Musis ekni, là kô glileb le du, abay se monem tolo wen seng bè kehedem le. Tek són bè yóm kessotu le bè Krays gónón mkó yóm seng yó.

Isaya 25:7

Ne angat tódô gotu heknasen yóm klangag lemobun eta yóm kdê tauhen bè klamangen benwu.

Kul Nmò 3:17

Tngónu se, kem dumuhu setwoli,” mon Pitér, “tódô óyô ye mò du bè Jisas yóm nmò ye béléen, là kô tngón ye du. Dalang se yó kem gónó tekuy galak, là kô tngón le du se kul.

Sulat Pol Ebè Yó Kem Tau Hemtahu Bè Rom 11:7

Ne duhen yó, là kô dog ton kem tau Israél du yóm hnebel le. Són olo mton du, són yó kem là wenen deng nélék Dwata. Bong yó kem dumu tau, baling le kembel, abay se là hnungol le du yóm taba Dwata kul.

1 Kurin 2:8

Nim ketngón Dwata ni, là kô glileb le du kul yó kem tau mogot benwu nim kmoen ni. Ke deng glileb le, là kô htutuk le du bè kros yóm gónó tekuy mogot tehe lemwót gu bè longit.

Ifisus 2:1

Yóm tehe yu ekni, lemwót bè yóm là kimón ye ke Dwata ne bè yóm kwen sidek gel nmò ye, yó se gónó ye deng golu elem hatay laen dù sónen.

Hibru 5:2

Yóm tau gel blóng le ebè Dwata yó, sal gel wen gónón lunog snéen kun. Yó gónóm mon, tey kganag nawahen bè yó kem dumuhen tau wen kul salà là gehedem le du.

Hibru 9:7

Okóm yóm gewu dfélen, tek sotu tau gusek elemen, tek són yóm tau hol geta bè yó kem gel demsù ebè Dwata, bede tek suléken husek elemen bè yóm sfalay. Ne là kóen na a gusek elemen ke là wen litô nwiten mò dsuen ebè Dwata. Yóm dsuen yó, mò lan Dwata hmifót yóm kun salà, dalang se yóm kul salà deng gmò yó kem dumu tau là gehedem le du.

1 Pitér 1:14

Hol nimón ye dé Dwata. Bê ye abay heskél yóm kmò ye bè yóm tehe tey dê nóyô ye gu laan ye là deng temngón ke Dwata he.