Ifisus 4:17 - Udél Dwata: Gna Kesfasad ne Lomi Kesfasad

¹⁷ Ni eles hetgamahu kuy hlanu bè boluy yóm gónó tekuy mogot. Bê ye abay bud nmò yóm kul gel nmò yó kem tau là tngón le ke Dwata. Yóm kul kehedem yó, laen kô gónón e kól.

Ifisus 4:17 Referans Kwoze

Sulat Pol Ebè Yó Kem Tau Hemtahu Bè Rom 1:21

Deng tngón le se yóm kwen Dwata, okóm là nadat le du ne là kô dog dóyón le du bè yóm gel któbóngen kul. Yó bunguhen yóm nmò le yó, tódô kmifu lem hendem le laen kô dù nefeten.

2 Pitér 2:18

Tey le hulung mudél, okóm laen dù lemen. Gel hegbóy le yó kem tau hanà lomi kmogol du yó kem knóyô lówó. Yóm kehegbóy le kul, hlan le bè yó kem sidek knóyô lówó le.

Kulasi 2:4

Yó gónóhu mon du mò kuy nim ni koni anì duhe kóm, là gtondo ye bè yó kem tau alì hulung mudél, okóm kéng yóm gel tulón le.

1 Pitér 1:18

Tódô tngón ye se yóm tehe ksok Dwata kuy lem yó kem nmò laen dù muhen tehe dnalang ye bè yó kem tehe fù ye. Yóm ksoken kuy yó, là kô kem kimu wen són le yóm soken tekuy, lómón ke filak.

Kul Nmò 20:21

Yó gel monu mò yó kem Ju dalang se yó kem tau là Ju le, monu, ‘Hol ye hegsel ne knogol ye ne yó kem sidek gel nmò ye, beklil ye ebè Dwata ne, ne hemtahu ye bè Jisas, yóm hol gónó mogot.’

Kul Nmò 18:5

Timbow gdek le Silas lewu le Timuti gu bè prubinsya Masdunya, són yó ne nmò Pol, són hetngón bè yó kem Ju yóm tulón nwiten, duhen Jisas se yóm Misaya.

Kul Nmò 14:15

tódô hendlà hgel le udél le, mon le, “Ó kem tau, moen de ke ni tô nmò ye? Olo me tau lómón kuy. Nim nógów me edini ni, na me e tulón kuy yóm Tulón Hyu anì gkogol ye ni kem dwata kéng laen dù genbek le, ne beklil ye ebè yóm Dwata mowil, yóm tehe dmimun longit ne tonok ne mohin ne kdéen ton.

Jirimaya 42:19

Ó kem dù tau tebel bè Juda, hol ye hmungol. Deng mon Dwata mò kuy, ‘Hol bê ye abay mógów ebè Idyip.’ Hol bê ye abay klifót nim eles hetgamahen kuy ni.

2 Timuti 4:1

Nim bud hlolou kóm ni, tngón Dwata ne tngón Krays Jisas. Du yóm angat kmukum yóm kdéen tau, yó kem tau tolo mowil senged se yó kem deng matay. Ne lemwót bè yóm angat bud kesfuléken edini mò mogot yóm klamangen benwu, ni se hol hlolou kóm.

1 Timuti 6:13

Wen hlauhu kóm, mungol Dwata yóm deng hlowil yóm kdéen, ne mungol Krays Jisas yóm hol tmulón du yóm ktahuhen balù yóm kdaen bè solu Pontyus Paylét.

1 Timuti 5:21

Gungol Dwata ni kem monu mò kóm ni, ne gungol Krays Jisas se kun, dalang se yó kem hógów Dwata nô bè longit. Hol nulitem ni kem hlolou kóm ni, ne béen mtukul henlom nawam.

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Kulasi 2:18

Hol bê ye abay hnungol yó kem tau hegeta le knô le bélê ye, lemwót bè yó kem tódô gel hegfan bélê le kun. Lu se yó kem tau alì dmuil hlolò du kuy yóm keheglaan knô là tahuhen lan le gel tmaba ebè yó kem hógów Dwata nô bè longit. Yó kem tau yó, olo le beyen hegmón laen dù lem. Tódô lemwót bè kehedem tau te tonok yóm nmò le yó.

Ifisus 4:22

Yó gónóm mon, hol kó ye dé yóm gna nmò ye tganay, yóm gel mit kuy mò sidek. Yóm nmò ye yó, megtondo ye du, mom hensideken knô ye.

Ifisus 1:22

Deng gotu hkamal Dwata ke Krays yóm kentihen. Ne du nmò Dwata mò hol gónó mogot yóm kdéen yó kem tau hemtahu béléen.

Glasya 5:3

Bud nulitu bélê ye yóm monu yó koni. Ke wen tau tô htulì anì tedeng kton Dwata du, là kóen hyu ke là tódô gotu loloen du yóm kdéen hlau.

Glasya 3:17

Yó hol lemen yóm monu. Yóm deng tehe fasad Dwata ke Abraham là kô bud nilihen du. Là kô yó du tles Dwata du yóm hlau tehe hsulaten ke Musis bè yóm fat latu bud tlu folò halay kogol yóm kfasaden du yó. Là kô gbeken du yóm hlau snulat Musis ke tô genbaen yóm deng fasad Dwata.

2 Kurin 9:6

Bê ye klifót nim monu ni, yóm tau mò hulu, ke udì huluhen, udì se angat gutahen. Okóm yóm tau bong kmoen hulu, bong se angat gutahen.

1 Kurin 15:50

Yó hol nefeten nim tulónu kuy ni, kem dumuhu setwoli, nim lówó tekuy ni, wen ungeden ne wen litóen, là kóen na a angat gmung ebè yóm benwu nogot Dwata. Angat matay se kun, là kô gfunen du yóm klowil laen dù sónen.

1 Kurin 1:12

Wen se bélê ye mon du kun, “Lolou Pol dou.” Ne mon kem dumu, “Apulus dou.” Ne bud wen mon du, “Pitér dou lolò.” Ne wen se mon du kun, “Lolou Krays dou.” Yó se gónóhen mesgólól nawa ye.

Kul Nmò 2:40

Tey dê he dumu tulón Pitér kul, ya tey kmonen du mò kul, monen, “Hol ye eles temgama anì laen dù kuy du yóm angat ktafak Dwata kul yó kem tau là hdon le.”

Kun Snulat Luk 16:28

yakà wen yó kem limu twolihu anì eles hetngónen kul, anì là glolò le dou ebè nim tey gónóu meflayam ni.’

Dwata 27:10

Yó gónóm mon, hol nimón ye ne hol bê ye abay nulé yó kem kun hlau deng tulónu kuy kemdaw ni.”