Ifisus 4:16 - Udél Dwata: Gna Kesfasad ne Lomi Kesfasad

¹⁶ Lemwót bè yóm kalaken tekuy yóm kdê tekuy mò lówóhen, yó se gónón hol ssotu nawa tekuy mò du yóm kun nmò. Ne hlós baling setgel yóm lówóhen lemwót bè yóm kestóbóng tekuy. Ke tilob kmò tekuy du yóm hmoen tekuy yóm ket tekuy na sotu, tendo lemnok yóm lówóhen yó, ne baling mbegel lemwót bè yóm kesbong tekuy nawa.

Ifisus 4:16 Referans Kwoze

Kulasi 2:19

Là kô le mogot bè Krays, igoen du yóm hol kulu yóm kdê tekuy deng mò henged lówóhen. Lemwót bè yóm kalaken tekuy, gónóhen tilob kesgayun te, ne baling tekuy gulit, lan te lemolò yóm kun kóyô Dwata.

Kun Snulat Jan 15:5

Ou se yóm hulu lemfà ne yu hangahen. Yó se tau henek béléu, heneke se béléen do, ne angat tey kbunguhen. Okóm ke là henek ye béléu, laen kô dù gmò ye.

Kulasi 2:2

Yó gónów mò du anì wen lanu temgel nawa ye, ne anì wen kessotu nawa ye lemwót bè yóm kesbong nawa ye. Kóyóu ke hol mbegel kehtahu ye lemwót bè yóm deng ketngón ye du yóm ktahuhen. Ke lómón ni se kmoen, tngón ye yóm tehe buni Dwata bè yó kem tau gnan, duhen Krays.

Ifisus 4:12

Yó gónó Krays mò du nim ni anì kdê tekuy kem tau Dwata, gbek tekuy mò du yóm hmoen kut, ne anì sónmoen temnù yóm kehtahu tekuy yóm kdê tekuy deng baling kun lówó Krays.

1 Kurin 13:13

Duhen ni, wen tlu yóm laen dù mtukul sónen, duhen yóm kehtahu tekuy bè Dwata, ne yóm hendón tekuy béléen, ne yóm kesbong tekuy nawa. Ne bè nim tlu ni, yó alì bong muhen, duhen yóm kesbong tekuy nawa.

Ifisus 4:15

Okóm tólóng se bélê tekuy. Lemwót bè yóm kesbong tekuy nawa, yake hol tulón tekuy yóm ktahuhen. Ngangen efet gulit tekuy yóm kun kmò knawa Krays, yóm gónó tekuy kmulu.

1 Timuti 1:5

Yó hol muhen nim hlolou kóm ni anì wen yóm kesbong le nawa lemwót bè yóm klaen dù belenen yóm nawa le, ne yóm klaen dù blóng le ebè Dwata, ne hol tahu duhen yóm kehtahu le.

1 Tisalunika 2:13

Bud sotu gónó me tendo gel dmóyón ke Dwata snéen. Bè yóm tehe kwit me ebélê ye yóm tulón lemwót bè Dwata, bè yóm kungol ye du tódô kendel henmóyô ye, ne tódô dilô ye hol tahu kun udél Dwata, là kô olo udél tau du. Ne tahu se yó. Ne lemwót bè udélen wen gel nmò Dwata bélê ye yu kem tau deng hemtahu.

Flipay 1:9

Gel hnihu bè Dwata anì hol temnù yóm kesbong nawa ye, mung du yóm khulung ye hedem ne yóm khulung ye milô.

Ifisus 3:17

Ne sotu hnihu anì hol tendo nô bélê ye Krays lemwót bè yóm ksalig ye béléen. Bud hnihu snéen anì hol mbegel kdolilen yóm ketngón ye du yóm tey kbong nawa Dwata,

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Ifisus 3:7

Béléu do, deng henbaling Dwata ou sotu tóbóng lówóhen mò mit yóm Tulón Hyu. Lemwót bè yóm kenhulung blayen dou, yó gónón smigang du tahu yóm Tulón Hyu monu ni koni, hlanen bè yóm tey kfasangen béléu.

Ifisus 1:4

Gu laan Dwata là deng dmimun du he yóm benwu, deng kem gegna ne yóm kéléken tekuy mò kun tau, hlanen bè yóm deng kessotu tekuy bè Krays. Yó gónón mélék tekuy anì henbalingen tekuy kem tau mólós, kem tau laen dù belenen bè ktonen tekuy.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

1 Jan 4:16

Deng tngón tekuy ne yóm tey kbong nawa Dwata tekuy, ne yó se gel genléd nawa tekuy. Tey bong nawahen tau yóm Dwata. Yóm tau ke kenbong nawahen yó kem dumuhen, deng le ssotu Dwata ne yóm tau yó, ne hlós nô béléen Dwata.

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

1 Tisalunika 3:12

Yó hem gónó tekuy mogot hol temnù du bélê ye yóm kuy kesbong nawa ne yóm nawa ye ebè yó kem dumu tau snéen, lómón se yóm kum kbong nawa kuy.

1 Tisalunika 1:3

Bè yóm gel kni me bè Dwata yóm Mà tekuy, là kô na me e klifót du se yóm hyu gel nmò ye lemwót bè yóm kehtahu ye, ne yóm tey kmò ye nmò lemwót bè yóm kbong nawa ye kem dumu ye, ne yóm tey kbegelen yóm hendón nefet nawa ye bè yóm gónó tekuy mogot Jisas Krays.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

1 Kurin 8:1

Bong bè yóm deng snólók ye bè yóm ken deng dsù bè dwata kéng, ni se balau du. Tahu se yóm mon le, “Kdê tekuy se temngón du nim snólók le ni.” Ke lómón yó se kmoen, hol ten-gama ye, kô niten yu heklabak yóm ketngón ye yó. Okóm gel mlan bè yóm kbong nawa tekuy kem dumu tekuy hemtahu gónó tekuy temgel kul bè kehtahu le.

Sulat Pol Ebè Yó Kem Tau Hemtahu Bè Rom 12:4

Lómón yóm lówó tau, tey dê nô du. Ket yóm nô du, sal stólóng muhen.

1 Kurin 10:17

Abay se tek sotu yóm mambang senkbéng tekuy yóm kdê tekuy. Bè yóm kken tekuy du yó, yó hnigaden yóm deng kessotu tekuy, balù yóm tey kwen tekuy, abay se tódô kdê tekuy gbót mken du yóm tek sotu mambang yó.