Ifisus 4:10 - Udél Dwata: Gna Kesfasad ne Lomi Kesfasad

¹⁰ Ne yóm tehe lemwót gu tta, bud du se yóm bud haway etta bè tum hol gónón geta sentu longit. Yó gónóm mon, tódô klamangen ne gónóhen nô.

Ifisus 4:10 Referans Kwoze

Hibru 7:26

Duhen yó, Jisas se yóm mò blóng tekuy ebè Dwata, yóm hol hulung tmóbóng tekuy. Tey kólósen. Laen kô dù sidek duhen ke salà ton tekuy béléen, Deng sentólóng Dwata bè yó kem tau gemsalà, ne tey kehegetahen du ditu bè longit.

Hibru 4:14

Duhen yó, hol hbegel tekuy yóm kehtahu tekuy. Yakà wen yóm tey hyu fen semblóng tekuy ebè Dwata, deng gna kól ditu ne bè soluhen. Du se Jisas, yóm Ngà Dwata.

Kulasi 2:9

Bè yóm tehe kbalingen tau Krays, nô béléen yóm hol kun kmò Dwata.

Kulasi 1:19

Yakà lemwóten bè kun kóyô Dwata ke gotu gfan bè Krays yóm hol kun kmò.

Matyu 24:34

Tódô tulónu kuy ktahuhen, kesok sut ni kem deng tulónu kuy ni, tolo wen he bè ni kem tau kmoen ni gmafit mton du.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Ifisus 3:19

Kóyóu ke hol gnóm ye yóm tey kbong nawahen kuy. Ewenem yóm nawahen tekuy yó, là kô hol glileb tekuy du yóm mò kmoen. Ke deng tahu gnóm tekuy nim ni, hol lómón ke deng tekuy skél bè yóm kun kmò Dwata.

Kul Nmò 1:9

Timbow deng kudél Jisas, ominen tódô ganag haway etta efet tódô lana lem mata le elem tum lobun.

Hibru 8:1

Yó hol bótóngen yóm deng tulón me kuy ni koni, deng wen yóm tau hol tahu gulit mò blóng tekuy ebè Dwata. Ne ni deng myón fi bè kwanan Dwata, yóm hol geta bè longit.

Kul Nmò 3:18

Okóm bè yóm keglayam Jisas yó, yó se yóm deng tehe eles htugod Dwata bè kdê yó kem tehe tugoden ekni, yóm mon le, ‘Nan glayam he yóm Misaya.’

Kul Nmò 2:33

Ne ni deng tey kehegeta Dwata du, yóm Maen bè longit. Deng hyónen fi bè kwananen, ne deng blayen du yóm tehe fasaden béléen, duhen yóm kun Tulus. Ne tódô bud heflós Jisas ebélê me se kum yóm Tulus Dwata yó, duhen ni sem deng ton ye bélê me ni, ne deng gungol ye.

Kul Nmò 1:11

ne mudél le ebélê le, mon le, “Yu kem tau lemwót bè Galili, moen de ke tlek ye mom temngel ebè longit? Tum Jisas deng haway etta tu koni, angat bud semfulék edini he. Hol lómón sem tu ne koni yóm angat kehtuntunen edini bè yóm angat bud kesfuléken.”

Kun Snulat Jan 19:36

Bè yóm là ketfok le ti Jisas yó deng gónón dohò yóm tehe hsulat Dwata, yóm monen, “Laen kô dù angat tenfok le bè yó kem tiolen.”Ne yóm sotu tehe snulat le, yóm monen, “Angat sentngel le yóm tau ndek le buyus.”

Kun Snulat Jan 19:28

Tódô tngón Jisas se deng gotu deng ne yóm kdéen, ne yó monen, “Meenge.” Yó gónón mon du yóm yó, mò gónón dohò yóm tehe hsulat Dwata.

Kun Snulat Jan 19:24

Stulón le, mon le, “Bê tekuy abay dnóló. Tódô sensatù tekuy dé anì tngón mahi du bélê tekuy gemwa du.” Bè yóm kessólól le nes Jisas yó deng gónón dohò yóm deng tehe eles snulat le bè Sulat Dwata, yóm monen, “Gotu sensólól le nesu, ne sensatù le nes tahau.” Ne tahu se, yó se nmò yó kem sendalù.

Kun Snulat Jan 1:16

Deng tekuy gotu gomong lemen ne yóm tey klinggel nawahen ebè tau. Yóm któbóngen tekuy, tódô seflós, là kóen skó.

Kun Snulat Luk 24:44

Omin Jisas yó bud mon du mò kul, “Yóm deng katayu lem blóng ye, ne yóm bud klowilu, ni se yóm tehe deng gel tulónu kuy bè yóm hanà tolo knóu lem blóng ye. Nan na gotu dohò etahu he kdê yó kem tehe deng snulat Musis, dalang se yóm kul tehe gel snulat yó kem dumu gna tugod Dwata kkólen bè yóm tehe snulat le bè yóm bok Lingón.”

2 Kurin 12:2

Bè yóm deng sfolò fat halayen ni ne, wen sotu tau hemtahu bè Krays tngónu. Tódô wen mit du eta bè yóm longit hol geta bè kdéen. Bede là tngónu du tum mógów tu ke tahu lówóhen duhen ke olo tódô hton Dwata. Tek són Dwata temngón du.