Ifisus 3:20 - Udél Dwata: Gna Kesfasad ne Lomi Kesfasad

²⁰ Duhen yó, hol gel dóyón tekuy dé Dwata, lemwót bè yóm alì kegbeken bélê tekuy, tey bong he yóm kun kegbek tmóbóng tekuy senta yóm gel hni tekuy béléen, ne senta yóm gel hendem tekuy snéen.

Ifisus 3:20 Referans Kwoze

2 Kurin 9:8

Ne bè yóm gel blay Dwata ebélê tekuy, sal gel nmoen lukasen anì tódô ket du bè yóm wen mu tekuy du, ne anì hol wen gónó tekuy ma mò tóbóng tekuy kem dumu tekuy tau.

Sulat Pol Ebè Yó Kem Tau Hemtahu Bè Rom 4:21

Tey ken-gel nawan yóm kegbek Dwata dmohò du yóm fasaden béléen.

Jirimaya 32:27

“Ou se yóm sana Dwata hol gónó mogot, yóm Dwata yóm kdéen tau bè klamangen benwu. Laen kô dù là gbeku du.

Sulat Jud 1:24

Yó ne kóó. Hol dóyón tekuy dé Dwata. Tek són du yóm gembek tmóbóng tekuy anì là bud tekuy btang. Tek són du gembek mkó du bélê tekuy yó kem salà tekuy anì laen dù sidek tonen bélê tekuy bè yóm kdaw kwiten tekuy bè soluhen. Ngem he tey kligal tekuy bè yóm angat knô tekuy béléen yó.

1 Kurin 2:9

Nim gel tolok me ni, hol segtón bè yóm tehe monen bè Sulat Dwata, yóm monen, “Deng wen hentifes Dwata bè yó kem tau kembong nawa du. Yóm hentifesen yó, là kô deng wen hnikót mton du he, ne là se wen deng mungol du. Là kô deng wen hnikót hemdem du yóm mò kmoen.”

Ifisus 1:19

ne yóm alì kegbeken tmóbóng tekuy kem tau hemtahu béléen. Nim kegbek Dwata tmóbóng tekuy ni, ni se yóm tehe hol kegbeken

Jirimaya 32:17

“Ó Dwata yóm hol dandónen geta, mlan bè yóm tey kfasangem nmoem longit ne tonok. Laen kô dù là gbekem du.

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Ifisus 3:7

Béléu do, deng henbaling Dwata ou sotu tóbóng lówóhen mò mit yóm Tulón Hyu. Lemwót bè yóm kenhulung blayen dou, yó gónón smigang du tahu yóm Tulón Hyu monu ni koni, hlanen bè yóm tey kfasangen béléu.

Sulat Pol Ebè Yó Kem Tau Hemtahu Bè Rom 16:25

Hol dóyón tekuy dé Dwata. Du se yóm gembek hol hbegel kuy bè kehtahu ye hlanen bè yóm Tulón Hyu gel nitu gbak ebè Jisas Krays. Nim Tulón Hyu ni, ni se yóm tehe gbuni bè yó kem tau gnan ekni.

1 Bok Kem Tau Hol Geta 3:13

Ne bud blayu kóm snéen yó kem là deng hnihem du, angat wen kendengenem, ne angat tey kadat le kóm yó kem tau. Bè yóm klawihem mowil, laen kô dumu tau hol geta bè klamangen benwu ke gemsenged kóm.

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Danyél 3:17

Ke botem se mi elem tum tey dilóf ofi, kaem yóm Dwata kum gónó hemtahu gembek lemwà kum. Lenwaen mi lem hólólem.

Kulasi 1:29

Hol hotuhu gelu mò du nim nmou ni hlanu bè yóm tey kegbek Krays béléu.

2 Tutul Israél 25:9

Snólók Amasaya yóm tau Dwata yó, “Tedu tô kmou du se yóm tey blówón bukay deng blayu yó kem sendalù Israél mò sukéy le?” Bnalà yóm tau Dwata, monen, “Glukas bè yó he yóm bud blay Dwata kóm.”

Kun Snulat Jan 10:10

Bong yó dum tau mnagaw, yó se kun gel nógów na a mnagaw, na a hmatay, ne na a gemlà. Okóm yó dou nógów, naw e benlay yu klowil, yóm klowil hol tahu gsengel nawa ye du.

Kehewà 34:6

Omin Dwata miwes bè soluhen, ne hgelen udélen, monen, “Ou se yóm Dwata hol gónó mogot, yóm alì kmodu tau, yóm là mahilen lembut. Gel hegfanu yóm kbong nawahu yó kem tau ne là kóen monol yóm nawahu ebélê le.Là kô kóhu du yóm kbong nawahu tau efet kól bè yó kem hilu bud lugod le. Yó kmò kehegfanu du bélê le yóm nawahu yó, gel hnifótu yó kem sidek gel nmò le ne yóm là kimón le do. Okóm yóm tau ke là kóhen du yó kem sidek gel nmoen là gbeku du ke là tnafaku du, gomong megtafak yó kem ngà le ne témê le lenwóten bè tanay lugod le efet kól bè gfat lugod le.

Sulat Jim 4:12

Tek sotu gónón lemwót yóm hlau són bè Dwata. Tek són du yóm wen kwalisen kmukum tau. Gbeken lemwà tau gu lem hatay, ne gbeken se tmafak kul. Bélê tekuy kut, laen dù kwalis tekuy hemdeng kmò kem dumu tekuy tau.

1 Timuti 1:14

Okóm tey któbóngen dou yóm gónó tekuy mogot, tódô henbalingen ou tau hemtahu, ne blayen do yóm kbong nawahu kem dumuhu. Yó se nefeten yóm deng kessotu tekuy bè Krays Jisas.

Danyél 6:20

Timbow kól bè yó, ominen tmaba ke Danyél igò yóm tey ktafa nawan, monen, “Ó Danyél yóm tóbóng lówó yóm Dwata là matayen, gbeken lemwà kóm bè yó kem liyun kô yóm kóm Dwata tendo nimón?”

Hibru 11:19

Bè yóm tô kedsù Abraham yóm ngaen, yó hendemen gbek Dwata bud hlowil du balù ke deng matay. Bè ktahuhen, hol lómón ke deng tahu matay yóm ngaen, bede deng bud hlowil Dwata.

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

2 Pitér 1:11

Ne angat tey khódóhen tekuy bè yóm kun benwu nogot yóm gónó tekuy mogot Jisas Krays, yóm tehe lemwà tekuy gu lem hatay. Ne yóm benwu nogoten yó, benwu laen dù tul sónen.

Isaya 35:2

Hol lómón ke tódô hligal semngal ne mensag yóm benwu yó. Lómón angat ktiloben, lómón ktilob yó kem bulul bè Libanun. Yóm kehyu yóm tonoken hol lómón yóm kehyu yóm tonok bè Karmél ne Syaron. Tódô kdéen tau gotu mton du yóm tey klinggel Dwata ne yóm kegetahen ne yóm kfasangen.

Matyu 3:9

Ne bê ye abay tô ken-gel nawa yó dum kesfu ye gu bè yóm tehe Abraham ke yó tô lan ye gewà. Tódô tulónu kuy, balù ni he kem botu ni dé, botong gbek Dwata hembaling du tau mò semfu gu bè Abraham.

2 Samwél 7:19

Ne ni, Dwata yóm Dwata hol dandónen geta, deng mom bud tennuem he ni kem deng nmoem béléu ni, duhen yóm kwen fasadem do gbak ebè yó kem semfu gu béléu elem hulin kdaw. Ó Dwata, deng duhen ni kô yóm kóm gel kmò ebè tau?

Tekang Kbuten 18:4

Na ma él mò olob ti ye. Na ye hlun hegnô bè ni laan nim koyu nii.

2 Tutul Israél 9:12

Tódô gotu blay Selumun yóm libun boi lemwót bè Siba yó yóm kdê hnihen, ne tey mebtes yó kem basa Selumun du senta yóm kun basa du yóm boi bè Siba yó. Ominen yó mulék ebè benwuhen bè Siba yóm boi yó, mung du yóm kdê tóbóng lówóhen.