Ifisus 3:18 - Udél Dwata: Gna Kesfasad ne Lomi Kesfasad

¹⁸ anì hol glileb ye snéen yóm kbong nawa Krays tekuy yóm kdê tekuy kem kun tau Dwata. Yóm nawahen tekuy yó, udì tonok ne longit.

Ifisus 3:18 Referans Kwoze

Kun Snulat Jan 15:13

Yóm tau ke hamaen klowilen bè kem ween, laen kô gemsenged du yóm kbong nawa yó.

Kem Lingón 103:17

Okóm bè yó kem tau wen klikò le ke Dwata, laen kô dù sónen yóm kbong nawa Dwata kul. Balù hilu bud lugod le, yó ne yóm kehyu nawan ebélê le

Ifisus 3:19

Kóyóu ke hol gnóm ye yóm tey kbong nawahen kuy. Ewenem yóm nawahen tekuy yó, là kô hol glileb tekuy du yóm mò kmoen. Ke deng tahu gnóm tekuy nim ni, hol lómón ke deng tekuy skél bè yóm kun kmò Dwata.

Isaya 55:9

Lómón keslayuk tonok yóm longit seglafin bud lómón yó se keslayuken bélê ye yóm dou kehedem ne yóm dou kmò.”

Glasya 2:20

Yó gónóm mon, là kô ou du ne nim mowil ni, kaem Krays, yóm nô béléu. Són yóm kehtahuhu tendo gentud nawahu abay se tey kbong nawan dou, gloken fen hamà béléu yóm kun klowil.

Ifisus 1:15

Duhen yó, lemwót bè yóm deng kungolu du yóm kbegel yóm kehtahu ye bè Jisas, yóm gónó tekuy mogot ne yóm alì kbong nawa ye yóm kdê kun tau Dwata,

Kem Lingón 145:10

Kdê yó kem deng tehe dlimunem, Dwata, angat gotu semdóyón kóm. Ne kdê yó kem kóm tau, angat le gotu slamat béléem.

Deng Hegfan 3:21

Yó kem tau gel matù bè yó kem sidek gel sut, angat wen kwalis blayu kul anì gemyón le klohoku bè yóm gónóhu myón kmamal yóm klamangen. Yóm katù le yó, hol lómón se yóm deng dou katù, ne kyónu klohok Mà bè yóm gónóhen myón kmamal se kun.

Glasya 3:13

Okóm laen kô dù tau gembek lemolò du nim ni. Yó gónóm mon, deng tekuy mom megtafak du. Okóm ke Krays, du fen megtafak lanen msok tekuy bè yóm deng kegtafak tekuy yó. Abay se deng monen bè Sulat Dwata, yó monen, “Ke wen tau matay bè kros, yó se ilô yóm ktafak Dwata du.”

Ifisus 1:10

Yó atulen, duhen yóm gotu kessotuhen gónó le kmulu yó kem kentihen nô bè longit ne kentihen nô te tonok. Ne yó gónó le mogot, duhen Krays. Gotu nmoen nim atulen ni sok deng hto yóm butengen mò du.

Kem Lingón 139:6

Tey ketngahu du yóm ketngónem do, là kô gbeku hmingón du.

Kulasi 1:4

Yakà deng gungol me yóm kehtahu ye bè Krays Jisas ne yóm kbong nawa ye yó kem kun tau Dwata.

Sulat Pol Ebè Yó Kem Tau Hemtahu Bè Rom 10:3

Là kô tngón le du yóm lan nmò Dwata mò gónón tedeng ktonen kul. Mom yó tô nmò le, tódô lolò le yóm kul kehlan du. Là kô lolò le du yóm lan nmò Dwata mò gónó le tedeng.

Kem Lingón 132:9

Yó kem tau gel blóng ebéléem, lu se fen mit yóm kóm kegewà ebè yó kem tau. Ne yó kem tauhem, hol le hligal semngal ebéléem.

2 Tutul Israél 6:41

Ne ni, Dwata yóm sana Dwata hol dou gónó mogot, huseki elem yóm Gónô mò gónóm henek nô, ne ebè yóm gónón nô yóm Slungan Fasadem ilô yóm alì kfasangem. Yó kem tau gel blóng ebéléem, Dwata, hol lu he mit kegewà bè yó kem kóm tau, ne yó kem kóm tau, hol le hligal he bè yóm tey kehyuhem ebélê le.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

2 Kurin 13:13

Tódô kdê ni kem tau hemtahu bè ni, tey gel kólóm le kuy.

Sikaraya 14:5

Angat ye mlan bè yóm datal ni bè yóm klóy ye, abay se gefet ditu bè Asal yóm datal ni. Tódô ye gotu mlóy lómón yóm tehe klóy yó kem tehe fù ye ekni bè yóm tehe kbel linol bong bè Juda bè yóm tehe kun kogot Usiya. Ominen yó, sut yóm sana dou Dwata hol gónó mogot, mung du yóm kdê gel hógówen.

Kem Lingón 116:15

Tey le mebtes bè Dwata yó kem tau kenbong nawahen. Tey sidek kegnómen du ke sotu bélê le matay.