Ifisus 3:17 - Udél Dwata: Gna Kesfasad ne Lomi Kesfasad

¹⁷ Ne sotu hnihu anì hol tendo nô bélê ye Krays lemwót bè yóm ksalig ye béléen. Bud hnihu snéen anì hol mbegel kdolilen yóm ketngón ye du yóm tey kbong nawa Dwata,

Ifisus 3:17 Referans Kwoze

Kulasi 2:7

Henlel ye dé hdolil béléen, bê ye abay skó du anì baling mbegel yóm kehtahu ye lómón yóm tehe tolok le kuy. Ne tódô senflós ye dmóyón ke Dwata.

1 Jan 4:16

Deng tngón tekuy ne yóm tey kbong nawa Dwata tekuy, ne yó se gel genléd nawa tekuy. Tey bong nawahen tau yóm Dwata. Yóm tau ke kenbong nawahen yó kem dumuhen, deng le ssotu Dwata ne yóm tau yó, ne hlós nô béléen Dwata.

Kun Snulat Jan 14:23

Bnalà Jisas, monen, “Yó se tau kembong nawa dou, nimónen yóm dou tolok. Tey angat kbong nawa Mà du snéen kun, ne angat me tódô setnù béléen lewu me Mà.

Glasya 2:20

Yó gónóm mon, là kô ou du ne nim mowil ni, kaem Krays, yóm nô béléu. Són yóm kehtahuhu tendo gentud nawahu abay se tey kbong nawan dou, gloken fen hamà béléu yóm kun klowil.

Sulat Pol Ebè Yó Kem Tau Hemtahu Bè Rom 5:5

Angat dohò kguta tekuy du yóm hendón tekuy yó, abay se deng gotu gnóm tekuy ne yóm kbong nawa Dwata tekuy, hlanen bè yóm Tulusen deng basahen tekuy.

Deng Hegfan 3:20

Ngem denge eles mdà ne mbal snolu aut ye. Ke wen tau hmungol du yóm udélu yó, ne ke hotunen o eta, motune se, ne segbóte mken béléen.

2 Kurin 6:16

Ne sotuhen, laen kô dù gónó le segmung yóm kun gónô Dwata ne yó kem dwata kéng. Kaem tekuy se yóm kun gónô gónóhen nô yóm Dwata laen dù tul katayen. Hol lómón yóm tehe mon Dwata ekni, yóm monen, “Angate tendo nô bélê le yó kem dou tau, ne hol lem blóng le gónóhu nô. Ne ou se baling hol kul Dwata, ne lu se baling hol dou tau.”

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

1 Jan 4:4

Okóm yó dum kuy, kem ngà, Dwata se hol mfun kuy, ne deng ye matù bè yó kem tau gel tmolok sekban yó, abay se deng nô bélê ye yóm Tulus Dwata, ne tey bong mfasang senta yóm tulus nô bè yó kem tau là hemtahuhen.

Kulasi 1:27

Kun kóyô Dwata ke hegfanen bè yó kem kun tau ni kmoen ni yóm tehe gbuni bè yó kem tau gnan, duhen yóm tey któbóngen yóm kdéen tau bè klamangen benwu. Yóm tehe bunihen yó ekni, duhen yóm knô Krays bélê ye ket kuy ne sotu. Bè yóm knóen bélê ye yó, yó se gónó ye temngón du yóm angat kegbót ye bè klaen sónen kun klowil Dwata.

Kulasi 1:23

Song tahu eta ye nim ni ke là monol nawa ye bè yóm kehtahu ye. Yó gónóm mon, hbegel ye yóm kehtahu ye anì là sliwo kehedem ye du yóm hendón nefet nawa ye lemwót bè yóm Tulón Hyu deng gungol ye. Nim Tulón Hyu monu ni, deng gefet bè kdéen tau bè klamangen benwu ne, ne ou Pol sotu tóbóng lówó Dwata mò fen heglalag du.

Kun Snulat Jan 17:23

Tendohe gel nô bélê le se dou, ne tendohi gel nô béléu se kóm anì hol ssotu nawa le, ne anì dilô yó kem tau là hemtahuhen yóm khógówem dou, ne dilô le snéen yóm kbong nawahem kul yó kem tau hemtahu béléu lómón yóm kbong nawahem do.

Kun Snulat Jan 14:17

Duhen yó sem kun Tulus Dwata. Angat toloken kuy yóm hol ktahuhen lemwót bè Dwata. Yóm tau là hemtahuhen, là kô henmóyóen du kun yóm Tulus Dwata, abay se là kô tonen du, ne là se tngónen du. Okóm tngón ye kuy, abay se bélê ye tendo gónón nô, ne là kóen na a skó bélê ye.

Kun Snulat Luk 6:48

Du se mkél bè yóm tau hemdà gónô, tey ngelem sol okol heheken, hdaen te botu. Timbow lenumfak yóm tey dunuk bong yóm gónô yó, là kóen na a kmingò, abay se deng eles mbegel kehdaen du yóm funen.

Matyu 13:6

Okóm timbow sut kdaw bè yóm deng ktowoken, tódô kendel menes, abay se monem là holen ngelem dolilen.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

Kun Snulat Jan 6:56

Yó se tau mken yóm dou lówó ne minum yóm dou litô, senflósen nô béléu, ne senflósu se nô béléen.

1 Kurin 8:1

Bong bè yóm deng snólók ye bè yóm ken deng dsù bè dwata kéng, ni se balau du. Tahu se yóm mon le, “Kdê tekuy se temngón du nim snólók le ni.” Ke lómón yó se kmoen, hol ten-gama ye, kô niten yu heklabak yóm ketngón ye yó. Okóm gel mlan bè yóm kbong nawa tekuy kem dumu tekuy hemtahu gónó tekuy temgel kul bè kehtahu le.

1 Kurin 3:6

Ke hningónu yóm nmò me lem blóng ye, lómón ke ou yóm tau fen mò hulu, ne Apulus fen temwél du él. Okóm Dwata fen htowok du.

2 Kurin 13:5

Yake hol henklol ye dé yóm kuy kmò ktau ke deng ye tahu hemtahu. Deng tahu nô bélê ye kô Jisas Krays? Ke là nóen bélê ye, kéng ye yóm kehtahu ye.