Ifisus 3:10 - Udél Dwata: Gna Kesfasad ne Lomi Kesfasad

¹⁰ Okóm ni kmoen ni, hegfanen yóm tehe bunihen, hlanen bè yó kem tau hemtahu bè Krays, anì hol gfan bè kdéen mfasang wen glalen ditu bè longit yóm tey khulungen hedem Dwata bè kdê nmoen.

Ifisus 3:10 Referans Kwoze

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

Ifisus 6:12

Abay se là kô tau du yóm nit tekuy sfatay, okóm yóm dê mtulus gel dók Seitan gu te kmawang. Ne wen se kfasang le mkem yóm tey kkifuhen.

1 Kurin 2:7

Yóm ketngón gel toloku ni, yó se yóm ketngón Dwata tehe gbuni bè kem tau gnan. Okóm gu laan Dwata là deng dmimun du yóm benwu, deng sana eles tngónen yóm kmò kehlanen du bélê tekuy yóm ketngónen yó anì wen klowil tekuy laen dù sónen.

Sulat Pol Ebè Yó Kem Tau Hemtahu Bè Rom 11:33

Laen kô bang gónó tekuy e hmingón du yóm alì kehyuhen yóm Dwata. Tey nelem yóm ketngónen, ne tódô ket yóm kenhulungen. Laen kô dù tau gembek tmulón du yóm kun kehedem, ne laen se dù tau gembek gmileb du yóm kun kmò.

Ifisus 1:21

Són Krays gónó le mogot yóm kdê deng wen hfogot Dwata kul, yó kem wen kwalis le ne wen kfasang le ne wen glal le. Yóm boluy Krays, laen kô dumu boluy tótól semnged du nim kmoen ni ne balù yóm elem hulihen kdaw.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

1 Kurin 1:24

Okóm bè kdê yó kem tau deng tnaba Dwata, tau Ju duhen ke tau là Ju le, tódô dilô le se kul nim Krays gel tulón me ni, béléen se hol gónón gfan yóm kun kfasang Dwata ne yóm khulungen hedem.

1 Pitér 3:22

Ne ni kmoen ni deng nô bè longit ne Jisas, myón fi bè kwanan Dwata mò ilô yóm kehkamal Dwata du du yóm kdéen hógów Dwata gu bè longit, ne kdê yó kem dumu mtulus wen kwalis le ne wen kfasang le bè yó bè longit.

Kulasi 1:16

Yakà deng hedlimun Dwata du ke Krays yóm kentihen nô bè longit ne kentihen nô te tonok. Kentihen ton ne kentihen là ton mata du, gotu hedlimunen du, gomong lemen yóm kdéen tau mogot benwu ne yó kem benwu nogot le, kem tau wen knamal le ne kem tau wen kwalis le. Tódô kentihen, gotu hedlimun Dwata ke Krays mò kun.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Ifisus 1:8

Là kô gbek tekuy hmingón du kbongen yóm tóbóng yó. Lelen bemlay du tekuy he yóm khulung hedem anì gbek te gmileb du yóm kun nmò.

Sulat Pol Ebè Yó Kem Tau Hemtahu Bè Rom 8:38

Deng hónô tngónu, laen dù gembek semkó tekuy bè yóm kbong nawahen tekuy Dwata. Laen dù bè nim klowil tekuy ni, balù hatay, balù yó kem hógów Dwata gu bè longit, ne yó kem mtulus gel dók Seitan, balù yó kem gel sut bélê tekuy nim kmoen ni, dalang se yó kem sut hulin kdaw,

Kem Lingón 104:24

Ó Dwata, tey deng dê nmoem, ne teyi hulung mò kul yóm kdéen. Tódô tfeng klamangen benwu yó kem ógóf deng dlimunem.

Isikél 3:12

Ominen mkay do eta yóm Tulus Dwata ne gungolu yóm tey lemungkul te kwangu wen udél mung du, monen, “Hol dóyón tekuy yóm tey keklóón Dwata ditu bè yóm gónóhen nô bè longit.”

Kem Lingón 103:20

Hol dóyón ye Dwata, yu kem alì kemgis ne alì gembek gel hógówen gu bè longit. Yu se yó kem tendo gel mimón du ke wen dóken, ne tendo gel hmungol du ke wen monen.

Ifisus 1:23

Ne yó kem tau hemtahu, hono kem kun lówó Krays, ne Krays se hket du yóm kdéen.

Kulasi 2:10

Ne bélê ye se kuy, lemwót bè yóm deng kessotu ye bè Krays gónó ye gbót ne bè yóm klowilen yó. Du se hol geta senta yó kem kdéen mtulus deng wen nogot le te tonok ne wen kwalis le.

Kulasi 2:15

Ne bud bè tum tehe katay Krays bè kros, yó se gónón mkó du bè Seitan yóm kun kfasang, ne yóm kul kfasang yó kem dumu mtulus deng genlal Seitan. Gotu hegfanen bè gónón wen yóm deng katuen bélê le.