Ifisus 2:6 - Udél Dwata: Gna Kesfasad ne Lomi Kesfasad

⁶ Lemwót bè yóm deng kessotu tekuy bè Krays Jisas, deng homong Dwata tekuy ne bè yóm le klowilen du gu lem hatay, ne bud homongen tekuy snéen bè yóm deng kehegetahen du ditu bè longit mò mogot klamangen.

Ifisus 2:6 Referans Kwoze

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Kun Snulat Jan 12:26

Yóm tau móyô mimón do,” mon Jisas, “là kô gbeken du ke là loloen do. Balù kihu gónóhu nô, yó se bud kun gónó nô. Angat tey kadat Mà du yóm tau ke nimónen o.”

Kun Snulat Jan 14:3

Ke sok deng kehetifesu bélê ye gónô nô,” monen, “bude semfulék edini naw e nangay yu. Yó se dou gónô nô, yó se kuy gónô nô.

Matyu 26:29

Tódô tulónu kuy, hatan bud ninumu he nim ninum ni ke deng kól bè yóm kdaw angat kinum tekuy yóm ninum lomi bè yóm kun benwu nogot Mà.”

Kun Snulat Luk 12:37

Hligal le du kul yó kem tau là deng le henga bè yóm kkólen, ne ke deng le eles htifes. Yó tódô tulónu kuy,” mon Jisas, “yóm gónó le mogot yó, angat du tles bud temdof kul. Gotu senseyónen lu, ne henkenen lu.

Kulasi 1:18

Bud du se hol kulu yó kem tau hemtahu béléen, ne lu henged lówóhen. Bud du se hlowil kul, abay se du yóm hol tekang mowil là buden matay. Yó gónóm mon, du se yóm hol geta bè kdéen.

Ifisus 1:1

Ou Pol gónóhen lemwót nim sulat ni. Hol lemwót bè kun kóyô Dwata yóm kbalingu tau gel hógów Krays Jisas. Nim sulat ni, hwitu ebélê ye yu kem kun tau Dwata bè Ifisus, yu kem tau deng ssotu bè Krays Jisas, kem tau là kóen monol nawa le ebéléen.

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Ifisus 2:13

Okóm nim kmoen ni, tey bong stólóng. Lemwót bè yóm kessotu ye bè Krays Jisas, là kô ye bud glayuk bè Dwata ne, deng ye hol moni béléen lemwót bè tum litô gamà Krays bè yóm tehe katayen.