Ifisus 2:21 - Udél Dwata: Gna Kesfasad ne Lomi Kesfasad

²¹ Lemwót bè yóm tud blóngónen, yó gónón hol mbegel yóm gónô yó. Ngangen ne efet gónô knóón mò gónóhen nô yóm gónó tekuy mogot.

Ifisus 2:21 Referans Kwoze

1 Kurin 3:9

Nim mi, stóbóng me mò nmò bè Dwata. Ne yu, hol lómón ke kun tniba Dwata. Sotuhen, lómón ke yu yóm gónô hdà Dwata.

2 Kurin 6:16

Ne sotuhen, laen kô dù gónó le segmung yóm kun gónô Dwata ne yó kem dwata kéng. Kaem tekuy se yóm kun gónô gónóhen nô yóm Dwata laen dù tul katayen. Hol lómón yóm tehe mon Dwata ekni, yóm monen, “Angate tendo nô bélê le yó kem dou tau, ne hol lem blóng le gónóhu nô. Ne ou se baling hol kul Dwata, ne lu se baling hol dou tau.”

1 Bok Kem Tau Hol Geta 6:7

Yó kem botu ngom nim Gónô Dwata hdà le ni, deng eles deng kehtilob le du bè yóm gónó le ma du, duhe kóm bè yóm kehdà le yóm Gónô Dwata, laen dù gungolem uni bakbak duhen ke uni asay duhen ke uni yó kem dumu nogot le nmò le bè bala tók.

Kem Lingón 93:5

Yó kem kóm hlau, Dwata, là kóen megetles. Ne yóm kóm Gónô, yó heklóón du, duhen yóm klaen dù belenem laen kô dù tul sónen.

Kulasi 2:19

Là kô le mogot bè Krays, igoen du yóm hol kulu yóm kdê tekuy deng mò henged lówóhen. Lemwót bè yóm kalaken tekuy, gónóhen tilob kesgayun te, ne baling tekuy gulit, lan te lemolò yóm kun kóyô Dwata.

1 Timuti 3:15

Okóm ke tolo wen anggau, syan dé deng wen sulatu eles gónóm temngón du yóm mò kmò yó kem tau fes lówó Dwata, duhen yó kem tau deng hemtahu béléen, yóm Dwata laen tul katayen. Hol lómón ke tekuy se yó kem hehek bè gónóen ne kem suguken, tekuy se gónó Dwata smalig du yóm ktahuhen.