Ifisus 2:11 - Udél Dwata: Gna Kesfasad ne Lomi Kesfasad

¹¹ Yu kem tau là Ju le, bê ye klifót yóm tehe kuy kmò ekni. Là kô ye semfu bè kem tau Ju se kuy, ne gel taba le kuy kem tau là tnulì. Tey kehegmón le du yóm deng ktulì le yó, igoen tek olon mlan te kulit kmò le du, là kóen mlan bè but blutut le.

Ifisus 2:11 Referans Kwoze

Kulasi 2:11

Bè yóm deng kessotu ye bè Krays, deng wen ilô nmoen bélê ye. Sundu bè kehtulì du, okóm yóm ilô nmò Krays, duhen yóm là bud kegfét ye du ne yóm óyô ye mò sidek.

Kulasi 2:13

Tehe yu ekni, deng ye golu elem hatay lemwót bè yóm kegsalà ye, ne bud lemwót bè yóm là deng kkó ye du yóm óyô ye mò sidek. Okóm ni, deng hlowil Dwata yu, gomong ye bè yóm tehe kehlowilen ke Krays gu lem hatay. Ne gotu hnifóten yó kem kdê salà tekuy.

Kulasi 3:11

Yó nefeten nim lomi klowil ni, laen dù bud gónón stólóng ne yóm tau Ju ne yóm tau là Juhen, yóm tau tnulì ne yóm tau là tnulien, yóm tau tólóng udélen, ne yóm tau laen dù tngónen, yóm tau klifen ne yóm tau là klifenen, abay se Krays yóm alì bong muhen bè kdéen, ne du se tendo nô bélê tekuy.

Kulasi 1:21

Tehe yu ekni, tehe ye glayuk bè Dwata, ne tey tehe gel khohon ye du lemwót bè yó sem ksidek nmò ye ne ksidek kehedem ye.

Flipay 3:3

Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.

Ifisus 5:8

Tehe yu ekni, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag.

Glasya 6:12

Yó kem tau tendo mubug kuy lemolò du yóm hlau bè logi, yó se yó kem tau olo le beyen heklabak ne hton salù bè yó kem dumu le. Abay se ke són yó tô tolok le yóm katay Krays bè kros, ke là hmung le du yóm hlau bè logi yó, angat wen gónó le hemsidek kul yó kem dumu le Ju.

1 Kurin 12:2

Tngón ye se yóm kegen ye là deng temngón ke Dwata, tey kegtondo ye bè yóm gel kgalak ye bè yó kem dwata kéng, yó kem dwata là mowilen.

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

1 Samwél 17:26

Omin Dabid mudél ebè yó kem tau mdà klohoken, monen mò kul, “Tedu se ofolen yóm tau gemhatay du yóm Flistin yóó ne ke kóhen bélê tekuy kem tau Israél yóm gónó tekuy myak nii? Tmau du se nim Flistin là hemtahu bè Dwata nii, tô nwiten sfatay yó kem sendalù yóm Dwata là matayen?”

Dwata 9:7

Bê ye abay klifót yóm tehe kehefebut ye ke Dwata yóm kuy Dwata hol gónó mogot, ditu bè yóm benwu laen hol wen tauhen. Tódô lenwóten bè yóm kdaw ktebel ye yóm benwu Idyip efet ye gefet dini, yó ne yóm tendo ksonol ye ke Dwata.

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Glasya 2:15

Bè ktahuhen, kesfu me Ju se kum. Là kô me semfu gu bè yó kem tau là Ju le, yóm gel bnoluy me, “tau gemsalà” lemwót bè yóm là ketngón le du yóm hlau Musis.

Isikél 36:31

Omin ye yó he hemdem du yóm tehe salà ye ne botong nsel ye knô ye bè kdê yó kem sidek deng gel nmò ye.

Dwata 5:15

Hentulón ye nawa tehe ye ghesek bè Idyip se kuy. Yóm kehewà ye gu bè yóm benwu yó lemwót béléu yóm sana kuy Dwata hol gónó mogot, ne mlan bè yóm tey kegbeku ne kgisu. Yó se gónóhu hol hlolò du kuy yóm hlau bè Kdaw Kehegnô.

1 Samwél 17:36

Ni se deng nmou bè yó kem liyun ne bè yó kem bér ne ni se bud nmou bè yóm Flistin là temngón ke Dwata yóó, yakà deng nbóten kul sfatay yó kem kun sendalù yóm Dwata là matayen.

Sulat Pol Ebè Yó Kem Tau Hemtahu Bè Rom 2:26

Baluen ke là Juhen yóm tau, okóm ke nimónen yóm hlau Dwata, nadat Dwata ne blayen du yóm kwalis baling hol kun tau yóm tau yó.

Sulat Pol Ebè Yó Kem Tau Hemtahu Bè Rom 2:27

Lemwót bè yóm fen kimón le yóm hlau Dwata yó kem tau là Ju le anien he ke là tnulì le, yó se gónó le angat dmuón kuy yu kem tau Ju bè yóm kulé ye yóm hlau deng snulat ye, igoen yu he yó kem tau deng nfun Dwata.

Sulat Pol Ebè Yó Kem Tau Hemtahu Bè Rom 11:17

Okóm yóm koyu ulib nfun Dwata yó, deng wen hanga kenlengen du ne tugoden du bè yóm hanga koyu ulib tehe nwahen tmowok lem dlag. Yu kem tau là Ju le, hol lómón ke yu yóm koyu ulib lem dlag. Deng ye gomong lembud bè yóm koyu hyu nfun Dwata, duhen yó kem Ju.

Ifisus 2:2

Bè yóm kdaw yó, tódô lolò ye yóm sidek kul gel nmò yó kem tau là hemtahuhen bè Dwata. Tódô nimón ye Seitan, yóm gónó le kmulu yóm kdéen mtulus gu talak kmawang. Bud du se yóm gel malak yó kem tau là mimón ke Dwata.

Matyu 20:7

Bnalà le se, mon le, ‘Laen dù tau hmò kum nmò.’ Bud monen se mò kul, ‘Mò ye nmò béléu dé bè huluhu.’ Tahu se, na le e mò nmò.